BOOQASHADII WASIIRKA GAASHAANDHIGGA SOMALIA Md, MUXYADDIIN MAXAMED XAAJI EE DALKA ETHOPIA

Wefdigii balaarnaa ee uu hoggaaminayay wasiirka Gaashaandhigga Somalia Md, Muxyaddiin Maxamed Xaaji ayaa dhawaan dalka dib ugu soo laabtay. Wefdigaas oo uu ka mid ahaa abaanduulaha X.D.S. Somalia Gen, Saciid Maxamed Xirsi { Saciid Dheere}, agaasimaha guud ee wasaaradda Gaashaandhigga Sammaan Maxamed Sheekh Dahir iyo saraakiil sar sare oo ka tirsan ciidanka Xoogga Dalka Somalyeed.

Wasiirka iyo wefdigiisa muddadii ay ku guda jireen socdaalkooda waxay soo booqdeen xereeyinka ciidamada melateriga Ethopia iyo xafiisyada Wasaaradda Gaashaandhigga, kuwaas oo ku kala yaala magaalooyin kala duwan. Sidaas oo kale waxay soo booqdeen xarumo lagu tababaro ciidamada Soomaaliyeed iyagoo u kuur galay xirfadaha gaarka ee ay bartaan ciidamadaas.

Muddadii uu joogay wasiirka wuxuu safaaradda Soomlya ee dalka Ethopia kula kulmay jaaliyadda Soomaaliyeed ee halkaas deggan, wuxuuna ku booriyay in ay isku duubnaadaan kana fogaadaan wixii dalka hooyo kasoo qaxiyay ayna la weynaato Soomaalinimada.

Intii wafdiga wasiirka aysan kasoo amababixin dalka Ethopia, waxay ka qeyb galeen xaflad balaaran oo lagu soo xirayay tababar u socon ayay ciidamada Soomaalyeed muddo 7 Bilood ah, iyadoo goobtii uu xiritaanka xafladaas ay ka dhaceysay oo aheyd magaalada Bilaate ay ciidamadaas kusoo bandhigeen dab rid iyo dhoolatus ciyaarsiis ah oo ku saabsanaa walxahii ay halkaas ku barteen ciidamadaas.

Wasiirka Gaashaandhigga dowladda federaalka KMG Soomaaliyeed Md, Muxyaddiin Maxamed Xaaji oo salaan ka qaatay cutubyadii halkaas socodka gaada-ka ciyaarka ku maray, ayaa halkaas wuxuu uga soo jeediyay amaan iyo mahad naq dowladda Ethopia.

Wuxuuna yiri:- Dowladda Ethopia ma ahan markii ugu horeysay oo ay soo tababarto ciidamo Soomaaliyeed, mana aha markii ugu horeysay oo ay isku howsho dhibaatada amaan daro ee ina heysata, waxay mar walba nala garab taagantahay taageero, waxay inuu hurtaa dhiigeeda,naftooda iyo maalkooda.

Abaalkaasna ma ilaabi doono. Wuxuu sidoo kale ku booriyay ciidamada dhameystay tababarka in ay muujiyaan waddani nimo iyo geesinimo, maxaaa yeelay, manta adinka ayuu dalkii ina sugayaa ayuu hadalkiisa kusoo geba gebeeyay Wasiirka.

Ugu dambeyntii wefdigii wasiirka Gaashaandhigga hoggaaminayay Md, Muhaidin Mohamed Hagi oo tegeay dalka Ethoia 12/7/08dii ayaa kasoo amabaxay magaalada Dabrazeyd 8/8/08, iyagoo kasoo degay Magaalada Baydhabo ee dalka hooyo.

Safiyo Abuukar Karaani

sofiyaloren@hotmail.com

Mogdishu – Somalia

NUURIYE CALI FAARAX IYO CALI GENEY HA LA SOO QABTO

Wareegto uu shaley soo saarey guddoomiyaha ciidanka booliiska dowladda federaalka , general Cabdi Qeybdiid, ayaa waxaa lagu xusey inla soo qabto Nuuriye Cali faarax iyo Cali geney.

Kuwaasi oo ku amar taagleeyey in badan maamulka iyo amaanka gobolka shabeellada hoose, ayaga oo sheeganaayey inay yihiin ciidanka nabadgelyada, isla markaana dejiyey amaanka gobolka.
Waxay hoggaan u ahaayeen ciidan mooryaan ah,kuna saleysan beel gaar ah, kuwaasi oo gaarey inay canshuuraad iyo ganaaxyo kusoo rogey gobolka,taasi oo ahayd culeys dheeraad aan dalka meelahiisa kale ka jirin.

Wararka ayaa sheegaaya inay labadaa dembiilayaalka ah , baxsadeen , ka dib goorta ay ka war heleen wareegtada lagu caddeeyey inaysan aheen kuwa dowladda ka tirsan isla markaana ku adeegto magaca booliiska, kana dhigey amaan darro gobolka shabeellada hoose.

Waraagtadaani waxay dhalisey inay wada baxsadaan, kuna dhuumaaleystaan midba halka uu is leeyahay waad ku amaan heleysaa, taasi oo ay wararku sheegayaan inuu Nuuriye Cali faarax ku dhuumaaleysanaayo aqalka Generaal Gaber, oo ah hoggamiyaha ciidamada Ethiopiaanka, oo markii horeyba lagu tuhmaayey inuu gacansaar la leeyahay kooxda ku amar taagleyso gobolka sh.hoose.

Wararkaani ayaa soo baxaayey ilaa muddooyinkii dambe , ka dib markii la shegeey inay shirar fara badan oo qaar qarsoodi ah woda yeesheen maamul ku sheeggii gobolka sh. Hoose, iyo general Gabre, ayaa la sheegayaa inay u qoondeeyeen lacag gaar ah , sidii uu u horjoogsado keenitaan ciidan dowladeed gobolka sh.hoose.

Halka uu ku dhuumaaleysanaaya Cali Geney aqalka wasiir ku xigeen mudane C/salaam, taasi oo ka dhigan xubin dowladda ka tirsan in lagun dhuumaaleysto gurigeeda oo ah ku xad gudub sharciga isla markaana ka dhigan xoogin dulmi beeleed isu gaashaan buursi.

Indheer garad u dhashey gobolka ayaa waxay u arkaan haddii ay wararkaan run yihiin in arrintaani loo baahanyahay inay dowladda ka qaaddo tillaabo adag, siiba wasiir amase xildhibaan u janjeera dhan qabiil inay ka dhigantahay waxa dalka burburiyey , loona baahneyn in loo dulqaato, kuwa dulmiilayaasha ah, waxaase la sugayaa in sharciga la mariyo, lagana qaado xaqa umadda Soomaaliyeed.

Cadaaladda waa waxa laga la'aa dalka , una horseedey burburka maanta taagan, haddiise la helo waxaa hubaal ah inuu dalkaani ka fiicnaandoono dalal badan ee dunida ku yaal.

Hadalka waxuu ku koobanyahay ha lasoo qabto fara ku dhiigle, iyo dembiile kastaa ee dalkaan iyo dadkaan dhibaata u geystey intii uu dalka ahaa mid ku sugan burbur, hana la mariyo cadaaladda................dhulkan kii leh ha soo baxo...

Tafatiraha Wargeyska

Moh,ad Deeq Xaaji Ali

banaadirpost@gmail.com

Guddoomiyaha Gobolka Banaadir oo xilkii laga qaaday

Golaha Wasiirrada Xukuumadda Federaalka Soomaaliya ayaa shir ay maanta ku yeesheen xaruntooda Magaalada Muqdisho waxay xilkii Guddoomiyenimada Gobolka Banaadir iyo Duqa Magaalada Muqdisho ka qaadeen Maxamed Cumar Xabeeb (Maxamed Dheere).

Shirka ay Golaha Wasiirrada isugu yimaadeen oo uu shir guddoominayay Ra’’iisal Wasaare Nuur Cadde ayaa waxaa gunaanadkiisii ka soo baxday in Xilkii Guddoomiyenimada Gobolka Banaadir iyo Midkii Duqa Magaalada Muqdisho laga qaaday Maxamed Cumar Xabeed (Maxamed Dheere).

Warar aynu ka helnay Ilo ku dhow dhow shirkii Golaha Wasiirrada ee maanta waxaa lagu sheegay sababta Maxamed Dheere xilkaas looga qaaday xil-gudasho la’aan iyo in ay ka soo eed-sheegteen Xubno kala tirsan Maamulka Gobolka Banaadir, kuwaasi oo sheegay in ay la shaqeyn waayeen Maxamed Dheere.

Wararku waxay intaas ku darayaan in xilkii uu hayay Maxamed Dheere si KMG ah loogu sii dhiibay Maxamed Cusmaan Cali (Dhagax-tuur) oo ah Guddoomiye ku xigeenka Gobolka Banaadir ee dhinaca Arrimaha Bulshada.

Maxamed Dheere ayaa xilka Guddoomiyenimada Gobolka Banaadir loo magacaabay 26-kii April ee Sanadkii 2007, iyadoo uu magacaabay Ra’iisal Wasaarihii hore ee Xukuumadda Federaalka Soomaaliya Prof. Cali Maxamed Geeddi oo wareegto xafiiskiisa ka soo baxday lagu sheegay in uu magacaabistiisa aqbalay Madaxweyne C/llaahi Yuusuf Axmed.

Maxamed Dheere ayaa intii aan xilkaas loo magacaabin wuxuu ka mid ahaa Hoggaamiye Kooxeedyo ku midoobay Isbaheysi la magac baxay La-dagaalanka Argagixisada, kuwaasi oo ay ka awood roonaadeen Maxkamadihii Islaamka bartamihii sanadkii 2006.

Maxamed Cumar Xabeeb (Maxamed Dheere) ayaa intii aaney ka awood roonaan Maxkamadihii Islaamka waxaa uu muddo shan sano ah ka talinayay Gobolka Shabeelaha Dhexe, iyadoo marka laga soo tago in uu dadka gobolka ku soo rogay Shuruuc adag iyo Canshuur xad-dhaaf ah uu dhinaca kale si weyn u sugay ammaanka Gobolkaas, taasi oo keentay in ay Madaxweyne C/llaahi Yuusuf iyo Ra’iisal Wasaarihiisii hore Prof. Cali Maxamed Geeddi ay muddo 9 bilood ah ku soo shaqeeyaan Magaalada Jowhar ee Xarunta u ah Gobolka Shabeelaha Dhexe.

Banaadir Post.

banaadirpost@gmail.com

Allaha U Naxariistee Al-fanaan Xasan Diiriye Faarax oo geeriyooday.

Allaha u Naxariistee waxaa geeriyooday Fanaanka Somaliyeed ee Caanka ah Xasan Diiriye Farax oo ka mid ahaa Fanaaniintii Hobalada Waberi.
Fanaanka Wayn ee Xasan Diiriye ayaa waxa uu ku geeriyooday wadanka Kuwait waxana uu halkaas u joogay Arimo Caafimaad sida uu sheegay Wiil uu dhalay Fanaanka oo lagu Magacaabo Saleyman Xasan Diiriye.
Xasan Diiriye ayaa waxa uu dhawaanahan la xanuunsanayay Cuduro ay ka mid yihiin Dhiig kar iyo Sokorta iyo Cuduro kale waxaana loo qaaday dalka Kuwait si halkaas loogu soo daweeyo. Habeenimadii xalay Saqdii Dhexe ayuu Fanaanka ku geeriyooda wadanka Kuwait waxaana uu ku dhintay Da,da 60 sanadood. Fanaanka ayaa ka mid ahaa fanaantii ugu horeeysay ee dalka Somalia waxaana uu Caan ka ahaa dalka isagoo ka mid ahaa Udub Dhexaadka Fanaaniinta Qaranka ee Hobolada Waaberi.
Allaha U Naxariisto Xasan Diiriye Faarax waxaa uu ka soo qayb qaatay Ruwaayado fara badan iyo sidoo kale Heeso aad badan oo uu isaga ku luuqeyaya waxaana Heesahaasi ay yihiin kuwo si aad ay u xiiseeyaan dhamaan shacabka Somaliyeed ee Fanka Jecel. Ruwaayadaha uu ka soo Qayb qaatay waxaa ka mid ah Ruwaayadii Shabeel Naagood oo ka mid ahayd ruwaayadihii ugu horeeyay ee dalka laga dhigo waxana uu Ruwaayadaas ka ahaa Aktarka ay ku socoto Ruwaayada.

Heeso Fara badan ayuu ku luuqeyay Xasan Diiriye waxaana ay Geeridiisu noqonaysaa mid ay si wayn ula Murugoodaan dhamaan Bahda Fanka Somaaliyeed oo uu ka tagay Xasan Diiriye. Ifka waxa uu kaga tagay Caruur iyo Xaasas waxaana caruurtiisa ay ku Noolyihiin Magaalada Muqdisho gaar ahaan Xaafada Towfiiq. Geerida Xasan Diiriye ayaa waxa ay Imaanaysaa iyadoo sanadkan Gudihiisa ay geeriyoodeen tiro fara badan oo ka mid ah Fanaaniintii Hobalaada Waaberi.

Waxaa ka mid ah Fanaaniinta Geeriyootay Sanadkaan inta lagu Jiray Fanaanka Somaliyeed ee Maxamed Yusuf, sidoo kale waxaa sanadkan gudihiisa geeriyooday Axmed Nuur Jaangow, Macoow AW diinle Abtow, C/llahi AMiir Rooble AWkuku, iyo C/llah Nuuradiin Axmed oo isaguu TOdobadkii hore dabayaaqadiisa geeriyooday.

Illahay ha u wada Naxariisto dhamaan Fanaaniinta geeriyootay ee Somaliyeed.

samtarxildiid@hotmail.com

Shiikh Xasan Daahir oo Digniin u diray Qaramada Midoobay

Guddoomiyaha Isbaheysiga Dib u xoreynta Soomaaliya Garabka Asmara Shiikh Xasan Daahir Aweys ayaa wuxuu digniin u diray Qaramada Midoobay oo uu uga digay in ay taageero siiso Dowladda Federaalka Soomaaliya iyo Ciidamada Itoobiya ee Soomaaliya ku sugan.

Shiikh Xasan Daahir ayaa sheegay in dagaal ay la galaan Ciidamo ka socda UN-ka oo Soomaaliya la geeyo ay ku xiran tahay sida ay ula saftaan Dowladda Federaalka Soomaaliya, “Dagaal aan la galno Ciidamada UN-ka waxay ku xiran tahay sida ay u dhaqmaan marka ay Soomaaliya yimaadaan”ayuu yiri Shiikh Xasan Daahir oo ka digay inay Ciidamadaas noqdaan kuwo la safta Dowladda Federaalka iyo Ciidamada Itoobiya.

Golaha Ammaanka ee Qaramada Midoobay oo dabayaaqadii todobaadkii hore shir ka yeeshay Arrimaha Soomaaliya ayaa wuxuu sheegay in uu ka fiirsanayo Ciidamo UN-ka ka socda oo loo dirayo Soomaaliya, kuwaasi oo bedeli doona Ciidamada Amisom ee haatan ku sugan Magaalada Muqdisho oo tiradooda ay dhan tahay 2,600 oo Askari.

Shiikh Xasan Daahir oo isagoo ku sugan Magaalada Asmara ee Dalka Eritrea u waramayay Wakaaladda Wararka AP ayaa wuxuu beeniyay eedeymo ay Mareykanka iyo Qaramada Midoobay u jeediyaan oo ah in uu xiriir la leeyahay Ururro Argagixiso ah.

Dhanka kaelena Kaaliyaha Xoghayaha Arrimaha Dibadda Mareykanka ee Afirka Haweeneyda lagu magacaabo Jendayi Frazer oo BBC-da la hadashay ayaa sheegtay in haddii Shiikh Xasan Daahir uu doonayo in laga saaro Liiska Argagixisada uu taageero hannaanka Dib u heshiisiineed ee laga dhex wado dhinacyada Soomaalida, dhana ka raaco saxiibadiisa jabuuti jooga,waa kuwa Sheekh Shariif hogaamiyo.

Dadka aad u yaqaan Xasan Daahir ayaa leh ma ahan nin raba sida wax u socdaan,dagaal fidno iyo belaayo sii socota ayuu dan u arkaa....#

Banaadir Post.

banaadirpost@gmail.com

Maamulka gobolka Sh/hoose oo ka digay in howlgalo loogu soo diro gobolkaasi ciidamadii dhowaan DF loogu soo tababaray Itoobiya

Guddoomiye ku-xigeenka dhinaca amaanka ee maamulka gobolka Sh/hoose ahna ku-simaha guddoomiyaha gobolkaasi Maxamed Max’uud Cilmi ayaa sheegay in degmooyinka gobolka aan looga baahneyn in loo soo diro ciidamada dhowaan lagu soo tababaray dalka Itoobiya, isagoo xusay in haddii ay taasi dhacdo ay la mid noqon doonto dagaal lagu soo qaaday amaanka ka jira gobolkaasi.

Isagoo ka hadlayey shir jaraa’id oo uu maanta ku qabtay magaalada Marka ee gobolka Sh/hoose ayaa waxaa uu intaa ku daray in amaanka gobolka iyo degmooyinka hoos yimaadaba uu hadda yahay mid aad u wanaagsan isla markaana ay ka howlgalaan ciidamo boolis ah oo ku filan, umana baahnin ayuu yiri ciidamo meel kale laga keenay oo laga yaabo in gobolka ay dhibaato ka abuuraan, wuxuuna ugu baaqay DF in ciidamada hadda tababarku ugu soo dhamaaday Itoobiya iney geyso caasimada Somalia magaalada Muqdisho oo uu xusay iney ka taagan tahay amaan daro baahsan.

Hadalka ninka sheegta guddoomiye ku-xigeenka gobolka Sh/dhexe ee ah inaan gobolka Sh/hoose la keeno karin ciidamada DF ee lagu soo tababaray Itoobiya ayaa ku soo beegmaya xilli ay jiraan warar la isla dhexmarayo oo sheegaya in ciidamadaasi qaar ka mid ah la geyn doono gobolkaasi, dhowaan ayeyna aheyd markii ciidamadaasi lagu soo tababaray Itoobiya oo ku soo jeeday magaalada Muqdisho ay isku dhaceen ciidanka maamulka degmada Afgooye halkaasoo ay iskaga dileen illaa 3 askari oo labada dhinac ah waxaana markaa ka dib hadalo ku wareeray cidanka Federlka ninka sheegta inow yahay taliyaha ciidanka Gobolka Shabeelada hoose Cali Ganey.

Isku soo duub dhamaan ragani ma ahan maamul loo doortey ama laga leeeyahay gobolka shabeelada hoose, waa ragii xooga ku haystey Gobolka Shabeelada Hoose, dhamaantoood waa isku qabiil aan hadana ma ahan dad u dhashey gobolka.

Banaadir Post.

banaadirpost@gmail.com

Oday 70-jir ah oo qiso la yaab leh ku qabsatay Muqdisho

(QISO DHAB AH) Oday Soomaaliyeed oo ay da'diisu kor u sii dhaafeysay 70-sano,markaasna si ku-meel gaar ah u degganaa Gobollada Jubbooyinka,ayaa ku fekeray: in uu soo xajiyo,soona booqdo dhulka barakeysan ee Maka iyo Madiina.

Odaygii ayaa shiriyay Caruurtiisii iyo labadiisii Haween; wuxuuna ku yiri:- "Anigu waxaan u socdaalayaa Beytkii Allah, oo waan soo xajiyayaa,waxaana aan sii socodkayga marayaa Muqdisha. Waxaan eegayaa xaaladda Aqalkeennii aannu dagaallada sokeeye awgood uga soo cararnay.Nabadey,Garabkiinnana Allaha galo".

Aroortii dambe ayuu Odaygii soo galay Safar,habeen uu soo dhaxay ka-dibna wuxuu soo gaaray Muqdisha. Toos ayuu u soo abbaaray Aqalkiisii uu 9-sano ka-hor ka qaxay,wuxuuna soo ag-istaagay Albaabka Guriga,isaga oo Caruur meesha ku hor-ciyaareysay ka codsaday in ay ugu yeeraan waayeelka Guriga.

Caruurtii ayaa dib u gashay guriga,waxayna u yeereen oo dibadda u soo baxday hooyadood oo markaas ahayd reerkii degganaa aqalka; ninkeeduna wuxuu isaga maqnaa hawlihiisa gaarka u ahaa.

Haweeneydii ayaa ku tiri Odaygii:-"Adeer,yaad rabtay,maxaadse doonaysay oo uu muraadkaagu ahaa"?!!. Odaygii ayaa wuxuu ku jawaabay,oo yiri:-"Maandhaay,waxaan ahaa Odaygii lahaa Gurigan,haddase taas umaba socdee,waxaan rabay oo kaliya, in aan ogaado cidda deggan aqalka,la sii dardaarmo,oo weliba ugu duceeyo sii ilaalinta aqalka".

Gabadhii oo horena isku sii lahaysiisay Aqalka,kana sii carootay hadalka Odayga,ayaa inta ay faruurya-qaniinsatay,go'aansatay in ay khaarajiso Odayga,si ay u soo af-jarto inuu dib dambaba u sheegto aqalka.

Haweeneydii ayaa Gambar dibadda u soo dhigtay Odayga,waxayna ku tiri:-"Adeer arrimaha Aqalka waannu ka sheekaysanaynaaye, Gambarkan ku fariiso, oo igu sii sug Geedkan hoostiisa, inta aan ka soo laabanayo Xaafad halkan ah,oo aan muraad u leeyahay".

Odayga oo run mooday hadalka Haweeneyda ayaa iska hoos-fariistay Geedkii weynaa ee ku hor-yiil aqalka.

Haweeneydiina, inta ay degdeg u qaadatay Garbasaarkeedii(Hagoog) ayay Xaafadda sii gashay.Waxay Haweeneydii u tagtay koox Mooryaan ah oo ay isku-heyb ahaayeen,Xaafaddana ka ag-dhowaa. Waxay ugu habar-wacatay oo ka codsatay in ay dhaqaaqaan oo toogasho ku dilaan Ninka Aqalkeeda hor-fadhiya.

Daqiiqado gudahood ayuu Odaygii galay Musqusha(Suuliga) Aqalka,si uu u soo muraad-qunsado,isla daqiiqadahaas ayaa waxaa aqalka soo gaaray ninkii qabay Haweeneyda,wuxuuna is-yiri:- "Inta aadan aqalka galin, sii naso oo ku sii fariiso gambarkan aqalka hortiisa yaalla".

Ninkii oo ku fadhiya Gambarka,hoosna u foorara,ayaa waxaa meel dhowr tallaabo u jirtay,iyagoon hubsan ka soo toogtay Mooryaantii ay Naagtiisu soo dirtay,isku heybtana wada ahayeen.Ninkii ayaan naftaba dhulka la dhicin oo geeriyooday.

Odaygii Suuliga ku jiray, ee dabinta loo dhigayay,inta uu maqlay rasaasta iyo tacshiiradda ka hor-dhacaysa guriga ayuu deg-deg u soo baxay,cagahana wax uga deyay oo lafihiisa la baxsaday.

Soomaalida ayaa tiraahda:-"God sireed ha qodin,haddaad qoddidna ha dheereyn, ku-dhici doontidaa ma ogide".Islaantii ayaa dib u soo laabatay,waana ay maqlaysay Rasaasta dhacaysa,waxayna aaminsaneyd in laga takhalusay Odaygii Geedka hoos-fadhiyay.

Laakin,waxaa kedis iyo fajac ku noqday oo ay soo kor-joogsatay Meydkii Ninkeeda iyadoo ay caruurteediina ku dul-barooranayaan...!!Waxaa la yiri:-Diin (Diidiin) ayaa lagu war-geliyay in ay Habar-dugaag iyo Haad oo dhammi u showreen. Wuxuuna yiri Diinkii: "-Halkii la iigu tashanayay sow Allah ma joogin". Halkii ay Haweeneyda dhagar-qabtada ah iyo Mooryaantu ugu tashanayeen Odayga Musaafurka ah, sow Allah ma joogin..!!.

Haa waa uu joogay,wuuna ka jawaabay Allaha boqorka ah ee aan cidna dulmayn.Waxay Soomaalidu tiraahdaa:-"Sir ma qabe Allaa u sahan ah". "Nin ku siray wax kuu sheeg"."Sir ma qabe Saab baa biyo u celiya" .Waxaa kale oo ay Awoowayaasheen nooga tageen murti ah:- "Wanka macasha weyni, ilaa la bireeyo (qalo), Indhihiisu ma arkaan Xiddigaha".

Wataa Haweeneydii dabinta qooleysay Saaratay Asaayda,gacmaheedana ku agoonteysay Ubadkeeda. Rasaastii eheladeedana ku toogatay Ninkeeda iyo Caruurteeda Aabbahood..

WD/Cismaan Cumar Cabdulle (Cismaaney) osmanhilowle@hotmail.com ....

Banaadir Post

banaadirpost@gmail.com

Oday Bililiqo Axmed Diiriye oo ah nin dilaay ah kuna caanbaxa Bililiqada ayaa dhawaanaha waxa uu bartay in uu eedeyn iyo aflagaado u jeediyo Maamulka Sharafta leh ee Puntiland isagona taas kaga doonayo in uu qilaaf uga dhex abuuro beelaha ku wada Dhaqan Galkacyo.

Waxa uu canbaareyn u jeedinayaa dambiilayal lagu dilay magalada Galkacyo oo isaga ku hayb a isagona afkiisa qurmoon ku taagayo Maamulka Puntiland.

Lakin waxaa la yaab ah in Oday Bililiqo Axmed Diiriye uusan ka warqabin in isaga uu yahay dhiig cab wayn oo dilaa ah isla markaan xasuuq ka dhan ah diinat Islaamka gaystay.

Miyuusan ogayn in Guriga uu daganyahay uu ku hoos duuganyaha ninkii iska lahaa oo ka dhashay Beesha Kablalax Daarood gaar ahaan beesha Dhulbahante oo uu dilay Axmed Diiriye si uu ugala wareego guriga .

Waxa xaqiiqo ah oo la xasuusinaaa Axmed Diiriye Markii uu lugaha ka xirayay laba gabdhood oo maskiinta reer xamarka cad cad kah islo markana uu dilayay Aabahood isagoona ku dhex xabaalay guriga kale uu hada xooga ku haysto.

Ma jirtaa xasuuq iyo dambi kaas ka wayn oo uu qof gaysto.
Illahay waxa uu Yiri “qofkii qof aan waxba galabsan o Muslim ah dila waxa uu mutaysanayaa Naarta Jahanamo isagoona ku waarayo Abid”.
Sidaa darted Axmed Diiriye ODAY Bililiqo waa nin Ahlu Naar ah oo gaystay Fal dambiyeed Sharciga Islaamka ka baxsan.

Marka uu falkan gaysanayay ayaa waxa uu ku fikirayay in uu dhul ka helo Magalada Muqdisho Madama Beeshiisa ay horor ahaayeen oo ay doonayeen in ay xoog ku dagaan magalada Muqdisho.

Sidaa darteed waxaa Ceeb ku ah Oday Bililiqo Axmed Diiriye in uu Canbaareyn u jeediyo dad uu sidaas u xasuuqay dadkii ka dhashay oo uu guryahooda xoog ku daganyahay waxana loo sheegayaa in Magalada Muqdisho aysan ahayn meel uu isaga si gaar ah u leeyahay balse la imaan doono oo laga saari doono guriga uu baada iyo qasabka ku haysto wali.

Sidoo kalena waxaa loo sheegayaa in magalada Galkacyo waxa ka jira ay tahay mid uu Mas,uul ka yahay isaga iyo Dhiigyo Cabka kale ee Cismaan Caato isla markaana Maamulka Puntiland uu iska caabinayo cadawtooyada kaga imaanayso Koofurta Galkacyo.
Ninka lagu dilay Waqooyiga Galkacyo kama sharaf badna Cali Jamac Biixi oo uu dilay Dhiig Cabka Cisman Caato sidaas daraadeed Oday Bililiqo Axmed Diiriye waa in uu afka Qabsadaa oo uu iska daayaa Aflagaadada uu u jeedinayo Puntiland ileen waa ay ka sharaf badan Yihiin dadka ku dhaqan Puntiland.
Waxaana ugu dambeeyn ku soo afmeereynaa Qormadeynan Murti yar oo aan u jeedinayno Oday Bililiqo Axmed Diiriye taas oo ah:-
Dilaayoow Dilbaa kuu Dambeeyo..

samtarxildiid@hotmail.com

Maleeshiyada Taliye xigeenka Booliiska G/Sh/Hoose oo wax la dilay iyo wax baxsaday noqday ka dib kolkii ay iska horyimaadeen Ciidamada Milateriga ee l

Ciidamada Militeriga ee dhowaan lagu soo tababarey dalka Itoobiya ayaa maanta hub ka dhigis ku sameeyey qaar ka tirsan malleeshiyaadka Booliska Gobolka Shabeellada Hoose,ka dib markii ciidamadu halkaas soo gaareen,waxana hub ka dhigista sababey ciidamada ayaa markii ay magaalada soo galeen waxay arkeen malleeshiyaad aa darees wadan misna ku sugan laamiga degmada Afgooye,waxayna ku amreen inay hubka dhigaan hase yeeshee malleeshiyaadka ayaa diiday amarka oo bilaabay inay dagaalamaan.

Tacshiiradda la isweydaarsadey ayaa waxa ku dhintey Mid ka mid ah Booliiska degmada iyo 3-ka tirsan malleeshiyaadka maaamulka Gobolka Sh/Hoose oo ay ku badan yihiin beesha Cayr ee Habargidir,iyadoo laga qaatey hubkii ay wateen,waxana baxsadey kuwo kale,warka ayaa intaas ku daraya in malleeshiyada Booliska ee la diley ay ahaayeen ilaalada Taliye ku xigeenka Booliska Nuuriye Cali Faarax,sidoo kale waraku wuxuu intaas ku darayaa in malleeshiyaadka Booliska Goblka ee ku sugan degmada Afgooye ay magalada dhinac uga baxeen iyagoo aadey dhinaca Gobolka.

Ciidamada cusub ee iskugu jira Itoobiyaanka iyo Soomaalida ayaa waxay iminka degeen Warshadii hore Yaanyada ITOP iyadoo aan la garaneynin inay sii joogayaan iyo inay ka guurayaan,dhinaca kale waxa cabsi laga dareemayaa bartamaha Gobolka Shabeellada Hoose,oo la sheegey inay ka socodaan abaabul ciidan oo ay wadaan kooxo diiddan imaanshaha ciidamada cusub.

Waxa qax iyo jahwareer ku abuurmey shacabka degan magaalooyinka Shalanbood,Buulomareer,Jannale iyo Marka,halkaas oo dadku ka cabsi qabaan saameyn ay ku yeelato diyaargorowga ciidan ee halkaas ka socda,iyagoo ka cabsi qaba inay halkaas ku soo wajahan yihiin ciidamada cusub.

Xafiiska daafeet.com,
Muqdisho

Mas’uuliyiinta dekeda Muqdisho oo is’hortaag ku sameeyey dejinta markab sida raashin dhacay oo ay keensadeen ganacsato Somali ah

Xiisad iyo muran ayaa ka taagan gudaha dekeda weyn ee magaalada Muqdisho ka dib markii uu khilaaf soo kala dhex galay qaar ka mid ah ganacsatada badeecadaha kala soo dega dekedaasi iyo iyo maamulka dekeda Muqdisho kaasoo salka ku haya markab uu ku raran yahay raashiin dhacay oo dekedaasi ku soo xirtay, kaasoo ay leeyihiin ganacatadaasi.

Murankan ayaa yimid ka dib markii maamulka dekeda uu is hortaag ku sameeyey in markabkaasi laga soo dejiyo raashin kumanaan tan ah sida la sheegay ah mid dhacay, waxaana labada dhinac uga socda gudaha dekeda weyn ee magaalada Muqdisho kulamo ay ganacsatadu ku doonayaan in ganacsatada uga dhaadhiciyaan maamulka dekeda iney raashinkaasi la baxaan, lamana oga in mowqifka maamulku uu isbedel ku iman doono iyo inuu ku adkeystaan go’aankaasi ahaa inaa raashinkaasi laga soo dejineynin dekeda Muqdisho.

Markabkan la sheegay inuu ku raran yahay raashinka dhacay ayaa waxaa iska leh ganacsato reer Muqdisho ah oo ku bahowday shirkad lagu magacaabo Al Mustaqiim Trading Co, waxaana wararka laga helayo dekeda ay sheegayaan in raashinkan oo ku jiro jawaano uu ku dhex qurmay oo dusha ay uga taalo (Animal Food) oo la micno ah cuntada xaywaanka, iyadoo taariikhda ku taalana ay muujineyso inuu muddo sanado ah dhacsan yahay, waxaana agaasimaha dekeda Muqdisho uu sheegay in raashinkaan haddi la fasaxo laga yaabo inuu caafimaad daro iyo cuduro hore u horseedo bulshada marka ay isticmaalaan.

Xafiiska war qabadka DayniileMuqdisho

Somaliadayniilecom@hotmail.comdeyniilenews@yahoo.com

Gudoomiyihii Midowga Maxkamadaha ee Dagmada Aadan Yabaal oo La Dhaawacay

Gudoomiyihii Midowga Maxkamadaha ee Dagmada Aadan Yabaal oo ka tirsan Gobolka Shabeelada dhexe Sheekh Muxyadiin Cariish ayaa xalay la keenay Isbitaalka Jowhar, kadib markii koox ka falaagoowdey midowgii maxkamadaha ay wadada u gashay isla markaasna ay rasaas ooda uga qaaday.

Wararka intaasi waxeey ku darayaan in 13-qof oo ka mid ah dhaawacyada la gaarsiiyay isbitaalka Jowhar ayaa ku dhaawacmay gaari ku rogmaday deegaanka Buur-weyn ee degmada Jalalaqsi, kaasoo ku wajahnaa Degmada Jowhar.

Dhaawaca Gudoomiyaha Degamada Aadan Yabaal ayaa yimid kadib markii koox horey oga mid ahaan jirey maxkamadaha oo aad u hubeysan ay xalay weerar kedis ah ku qaadeen gaarigii uu la socday, oo ku sii jeeday Aadan yabaal,waxaana la dhaawacmay mid ka mid ah ilaaladiisa, halka mid kale la sheegay inuu ku geeriyooday tacshiiradii la is dhaafsaday.

Dhanka kale, kooxo burcad ah oo aad u hubeysan ayaa dhac iyo baarasho ugu geystay duleedka waqooyi ee Dagmada Jowhar gaari ay la socdeen rakaab ku socday gobolada dhexe kana ambabaxay Muqdisho, iyadoo kooxaha falkaas geystay aan weli gacanta lagu dhigin.

Dagmada Jowhar ayaa waxay habeenadii ugu dambeysay ahayd mid uu saarnaa badow la sheegay in lagu sugayo amaanka, lagulana dagaalamayo kooxo magaalada dhexdeeda isbaarooyin dhigta.

Banaadir Post.

Afgooye(Somalia)

banaadirpost@gmail.com

Odayaasha dhaqanka ee Baladweyn oo Jawaab kulul ka bixiyey Waraaqo lugu daadiyey Magaalada Gudaheeda.

Golaha Odayaasha dhaqanka ee Magaalada Baladweyn ayaa jawaab kulul ka bixiyey Waraaqo lugu daadiyey gudaha Magaalada Baladweyn ,kuwasoo loogu digayey Odayaashaasi.

Golahan waxa ay ku sheegeen talaabada Waraaqaha lugu daadiyey kuwa looga soo horjeedo Horumarka gobalkaasi & Dadka ku dhaqan ,waxa ayna sheegeen in looga baahan yahay kooxihii ka dambeeyey in ay warkaasi ka laabtaan.

Sheekh Yuusuf Sheekh Max’uud oo ka mid ah Odayaashaasi ayaa sheegay in talaabada u arkaan mid lugu cabsigalinayo dadaalada ay wadaan ,isagoo sheegay in aysan marnaba howlahooda joojin doonin.
Wuxuu sheegay in aysan marnaba habooneyn in ay sidan oo kale ay yeelaan kooxo doonaya in ay Soomaaliya xukumaan ,waxa ayna dad badan aaminsan yihiin in ay Waraaqahan qoreen dad ka soo horjeeda Horumarka gobalkaasi Hiiraan.Yuusuf mar la weydiiyey joojinta Howlihii ay wadeen & in kale ayuu sheegay in ay dhawaan la kulmayaan ciidamada dawladda Itoobiya ayna kala hadlayaan xaaladaha gobalka Hiiraan & ka shaqeynta howlo nabadgalyo oo Magaalada wax looga qabanayo.

Waraaqihii habeenkii xalay ahaa lugu daadiyey Magaalada Baladweyn waxa ay noqdeen kuwa siweyn maanta looga hadal hayey Magaaladaasi ,ayadoo ay dad badan walaac ka muujiyeen Digniinaha loo jeediyey odayaasha ka shaqeynaya nabadgalyada..

Odayaasha Dhaqanka gobalka Hiiraan oo jawaab kulul maanta ka bixiyay waraaqo xambaarsanaa digniino iyaga ka dhan ah oo xalay lagu daadiyay magaalada Beled weyn.

Odayaasha dhaqanka ee gobalka Hiiraan ayaa maanta kulan ay ku yeesheen magaalada Beled-weyn ee xarunta u ah gobalkaasi waxaa ay kaga hadleen waraaqo digniino iyaga lidi ku ah xambaarsanaa oo xalay lagu daadiyay magaalada,waraaqahaas oo Odayaasha uga digayay kulamada xal doonka ah oo ay la yeeshaan saraakiisha Itoobiyaanka oo ay ku qanciyaan magaalooyinka in aanay soo gelin si shacabka loo bad baadiyo.

Odayaashu waxaa ay sheegeen in aanay dhag jalaq u siineynin waraaqahan oo uga digaya in ay kulamo la yeeshaan saraakiisha Itoobiyaanka,iyadoo la ogaa in kulankii dhex maray odayaasha iyo saraakiisha Itoobiyaanka ay odayaashu kaga dalbanayeen in ciidamdooda aanay magaalada soo gelin si looga bad baado dagaal magaaladaa ka dhaca.

Waxaa hadaba cad In kooxaha argagixisada ee dhibaatada ku haya shacabka Soomaaliyeed ayan kala jecleyn in magaalooyinka lagu duldagaalamo oo la laayo shacabka dagan iyo in kale,maadaama ay hada si cad u sheegeen in ay dilayaan Odayaasha hadii ay mar kale la kulmaan madaxda ciidamada Itoobiyaanka.

“Digniintani waxba uma dhibi doonto sii socoshada shaqada aan u heyno shacabka Soomaaliyeed gaar ahaana Reer Hiiraan,waxaana ognahay in digniintani ay ka timid kuwii horay ulaayay:aqoon yahanada, saraakiisha, culumaa’ udiinka iyo madaxda hey’adaha gargaarka”ayuu si kulul u yidhi sheekh Yuusuf Sheekh Maamuud xiirane oo kulankoodii kadib ay odayaashu u xilsaareen safaafada inuu codkooda kula hadlo.

“Diginiintan waxaan u aragnaa khasaare ay qas wadayaashu la damacsanyihiin odayaasha dhaqanka,laakin taasi nagama hor joogsan doonto in aan shacabkeena usii wadno adeega muhiimka ah ee aan u heyno”ayuu mar kale yidhi Sheekh yuusuf oo ka mida xubnaha golaha odayaasha dhaqanka ee gobalka Hiiraan.

Banaadir Post
Afgooye
banaadirpost@gmail.com

Guddoomiyaha guddiga fulinta isbahaysiga dib u xoreynta Somaliya Sheekh Shariif Sheekh Axmed ayaa sheegay in kuwa ku sugan Tuulada Asmara ka baxeen Is

Guddoomiyaha guddiga fulinta isbahaysiga dib u xoreynta Somaliya Sheekh Shariif Sheekh Axmed oo ay garabka Asmara sheegeen in xilkii ey ka qaadeen ayaa gaashaanka ku dhuftay xil ka qaadistaasi, wuxuuna go'aankaasi ku tilmaamay mid sharci-darro ah.

Jawaab-celintii ugu horeysay ee uu Sheekh Shariif ka soo saaray xil-ka-qaadistiisa looga dhawaaqay caasimadda dalka Eriteria ee Asmara, ayaa waxa uu si kulul ugu naqdiyey Talaabada uu Munaafiq Oday Xasan Daahir Aweys ku sheegtay inuu kala wareegay Xilka Guddoomiyaha Guddiga Fulinta ee Isbahaysiga D/xoreynta.

Sheekh Shariif oo haatan ku sugan dalka Jabuuti, ayaa waxa uu khadka telefoonka wareysi xasaasiyad leh ku siiyey telefishinka Al-Carabiya oo ay xaruntiisa dhexe ku taallo magaaladda Dubai ee dalka Imaaraadka Carabta, wuxuuna sheegay in Inqilaabka uu Oday Xasan Daahir Aweys ku sameeyey jagadiisa ey tahay mid sharci-darro iyo qaanuun darro ah.Sheekh Shariif Sheekh Axmed oo ka mid ah hogaanka sare ee Isbahaysiga Dib-u-xorreynta Somaliya ayaa sheegay in talaabadda Xasan Daahir tahay mid wax u dhimayso heshiiskii dhawaan lagu kala saxiixday caasimadda dalka Yeman ee Sanca, wuxuuna farta ku fiiqay inay Shirkaasi ka soo qeyb galeen Wakiilo ka socday Oday Xasan Daahir Aweys iyo mas'uuliyiin ka tirsan Golaha Maxkamadaha Islaamka.

"Xubnaha Isbahaysiga ee haatan ku sugan caasimadda dalka Eriteria ee Asmara ee qaatay go'aanka xil-ka-qaadistayda, kama badno tiradooda 10-xubnood, kuwaasi oo ka mid ah xubnaha Isbahaysiga oo ay tiradooda guud dhan tahay 191-xubnood",

ayuu Sheekh Shariif Sheekh Axmed ku sheegay Wareysi uu Khadka Telefoonka ku siiyey Telefisihnka Al-carabiya."Kuwa ku dhawaaqay go'aanka ee lagu bedelayo hoggaanka Isbahaysiga kuna sugan magaaladda Asmara waa kuwo ka baxay Isbahaysiga, mana matalaan Isbahaysiga, mana haystaan Sharci", ayuu yiri Sheekh Shariif Sheekh Axmed oo gaashaanka ku dhuftay Xil-ka-qaadistiisa.Isagoo arrintaasi sii ambaaadayo, waxa uu sheegay in Nidaamka Isbahaysiga ee go'aankaas oo kale lagu qaadanayo tahay in la helo Saddex duleel xubnaha Isbahaysiga.

Mar wax laga weydiiyey cidda haatan matali karta Isbahaysiga, waxa uu carrabka ku dhuftay inay iyagu matalaan Isbahaysiga, isla markaana kulanka ay ku yeesheen magaalladda Jabuuti ay isugu yimaadeen Saddex duleel tiradda guud ee Isbahaysiga, wuxuuna ku celceliyey in go'aanka isaga xilka looga qaaday yahay mid sharci-darro ah.Sidoo kale, Guddoomiyaha Guddiga Fulinta ee Isbahaysiga, Sheekh Shariif Sheekh Axmed, waxa uu Wareysiga uu siiyey Teleishinka Al-carabiya si kulul ugu cambaareeyey Dowladda Eriteria inay carqallad ku hayso nabadda iyo deganaanshaha guud ee dalka Somaliya, wuxuuna beeniyey inay Dowladda Eriteria tageero siiso Golaha Maxkamadaha Islaamka iyo Kooxaha Mukhaawamadda ka wada gudaha dalka Somaliya.

Banaadir Post.

Xamar cade.

Ciidamada Cusub ee dhawaan tababarka ku soo dhamaystay Dalka Itoobiya oo ku soo jeeda Moqdisho iyo meelo kale

Wararka ka imaanaya magaalada Afgooye ayaa sheegaya in halkaasi ay ka jirto xaalad kacsanaan ah, kadib markii degmada Afgooye ee gobolka Sh/Hoose uu isku dhac ku dhexmaray ciidamada Cusub ee dhawaan lagu soo tababaray Dalka Itoobiya iyo ciidamo ka tirsan maamulka degmada Afgooye, waxaana tacshiirad la is weydaarsaday ku dhintay Askari ka tirsanaa ciidamadii horay ugu sugnaa Afgooye, iyadoo uu sidoo kale uu ku dhawaacmay mid kale.

Ciidamada ayaa waxaa horkacaya saraakiil Malateri oo ku socda baabuur gaashaamaan, amar siiya ciidankan tababaran, gobolkan Shabeelada Hoose, gaar ahaan Afgooye ayaa waxa jira xaalad la wada ogyahay sida tahay, waana meesha la rabo iney wax ka bilaabaan, aamaankeeda sugaan, si lama filaan ah ayay ku yimaadeen subaxan magaalaada Afgooye.

Wararku waxey sheegayaaan in markii ay yimaadeen Ciidamada dowladda ee lagu soo tababaray Itoobiya ayaa markii ay magaalada Afgooye soo galeen waxaa ku amreen ciidamadii maamulka in ay hubka iska dhigaan taasi oo keentay in ay dagaal bilaabaan, waxaana la sheegayaa in ciidamadaasi cusub ay ka qaateen kontoroolka Magaaladaasi 3-qori AK47-ah.

Dhinaca kale xaaladda degmada Afgooye ayaa haatan u muuqata mid kacsan waxaana ay cidamadii dawladda ee ku soo tababartay Itoobiya ay fariisimo ka samaysteen xarumo dhowr ah oo ay ka mid tahay Koontorolka Afgooye iyo xarumaha ciidamada, Warshada Itoop meel u dhow ayay fariisin kale ka sameysteen, dhinaca Markana waa daegaan, dhamaan irdaha laga soo galo Afgooye ayay xirteen....

Banaadir Post

banaadirpost@gmaal.com

Maquuste Daahir Aweys oo ku gacansaydhay heshisikii isbaysi ku sheegga

Sheekh Xasan Dahir Aweys oo hogaamiya garab ka mida golahii barakacay ee Maxaakiimta kana tirsan Isbaheysiga dib u xoreynta ayaa si rasmiya u shaaciyay inuusan ku qanacsaneyn qodobadii dhexdhexaadinta ee garabyada Maxaakiimta ku gorfeeyeen Magaalada Sanca.

“ Mashaa’iiqdii ka soo laabatay Sanca waanu kulanay,waan isla eegnay qodobadii,anagoo ku guda jirna qiimeeyntooda ayaan telefishinada ka aragnay labadii Shariif oo ka qudbeeynaya shir ay ku qabteen Djabouti,kuna shaaciyeen in lagu ansixiyay heshiiskii 09 June ay kula saxiixdeen dowlada Cabdulahi Yusuf sidaas daraadeed wada hadaladii Sanca wixii ka soo baxay,waxay ku dhamaadeen shimbirayahoow heesa”ayuu yiri Sheekh Aweys oo telefoon kula hadlay Waagacusub.

Sheekh Aweys wuxuu nadar ku maray inaysan xabad joojin hirgeleyn inta askari Itoobiyaana jooga Ciidda Soomaaliya,wuxuuna dhinaca kale xusay in xabad kala hortagaan Ciidan ajnabiya hadii Soomaaliya la geeyo.

“ Xariga alle ayaan qabsaneynaa,dagaalka xornimadoonka waan wadeeynaa,Isbaheysiga ragga ka qaloocday waan buuxineynaa xilalkooda,waxaana ugu baaqayaa shacabka Soomaaliyeed iyo Muqaawimada dagaalka wada inay iskaashadaan,kana fogaadaan ku xadgudubka shaqaalaha samafalka iyo cidkastoo aan dimbi gelin,diintii ay doonto ha aaminsanaatee”ayuu si dhiiranaan ka muuqato ugu nuux nuuxsaday Sheekh Xasan Dahir Aweys.

Hadalka Sheekh Xasan Daahir ayaa ka dhigan mid uu si cad ugu laalay qodobadii ka soo baxay Yemen kuna muujiyay inay dhamaatay rajadii laga qabay isfaham laga dhex abuuro isaga iyo Shariif Sheekh Axmed oo ay ahaayeen tiir dhexaadyadii Maxaakiimta dhinacyada Fulinta iyo Shuurada lixdii bilood ee 2006 Waxaa xusid mudan sida caadada u ah maquuste hasan daahir aweys inuu shirqoolo shekh sharif shekh axmed maadaama uu si cad uga soo horjeestay fikirkiisa guracan.

Waxaa qoraalkan soo diyaarshay Mohamed Hussein osman

mxuseen@yahoo.com mxuseen840@hotmail.com

NABAD GELYADA GOBOLKA SH. HOOSE OO KASII DARAAYA

Ka dib markii ay waayahaan dambe saldhig ka dhigteen dhallinyerada Alshabaab ee kasoo horjeeda dowladda federaalka ayaa waxaa soo kordhey, dhibaatooyinka ka dhaca jidadka gobolka sh.hoose.

Ayada oo dhibaatadaasi ay u badantahay jid gooyo iyo weerarro ay kooxdaasi ku qaadeyso ciidamada dowladda federaalka iyo kuwa Ethiopianka oo dowladda taageera, hase yeeshee taasi waxay dhibaato ku haaysaa gaadiidka iyo isku socodka dadweynaha.

Dhibaatadaa ay isku hayaan dowladda iyo kuwa kasoo horjeeda , ayaa waxay fursad u noqotey , kuwa ku mamey markii horeyba inay dadweynaha boobaan, taasi oo ay fursad ka dhigtaan inay jid gooyo fara badan ka sameystaan gobolka gudahiisa marba meel ayaga oo jid gooyo ka sameynaayo.

Waxaan wararku ku heleynaa in jid gooyada ay isu beddeshey inay qaar dhigtaan habeennadii, meesha ay qaarka kale dhigtaan maalin nimadii, taasi oo ay ka dhacdo iinta u dhaxeyso Buufo ilaa iyo No.60, ay u dheertahay dhanka wanaweyn, iyo ballidoogle oo ay kusii kordheen dhibaatooyina.
Ayada oo la ogyahay inay afduubyada iyo dilalka dhanka ceelasha ay kusoo barakaceen dadweyne fara badan oo kasoo qaxey dagaalada ka socda Moqdisho, oo weliba laga ogaarsado kuwa gargaarka u geeya taasi oo ka dhigan in dhibaatada lagu kordhiyo dadweynaha Soomaaliyeed oo la tacaalaa dhacaayo dhibaatooyinkii soo jiitamaayey 18kii sannadood.

Kuwa dhibaatadaan wada ayaa ah kuwa aan meelna ku xirneyn, taasi oo ay ka muuqato dhibaatadaani oo ay wada cambaareeyeen dowladda federaalka iyo kooxda Asmara labadeeda qeyb ee kala ah, kuwa Jebuuti saldhig ka dhigtey iyo kuwa kusoo hadhey Asmaraba.

Haddaba kuwa dhibaatada ka woda sh.hoose ayaa ah kuwa aan meelna ku xirneyn, oo aan loo saran Karin Maxaakiimta iyo Isbaheysiga iyo dowladda, haddaba waxay keli noqon karaan laba mid, inay yihiin kuwii dhibaatada ka wodey gobolka amase kuwa cusub oo hadda doonaayo inay soo banbaxaan, kana maaleystaan boobka iyo dhaca dadweynaha.

Waxaase maanta wararku sheegayaan in jidgooyo kala duwan ay ka socdaan oo si gaar ah hormuud ay kaga yihiin ciidamo mooryaan uu hor kacaayo Nuuriye Cali Faarax, oo eedeemo fara badan usoo jeediyeen aqoonyahanka gobolka u dhashey, marar badan, laguna tuhmaayo inuu lug ku leeyahay afduubyada ka dhaca gobolka gudahiisa.

Xafiiska Jammaamejammaame@gmail.com

Sh. Xasan Daahir oo ka horyimid heshiiskii Sanca, Yemen..mise waa run "Dagaalka ayaa dani noogu jirtaa marka uu leeyahay Wadaaadku,,

Sheekh Xasan Daahir Aweys oo ka mid ah hogaanka isbaheysiga dib-uxoreynta Soomaaliyeed, ayaa markii ugu horeysay ka hadlay heshiiskii dhawaan ay kala saxiixdeen garabyadii Maxaakiimta ee ku heshiiyay magaalada Sanca ee dalka Yemen.

Aweys ayaa isagoo xalay ku sugan magaalada Asmara ee dalka Eritariya wareysi uu siiyay Teleefishinka Aljazeera si ba`an u dhaliilay dhamaan qodobadii lagu heshiiyay, wuxuuna ku tilmaamay heshiis baadil ah oo aan u cuntami-karin isaga iyo inta ay isku fikrada yihiin ee ku sugan dalka Eritariya.

Xubnaha heshiiska ku gaaray Sanca, Yemen ee uu soo wakiishay Sh. Xansan Daahir Uweys ayaa inta badan ku fikir noqdeen garabka gudoomiyaha isbaheysiga Sheekh Shariif sh. Axmed kadib markii uu ka dhaadhiciyay wadciga dhabta ah ee jira, waxaana xubnahan ka socday Asmara ee uu soo wakiishay Sh.

Uweys qaarkood markii danbe ka dageen dalka Djabouti oo xarun u ah garabka Sh. Shariif.Uweys ayaa ku tilmaamay heshiiskii ugu danbeeyay ee ka dhacay maalmo ka hore caasimadda Yemen ee Sanca mid baadil ah islamarkaana aan u cuntameynin iyaga.Wareysiga uu Aweys ku mucaaraday heshiiskii dhawaan lagu gaaray magaalada Sabca ee dalka Yemen oo uu siiyay jariiradda warbaahinta Al-Jazeera halkan ka akhriso iyadoo af-ingiriis ...

Ka aqri meeshaan:http://english.aljazeera.net/NR/exeres/

Banaadir Post

banaadirpost@gmail.com

ALshabaab oo qiranaya iney ka garab dagaalamaan dagaalyahaniin shisheeye.

Ururka Al-Shabaab oo dagaalo xoogan kula jiro ciidamada Dowladda KMG iyo kuwa Itoobiya ee ku sugan Soomaaliya ayaa markii ugu horeysay qirtay in ay jiraan Ajaaniib ka barbar dagaalanta xoogaga ururkaasi.

Afhayeenka ururka Al-Shabaab Sh. Muqtaar Roobow (Abuu Mansuur) ayaa xaqiijiyay iney jiraan xubno ajaaniib ah oo ka barbar dagaalama dhinacooda kuwaasi oo uu ku sheegay in ay yihiin Islaam ka dhiidhiyay wax uu ku sheegay caddowga ku soo duulay dalka Soomaaliya.

Hadalka Afhayeenka Al-Shabaab ayaa ku soo beegmaya xili Dowladda Federaalka KMG ay shaacisay in ay gacanta ku dhigeen xubno ajaaniib ah oo u kala dhashay dalalka Ciraaq iyo Pakistaan, kuwaasi oo lagu qabtay dagaal shalay galab ku dhex maray Dowladda iyo Al-Shabaab inta u dhaxeyso Leego iyo Yaaq Bari Weyne ee gobolka Sh.Hoose.

Sidoo kale ay jiraan labo xubnood oo shalay dagaalkaasi looga dilay garabka Al-Shabaab kuwaasi oo iyagana u kala dhashay dalalka Pakistaan iyo Ciraaq halka labo kale oo dalalkaasi u dhashayna gacanta lagu dhigay sida uu caddeeyay Taliyaha ciidamadii la weeraray Col. Daahir Maxamed Xersi.Col. Daahir Maxamed Xersi ayaa sidoo kale sheegay in weerarkii shalay ay kaga dileen kooxihii weerarka soo qaaday 12 qof tiro kalena ay ka dhaawacaan, wallow uu arintaasi beeniyay Abuu Mansuur oo sheegay in dagaalkaasi ay kaga dhinteen sadax qof iyo sadax kale oo dhaawac ah.

Sidoo kale dagaal 17-kii bishan ka dhacay degmada Yaaqshiid gaar ahaan Isgoyska Towfiiq ayaa waxaa lagu dilay xubin ajnabi ah oo ka barbar dagaalamayey kooxihii weerarka soo qaaday sida uu Saxaafadda u sheegay Taliyaha Guutada 5-aad ee ciidamada Dowladda KMG oo la yiraahdo Col. Cali Caraaye kuna magac dheer Gacma Dulle.Ma ahan markii ugu horeysay ee dagaalada ka socda Koonfurta dalka Soomaaliya lagu dilo xubno Ajaaniib ah oo ka barbar dagaalamaya kooxaha ka soo horjeeda Dowladda iyadoo xubnaha Ajaaniibta ah ee soo gelaya dalka Soomaaliya qubaro caalami ah ay sheegeen in ay dalka ku soo galaan qaab Tabliiq, waxaana la ogsoon yahay in dowladdii Carta lagu soo dhisay xiligii ay ku sugneyd Muqdisho uu dalka Soomaaliya soo gaaray xubin sare oo warqad qoraal ah ka waday Wasaaradda Warfaafinta ee xukuumadii Afghanistan ka hor inta aan la burburin, kaasoo qaab Tabliiq ahaan ku soo galay Soomaaliya.

Banaadir Post

Xamar cade.

MAGAALADA BARAAWE OO NOQOTEY CAASIMADDA DHUXULEYDA IYO INTA AY KU SHAQEYSTAAN HORMUUDNA KA NOQOTE XAALUFINTA DEEGAANKA AW DIGIL & DADKIISA.

Sida la wada ogsoon yahay, waxaa Gobolka Sh. Hoose ka jirtey musiibada ugu xoog badan oo ay ku haboogatey Dalka Somalia guud ahaan, gaar ahaana Dadweynaha Aw Digil, haba ugu sii badnaadaan Beelaha Tunni, Biyamaal, Jiddo iyo Geledi.

Waxaa 16kii Sano ee la soo dhaafey Gobolkaas Xoog ku haystey Beel ka mid ah Beelaha Somaliyed oo si arxan darro ah u bur burisey deegaanka , una laysey dad aan la soo tiro koobi Karin iyadoo ay jiraan boqollaal kun oo dhawaacood la joogaan Dalka Somalia gudahiisa iyo dibadiisaba.

Xeeladaha loo adeegsadey bur burinta iyo xaalufinta Gobolkaas iyo degmooyinkiisa waa ay fara badnaayeen, waxaanse ka soo taaban karnaa kuwa soo socda :-

1) Xoog loo adeegsadey Hubkii dalka noocyadiisa kala duwan iyadoo markaas magaca lagu qabsanaayey uu ahaa Moorayaan iyo Maleeshiya Beeleed.

2) Marka Labaad waxaa lagu haystey Magaca la yiraahdo ISBAHEYSIGA DOOXATADA JUBBA.

3) Marka seddaxaad waxaa loo adeegsadey magaca MAXAAKIIMTA waxa lagu tilmaamey oo muddo 6 bilood keliya ka jirey Somalia.

4) Waqtigaan xaadirka ahna waxaa loo Adeegsanayaa magaca MUQAAWMADA iyo kuwo kale ee soo raaca, waana Gobolka ay ku mintidayaan si ay ugu sii waaraan.

Waxaa iyana jirta misna iney abuurteen Shakhsiyaadka deegannada Xooggga ku haysta Dhaqan aan horey uga jirin deegaankaas , Salaadiin, Malaaqyo, iyo Nabadoono cusub oo iyaga u adeega una fuliya danahooda ku saabsan sidii ay u Xaalufin lahaayeen Deegannada Gobolka Sh. Hoose haba ugu darnaatee magaalada BARAAWE oo laga dhoofiyo Dhuxusha, Xoolaha Nool, Ugaarta iyadoo ay dhici karto in dad noolna laga dhoofiyo si looga faa’iideysto Xubnahooda.

Waxaa nasiib darro ah iney Somalidu ku fiirsato xaaladaas Beelaha dega Gobolka Sh. Hoose oo si aad u fool xun qori caaraddiisa loogu Gumeysanaayey 16kaas Sano lagana sameynaayey hadba waxii la doono iyo sidii loo doono.

Arrintu si kastaba ha ahaatee waxaa hubanti ah inuu Waqtiga ku soo dhamaanaayo Tuugadaas iyo intii ay isticmaali jireen 16kaas Sano, ayna qaadi doonaan mas’uuliyadda kaga aadan falalkooda ka baxsan Banii-Aadamnimada.

Qore: Maryan Xaaji Suufi
banaadirpost@gmail.com

Gobolka SH/Hoose ma Sareedo aan loo kala sokayn baa?!

Si loo helo jawaab waafi ah kuna salaysan xaqiiqda dhabta ah ee ka jirta Gobolka SH/Hoose ayaa waxaa lama huraan ah in kolka hore raad raac adag lagu sameeyo gobolka iyo Maamuladii isaga kala danbeeyay iyo weliba Ugxantii ay ku dhaafeen Gobolka.

Gobolka Shabeellada Hoose ayaa waxa uu caan ku noqdey inay awooddiisa maamul ay ku tartamaan hadba Beelaha haysata awooda Dalka Soomaaliya ,Hadaba ayadoo ay tani tahay qaacido caam ah ayaa hadana waxaan meesha ka maqnayn duulaan gaar ah iyo mid guudba oo gobolka lagu hayo,
Xaalada gobolka oo cakiran dartiis ayaa waxa iminka xaaladdiisa looga hadley fadhiyada Golaha Wasiirada ee Xukuumadda Nuurcadde;Waxaana maqaalkan idin ku soo bandhigeynaa xog rasmi ah oo sir ah kaas oo lagu doonaayey in lagu kala qeybiyo Gobolka Shabeelada Hoose,waxaana maanta idiin soo bandhigeynaa qeybta koowaad.

Fadhigan ayaa yimid ka dib markii Wasiirka Arrimaha Gudaha uu magaalada Bardaale ku martiqaadey wasiirka Gadiidka iyo Dekadaha Maxamaed Ibraahin Xaabsade kaas oo looga hadlalaayey aayaha Siyaasadeed ee Gobolka Shabeellada Hoose,iyadoo arrimha uu Xaabsade Wasiirka Arrimaha Gudaha uu hordhigey ay ka mid tahay shax lagu kala qeybinaayo Gobolka Shabeellada Hoose.

Shaxda cusub ee uu Xaabsade doonaayo in Gobolka lagu kala qeybiyo ayaa ahayd in Degmooyinka,Baraawe,Sablaale.K/waareey iyo Qoryooleey laga dhigo Gobol cusub kaas oo loo bixiyey Gobolka Shabeelada Kore oo ay caasimaddiisu tahay magaalada Baraawe,waxaana qorshahan la socda 2 Degmo oo cusub oo lagu darayo Gobolkan cusub,waxaana haddii qorshahani guuleysto Guddoomiyaha Gobolkaas laga dhigayaa nin qarsoon oo aan la soo bandhigin hase yeeshee ka soo jeeda Beelaha Digil,
halka Guddoomiye ku xigeenkana laga dhigaayo nin kale oo aan la sheegin magaciisa laakiin ka soo jeeda Beesha Habargidir gaar ahaan Beesha (ceyr),waxaana qorshahaas haddii uu guuleysto maamulkaas la hoosgeeynayaa Maamulka Goboleedka Koonfurgalbeed ama Jubbaland.

Shaxda labaad ayaa waxaa lagu soo bandhigey in Degmooyinka Afgooye,Awdheegle,Wanlaweyn iyo Marka laga dhigo hal Gobol oo magaciisu yahay kii hore oo ahaa Shabeellada Hoose,iyadoo lagu daraayo laba Degmo oo cusub oo aan la sheegin,waxaana Gobolkan lagu wadaa inuu Guddoomiye ka noqdo nin ka soo jeeda Beesha Biimaal oo aan magaciisa la sheegin uuna ku xigeen ka noqdo nin ka soo jeda Beesha Habargidir oo aan magaciisa la sheegin,waxaana Gobolkan haddii lagu guuleysto qorshahan la Raacinayaa ismaamul Goboleedka Banaadirland.

Haddaba markii Wasiirka Arrimaha Gudaha arrintan la hordhigey ayuu Gaashaanka ku dhuftey oo diidey,asagoo Xaabsade u sheegey in arrintan uu wato laga leeyahay mudnaanteeda oo ay jiraan wasiirro ka xiga deegaanka oo qorshahan soo jeedin kara ama diidi kara,iyadoo arrintaasna keentey inuu wasiirka si adag uu gaashaanka ugu dhufto,waxaana Jira arrimo dhaqaale oo wasiirka la soo hor dhigey hase yeeshee uu ku qosley,asagoo sheegey inuusan ahayn dadka baahan ee sharaftooda dhaafsada dhaqaalaha.

Hase yeeshee markii magaalada Bardaale uu qorshahani ku fashilmey ayuu xaabsade wuxuu soo hordhigey Golaha Wasiirada shirkii u dambeeya ee ay ku yeesheen magaalda Baydhaba kaas oo uu shir Guddoominaayey Prof Saalim Caliyoow Ibroow,waxaan arrintii mar labaad ka hor yimid Wasiirka Arrimaha Gudaha ,xubnaha kale ee Golaha wasiirada ayaa la kala saftey Xaabsade iyo Wasiirka Arrimaha Gudaha,iyadoo inta badan Golaha wasiiradu la safteen Wasiirka Arrimaha Gudaha,halka Xaabsade ay la safteen xubno aad u yar oo ka soo jeeda inta badan Beelaha Hawiye.

Markii ay dooddu kululaatey ayaa labada wasiir waxay isdhaafsadeen haddalo kulul ka dib markii Wasiirka Arrimaha Gudaha uu Xaabsade ku canaantey inuu faraha la galey howl uusan shaqo ku lahayn oo siyaasad ahaan iyo Deegaan ahaanba ay jiraan dad lagala hadli karo oo asaga wax ka quseeya aysan jirin;halka uu xaabsadena Wasiirka ku canaantey inuu doonayo in Gobolka uu u gacan geliyo Jaamac Baloow oo aan xaq u lahayn inuu madax ka noqdo Gobolka.

Markii arrintu muran isku beddeshey ayaa shirgudoonka Golaha wasiirada ee Salim Caliyooow Ibroow ku dhawaqey inuu shirku xiran yahay asagoo aan dhinacna taageerin
Haddaba xogta warkan oo aad u dheer ayaan ka soo xiganney xubno siyaasiyiin ah oo ku sugan magaalada Baydhaba hase yeeshee naga codsadey inaan magacooda la sheegin,ayagoo sheegey in qorshahan lagu kala qeybinaayo Gobolka Shabeellada Hoose ay wataan xubno Ganacsato,Siyaasiyiin iyo Aqoonyahanno kala duwan,waxana fulinta qorshahan loo wakiishey Maxamed Ibraahin Xaabsade, oo aad la socotaan inow waligiis gacan saar ama heshiis la lahaa kuwa xooga ku jooga Koonfurta Soomaaliya.

Shaxdan ayaa ah iskudey ballaaran oo ay Ganacsato iyo siyaasiyiinta ku soo caanbaxdey Dagaalada Sokeeye ku doonayaan inay ku hantiyaan deegaanka ugu barwaaqada badan Soomaaliya,iyagoo doonaya inay siyaasad,dhaqaale iyo deegaan intaba ku yeeshaan saameynta ugu ballaaran.

Si kastaba ha ahaatee qorshaha Xaabsade uu wato ayaan ku ekeyn asaga oo keliya,waxaana garab ku siiyey lana shaqeeya xubno ay ka mid yihiin Masuuliyiinta ugu sareysa Maamulka Gobolkan,oo Markii ay ku fashilmeen Maamul wanaagsan oo shaqeeya oo kalsooni iyo taageero ka haysta xukuumadda dhaxe iyo Shacabka Gobolka ay Markan Maciin bideen in la kala qeybiyo Gobolka,sida uu noo xaqiijiyey siyaasiga aan warkan ka soo xiganney.

Sidoo kale Masuuliyiinta ayaa ku fashilmey inay taageero kaga helaan dadka ay khuseyso Arrimaha Gobolka Shabeellada Hoose gaar ahaan Xildhibaannada ku jira Dowladda Federaalka kumeelgaarka ah,waxayna Markii ay taas wayeen ay la hoos galeen Siyaasiyiin aan xaq u lahayn inay ka taliyaan ayaaha Gobolkan.

Sidoo kale warku wuxuu intaas ku darayaa in kala qeybinta Gobolka Shabeellada Hoose uu gacan weyn ku leeyahay Maamulka Gobolka Banaadir oo doonaya inuu ku darsado deegaanka barwaaqada badan leh marka ay timaaddo hergelinta nidaamka Federaalka oo looga fadhiyo inay fuliso xukuumadda Nuur Cadde.

Sidoo kale xubno ka tirsan Isbaheysiga dib u xoreynta Soomaaliya oo hadda ku sugan magaalada Dhooblleey ayaa ka dhawaajiyey in Gobolka Shabeelada Hoose,Banaadir ,iyo Shabeelada Dhaxe la isku xirey maamul mid ahna loo dhisi doono,iyadoo fikraddaas iyo midda ay wataan xubnaha Maamulka Gobolka iyo qaarka ka tirsan Golaha Wasiiradu ay iswaafaqaeen.

Si kastaba ha ahaatee aayaha Gobolka Shabeellada Hoose ayaa ah mid sabeynaya oo sida uu aakhirkii noqonayo ay tahay mid mugdi weyn uu ku jiro,maxaa yeeley dadka wata Siyaasaddan ha noqdaan kuwa Gobolka u dhashey ama ha noqdaaan kuwa bah wadaagta la ah waxa lala dabajoogaa dhaqaale aad u ballaaran oo ay ku fuliyaan qorshahan hadda la wado,waxayna u dhowdahay haddii aan la helin.

Siyaasiyiin Aqoonayahnno,Ganacsato,Odeyaal dhaqameedyo waddaniyiin ah oo isku xiran inay horjoogsan karaan qorsha hadda socda.

Sida looga bartey dadka Gobolkan ka soo jeeda oo ah inay cabsadaan ama ay dabadhilifnimo ku shaqeeyaan,Dhaqaale dhulkoda ku beddeshaan,iyagoo ka bakheylaya xoolahooda ay ku difaacaan dadkooda iyo dalkooda iyo inay is xasdaan ayaa mar kasta keenta inay suuroobi weydo inay u madax banaanaadaan Maamulka Dalkooda.

Dhinaca kale dadka wax ma garadka iyo kuwa meelaha dhow wax ka fiirirya ayaa lagu beerlaxawsadaan in Beelaha Mirifle ee ay daagaanka iyo dhalashada wadaagaan Beelaha Digil aysan marnaba waxba u oggoleyn,marka ay timaaddo awood qeybsiga Maamulka Dalka,iyadoo loo sheegayo in mar kasta awood looga qaato xaqa ay Beelaha Digil ay leeyihiin ayna maroorsadan kuwa Mirifle.

Hase yeeshee waxaa isweyddiin mudan ninka doonaaya inuu qaato deegankaaga ma oggolaan doonaa inaad ka muuqato Siyaasadda Dowladda dhaxe iyo tan Gobolkaaga?Jawaabtaa waxay u taalla dadka ay khuseyso.

Howshu weli waa socotaa oo waxaa socda loobin aad u xoog badan oo siyaasad,xoog,dhaqaale intaba iskugu jira,haddii aan loo helin mid taas u dhigantana waxa hubaal ah inay meel mari doonto sida looga daba tagaan ay adkaan doonto.

fadlan wixii fikir ah nagu siyaadi ama nagu kordhi kuna soo dir Emailka hoose.

Tafatiraha Wargeyska
Mohamed Deeq Xaaji Ali
banaadirpost@gmail.com

Tiro dhalin yaro ah oo ka tirsanaa maleeeshiyada Al-Shabaab oo gaaray tuulada Ceel-Baraf ka dib kolkii ay ka goosteen Fadhiga Al-Shabaab ee Ceelasha B

Mahadaay,20-7-2008), Wararka ka imaanaya tuulada Ceel Baraf oo ka tirsan degmada Mahadey ee gobalka Sh/Dhexe ayaa sheegaaya in (29) dhalin-yaro oo horay uga tirsanaa dagaalyahanada Al-Shabaab ay kasoo goosteen Taliska Ciidamada Al-Shabaab ee deeganka Ceelasha biyaha iyo aagga Suuqa Xoolaha ee Waqooyiga Muqdishu,Dhalintan ayaa waxaa si diiran loogu soo dhoweeyey ciyaaraha hidaha iyo dhaqanka, shirib, guuroow iyo Qur'aan la saarey dhammaan dhalin-yaradan.

Waxaa halkaas hadal gaaban ka jeediyay hor-joogihii dagaalyahanadan oo lagu magacaabo (Dheg-naas) isagoo sheegay in " halgankii Al-shabaab ay afduubteen Xasan Daahir Aweys iyo Yusuf Maxamed Siyaad ( Indhacadde) una bedeleen halgankii toos-ney sida Maqaayad aay iyagu gooni u leeyihiin oo kale,,Yuusuf Indhacadde, wuxuu darraad Ceelasha biyaha ku dilay walaalkey marxuum Cabdulqadir Muxumad Maxamuud ( Kobo-geed) naceyb uu u qabo qabiilka uu ka dhashey walaalkey Alaha unaxariistee Marxuum Kobo-geed, taas oo runtii dib ii xusuusinaysa dilkii Marxuum G/Sare Mohamed Omar Calasow ( Calasow Dheere) 1991kii.

Dhalintan soo goosatay ayaa ka danbaysay goosashadooda kadib kolkii 18 bishan July ee aynu ku jirno uu Yuusuf Siyaad ( Indhacade) ku dilay Taliyihii Al-Shabaab ee waqooyiga Muqdisho Cabdulqaadir Muxumad Maxamuud ( Kobo-geed) Inkastoo warar is khilaafsan uu kasoo baxay dilkan ayaa hadana lagu sababay jabkii Al- Shabaab ka soo gaarey dagaaladdii ka dhacey Warshedda Baastada, Warshedda Xeyle Bariise, Ceymiska iyo aagga Suuqa Xoolaha Bishaan July 17, 2008. Jabkaas oo lagu soo bandhigay qalabka warbaahinta ee gudaha Soomaliya.

Xafiiska daafeet.com,Muqdisho

Ma Ogtahay In Ismaaciil Cumar Geelle Laaluush Ku Bixiyey Laanta Afka Soomaliga Ee Idaacadda B.B.C-da

Warkii 15-Jul-2008 iyo Qormadii: Mohamed Abdi Hassan (diridhaba)

Madaxweynaha maamulka Jibouti Ismaaciil Cumar Geelle Batal ayaa markii uu xilka maamulka Jibouti qabtay wuxuu xidhiidh toos ah la yeeshay maamulka iyo weriyayaasha Idaacadda laanta afka Soomaliga ee B.B.C-da, wuxuuna Maamulaha Jibouti Ismaciil Cumar Geelle siiyay dhawr xubnood oo ka tirsan idaacadda laanta afka Soomaaliga ee B.B,C-da dhalashada Jamhuuriyadda Jibouti.

Xidhiidhka laaluush ee dhex maray Madaxweyne Batal
iyo Maamulka laanta afka Soomaaliga ee B.B.C-da ayaa wuxuu bilaabmay ka dib markii Idaacadda B.B.C-da laanteeda afka Soomaaliga uu tafatire ka noqday Yuusuf Garaad Cumar Axmed, wuxuuna muddo ka dib uu Yuusuf Garaad socdaal ku tagay
Jamhuuriyadda Jibouti halkasi oo uu kula kulmay Ismaaciil Cumar Geelle isla markaana uu kaga soo qaaday xarunta looga taliyo Jibouti weraysi dheer Mr Geelle Batal.

Kulan uu Ismaaciil Cumar Geelle la yeeshay
Tafatiraha laanta afka Soomaaliga ee B.B.C-da ayaa waxaa la isla af gartay inuu Ismaaciil Cumar Geelle bixiyo kharashyo badan oo lagu laaluushayo weriyayaasha iyo tafatirka laanta afka Soomaliga, waxaana taasi bedelkeeda laga dhigay in
aanay laanta afka soomaaliga ee B.B.C-du si madax banaan aanay uga soo waramin dhacdooyinka ka jira dalka Jibouti,isla markaana ay buun buuniso hawlaha siyaasadeed ee Ismaaciil Cumar Geelle.

hawshii koobaad ee ballan qaadka Ismaaciil Cumar
Geelle ayaa wuxuu fullay isagoo siiyey dhawr weriye oo ka tirsan laanta afka Soomaaliga dhalashada Jibouti, xubnahaasi oo ay ka mid ahaayeen

1. C/raxmaan Koronto

2. Aamina Muuse Weheliye

3. C/laahi Cadde

xubnahani ayaa waxay Jibouti ka soo galleen
dhinaca Muqdisho oo ay joogeen, waxaana ay yimaadeen Jibouti sannadkii 2000-da iyagoo ku hellay dal ku galka ingiriiska Passportka Jibout.

Sidoo kale Ismaaciil Cumar Geelle ayaa wuxuu ku
bixiya laaluush weriyayaal badan oo ka tirsan idaacadda laanta afka Soomaaliga iyadoo lacagaha loogu xawilo sanduuq xisaabeedyo (Bank Accounts).

Weli akhriste ma aragtay ama maqashay laanta afka
Soomaliga ee B.B.C-da oo si madax banaan uga soo waranta wararka ka dhaca gudaha Jamhuuriyadda jibouti, sannadkii 2005-tii ayey Idaacadda laant afka soomaaliga ee b.b.c-du bilawday inay Ismaaciil Cumar Geelle ugu yeedhaan Kelmadda Mudane, oo ka mamnuuc ah in ay u isticmaalaan weriyayaashahaayadda B.B.C-du, bal u
fiirso weraysiyada ay ka qadayaan Ismaaciil Cumar Geelle maweydiiyaan arrimo
xasaasi ah oo isaga khuseeya, waxaad mooda in uu isagugacanta ku soo qortay su'aalaha isaga la weydiinayo.

Laaluushka uu bixiyo Ismaaciil Cumar Geelle
Maamulaha Jibouti ayaa wuxuu saameeya weriyayaashani:

1. Yuusuf Garaad Cumar Axmed Tafatiraha Laanta

Afka Soomaaliga ee B.B.C-da

2. Axmed Xasan Cawke

3. Siciid Cali Muuse

4. Aamina Muuse Weheliye

5. C/raxmaan Aadan Koronto

6. Yoonis Cali Nuur

7.Axmed Cabdi Nuur

Maamulaha Jibouti Ismaaciil Cumar Geelle ayaa
magacaba cidda diraysa warka laga soo gudbinayo gudahaJibouti loona soo
gudbinayo idaacadda laanta afka soomaaliga iyadoo uu ogyahaymooyaane lagama sii
daayo warkaasi Idaacadda.

Waa ayaan darro weyn oo sida ceeryanta ku geedaman
laan dhan oo hawsheedu ahayd inay u adeegto umad ku hadasha afka Soomaaliga meel
kasta oo ay joogaan oo laaluush la siiyey darteed awood u heli wayday inay si
madax banaan uga soo waranto gudaha Jibouti, iyadoo ka door biday xaq soorka
wararka shilimaad, waana mid la iskaga danbayn doono oo wakhtigeeda iyo
waayaheeda lala sugi doono.

Mohamed Abdi Hassan (diridhaba)
London, UK.

diridhaba@gmail.com

Sheekh Shariif oo gaashaanka u daruuray inay ka dambeeyaan dilalka samafalayaasha.

Hogaamiyaha Mucaaradka dawladda Faderaalka ee Soomaaliya Sheekh Shariif Sheekh Axmed ayaa siweyn uga horyimid warka sheegaya in ay Mucaaradka dawladda Soomaaliya bartilmaameedkoodu yahay dagaal ay lagalaan dadka ushaqeeya dawladda Soomaaliya & dawladda Itoobiya.

Hogaamiyuhu wuxuu sheegay in aysan waxba ka jirin arintaasi ayna Ururkaasi dilin Qof Muslim ah oo Ashahaadanaya ayna falalkaasi fuliyeen kooxaha ka soo horjeeda Nabadda Soomaaliya ,ayna yihiin falalkaasi kuwa ka soo horjeeda Diinta Islaamka & Xeerarka Caalamiga ah.


Sheekhan wuxuu diiday in ay falalkaasi fuliyaan ururkoodu ,wuxuuna ugu baaqay cid walboo Soomaaliyeed in ay ka fogaadaan falalkaasi oo kale ,oo uu ku sheegay kuwa halis oo ay xukunkooda sheegtay Diinteena Suuban.



"Dilalka loo geysanayo Saraakiisha ciidamada ,dadka Waxgaradka ah & Cid walboo Muslim ah waa kuwa ka soo horjeeda diinta Islaamka ,ilaaheyna wuxuu noo sheegay cawaaqib xumida ka dhalan karta ,waxaana ugu baaqeynaa dadka falalkaasi geysanaya in ay ka waantoobaan" Ayuu yiri Hogaamiyaha Isbaheysiga Dibu xoreynta dalka Soomaaliya.



Hogaamiyahan oo siweyn looga xasuusta hadalo ka soo yeeray intii uu hayey talada hogaanka guud ee Maxkamadihii awoodooda laga faramaroojiyey sannadkii 2006-dii ,kuwasoo uhiilinayay diinta Islaamka kana soo horjeeday weeraro lugu qaado goobo ay joogaan dad Muslim ah ,inkastoo markii dambe Maxkamadihii ay wadadaasi cagta saareen ayagoo weeraro ku qaaday Magaalooyin ka fogaa Magaaladii ay heysteen Muqdisho & gobalo nabad ah oo ay ka mid yihiin gobalada Puntland.



Talaabadan ka soo yeertay Hogaamiyaha Mucaaradka dawladda Faderaalka ee Soomaaliya Sheekh Shariif Sheekh Axmed ayaa soo dhaweyn wanaagsan kala kulantey dad badan oo Soomaaliyeed ,waxa ayna sheegeen in hadalka Sheekhan muujinayo sida ay Kooxda Sheekh Shariif uga go'an tahay taageerida dadaal nabdeed...



Waxaa halkaas ka muuqana kara in arinkan la dilayo ay gaar u tahay AL shabaab iyo kuwa la midka ah.



Banaadir Post.


banaadirpost@gmail.com

Qaran-diid Yusuf Garad iyo beeshiisa oo magac dilay Warbaahinta.Tv-ga Universal arintiisu way ka daraysaa.

DHawaanahan dalka Somalia ku soo badanayay warbaahin afka Somaliga ku hadasho oo qayb wayn ka qaadanaysay dhibaatada dalka ka jirto iyagoona hurinayay rabshadaha iyo colaadaha dalka ka jira.

Warbaahintan ayaa loo aas aasay dano qabiileed waxaana iska leh oo ay u shaqeeyaan kooxaaha nabad diidka ah ee dhibaatada ka wada dalka Somalia.

Qaran-diid Yusuf Garaad iyo qolyaha ku haybta ah ayaa iyagu waxa ay yihiin Maalgaliyayaasha ugu wayn ee ka dambeeya dhisida Hay,adahan warbaahineed ee dalka ka jira.

Waxaa uu horay u dhisay Qaran-diidkan Idaacada BBC-da oo ah hay,ada ugu horayso ee kaalinta 1-aad ka gashay hurinta colaadaha dalka iyo u adeegida Danaha qabiilada aan rabin nabada dalka Somalia.

Qaran-diidkan ayaa danta kaliyah ee uu ka doonayo ka qayb qaadashada dhibaatada dalka waxa ay tahay isagoo ay qaaday Caadifad qabiil isla markaana go,aansaday in danta beeshiisa uu ka hor mariyo tan umada Somaliyeed.

Arinta ayaa waxa ay noqotay ka dar oo dib dhal waana markii iyadoo ay jireen Warbaahinta Maqalka ah (Radio) oo u adeega Nabad diidyada ayaa hadana waxaa soo baxay warbaahin Muuqaal ah oo ka qayb qaadanaya dhibaataynta umada Somaliyeed.

Tv-ga Universal oo ay leeyihiin shaqsiyaad ku hayb ah Qaran-diid Yusuf Garaad iyo isaga laftiisaba ayaa waxaa uu ka mid noqday hay,adaha warbaahinta muuqaalka ah ee dhibaatada dalka ka qayb qaata.

Waxaa la is waydiiyay sababta keentay In TV-ga Universal uu ka qayb qaato dhibaatada dalka Somalia ka jirta hada.

Taas ayaa jawaabteedu waxa ay tahay mid iska cad waana in TV-gan uu hoos tago isla markana ay Maalgaliyaan shaqsiyaad uu Yusuf Garad ka mid yahay iyo rag kale oo isaga ku hayb ah kuwaas oo u dhisay Tv-gan in dalka dhibaatada ka jirta looga qayb qaato loogana hortago nabada dalka si aysan dowlada u dhalan oo aan loola xisaabtamin xaqa dadka masaakiinta ah ay horay uga bililiqeesteen.

Waxaa kaloo Tv-gan hada ka howlgalo oo waliba Mas,uuliyiintiisa ka mid ah rag ku hayb ah waliba si gaar ah ugu dhaw Qaran-diid Yusuf garaad kuwaas oo muuqaal ka bixinaya sida Tv-gan uu halka dhinaca ugu shaqeeynayo.

Marka la daawado warbixinada TV-ga Universal lagu soo bandhigo ayaa waxaa la dareemayaa mowjado qaldan oo dadka aan ka warqabin ay u arkayaan in dalka Somalia ay ka jirto xaalad an cidina ku noolaan Karin.

Iyadoo ay sidaas tahay ayaa hadana waxa kaloo TV-gan lagu soo bandhigaa qoraalo iyo warbixino aan marna dan u ahayn nabada iyo hamiga ay Shacabka Somaliyeed ka leeyihiin dhameenta dhibaatooyinka dalka ka jira.

“waxaan aniga ku noolahay dibada dalka Somalia waxaana dhowr jeer fiirsaday warbixinada Universal lakin mar waliba oo aan fiirsanayo waxaan dareemaa qal qal maadama uu soo bandhigayo warar Qatar xoogan muujinayo” sidaana waxaa Yiri Axmed Sheikh Ismaacil Mabruuk oo wadanka Ingriiska gaar ahaan London ku nool.

“taas waxa ay keeneysaa in ay jiraan waxyaabo daah lagu daboolayo oo Tv-gan lagu doonayo in loogaga faa,idaysto sidoo kalena Idaacado iyaguna arimahan ka shaqeeya ayaa jira” ayuu mar kale Yiri Mr Mabruuk.

“waxaan ku baaqayaa in la iska dhaafo sheegista colaada iyo dhibaatada loona weeciyo wanaaga iyo horumarka dalka” ayuu hadalkiisa ku soo dhameeyay Mr Mabruuk.

Sidoo kale Haweeney iyaduna dalka hada ku sugan kana timid wadamada qaarada Eurobe ayaan kala sheekestay sida ay u arkayso dalka Somalia iyo waxyaabaha laga sheego marka dibadaha la joog.

“ walaahi ma is dhahayn dalka ayaa la imaan karaa maxaa yeelay waxaan ka dhageestay BBC-da iyo Universal warar aan marna wanaagsaneen oo xaalada dalka Qatar ka dhigaya hadana waxaan jooga Somalia wax dhib ahna ma arko” ayeey Tiri haweeneydan oo magaceeda ku sheegtay Maymuun Cumar.

Si kastaba ha ahaatee dadka Somaliyeed ee dibadaha ku nool iyo kuwa dalka ku sugan ayaa fikir wada jir ah ka aaminsan xaalada dalka in ay tahay mid hagaagsan oo aan wax dhibaato ah ka jirin balse ay ka bad badiyaan warbaahinta qaran-diidyada u adeega oo iyagu aan rabin in xal laga gaaro dhibaatada dalka Somalia.

Si wada jir ah shacabka Somaliyeed waxa ay ugu baaqayaan Qaran-diid Yusuf Garaad iyo Beeshiisa in aysan iska saarin umada kale ee Somaliyeed ayna ilaaliyaan sharafta Warbaahinta isla markaana ay ka haraan geed qab qabsida aan meelna gaarsiinayn oo dadkooda uun ka dhex bixinaya meel cidlo ahna hadhow soo dhigaya.

Yusuf Garaadow Umadaada dantooda haka dooran tan qabiilka.
markii hore waxaan islaheyan qabiilka reer xarmarka sharfta badan ayaa iskaleh laakiin dhabta weysoobaxaday.

samtarxildiid@hotmail.com

Xafiiska waraka wiil waalka abaaqaroow.com

Banaadir oa

Al Fanaan Cumar Nuur Baasharax oo maanta kooxo hubeysani ku dhaaweceen magaalada Muqdisho.

Iyadoo magaaalda Muqdisho ay bilihii lasoo dhaafay ehel u noqotay weeraro bar tilmaameedsi ah oo lagu khaarijinayay,madaxda hey’adaha,aqoonyanahada iyo dadka kale ee xiriirka la leh dowladda federalka ayaa hada waxaa soo kordhay dilal lala eeganayo fanaaniinta,waxaana Cumar Nuur Baasharax uu noqoday fanaankii labaad ee Muqdisho gudeheeda lagu toogto muddo bil gudeheed ah inkastoo uu dhaawac halis ahi gaaray maanta.

Iyadoo magaaalda Muqdisho ay bilihii lasoo dhaafay ehel u noqotay weeraro bar tilmaameedsi ah oo lagu khaarijinayay,madaxda hey’adaha, aqoonyanahada iyo dadka kale ee xiriirka la leh dowladda federalka ayaa hada waxaa soo kordhay dilal lala eeganayo fanaaniinta,waxaana Cumar Nuur Baasharax uu nqoday fanaankii labaad ee Muqdisho gudeheeda lagu toogto muddo bil gudeheed ah inkastoo uu dhaawac halis ahi gaaray maanta.

Fanaanka ayaa waxaa soo weeraray kooxo hubeysan oo bistoolado watay xili uu ka qeyb galayay munaasabadda aaska ruux eheladiisa ah oo ka dhacaysay degmada Xamar weyne,waxaana la gaarsiiyay dhaawac halis ah.Wiil uu fanaanku dhalay fanaanku oo lagu magacaabo Maxamed Cumar Baasharax ayaa saxaafada u sheegay in aabihii uu gaaray dhaawc halis ah hadana lagu daweynayo isbitaalka madiina ee gobalka Banaadir.“Aabahay niman bistoolado ku hubeysan ayaa soo weeraray,mar uu ka qeyb galayay munaasabada aaska qof eheladeena ah “ayuu yidhi Maxamned Cumar Baasharax oo ah wiil uu fanaankani dhalay oo maanta saxaafada la hadlay.

Waxaa la yaab leh halka Somali loo wado, kaaso u muuqada mugdi aan iftiin lahayn.

Banaadir Post.
banaadirpost@gmail.com
Xamar......

Markii Sadaxaad oo baaris lagu sameeyay Hoyga C/qaasim Salaad

Ciidamo Boolis ah oo ku hubeysan gawaarida dagaalka ayaa gudaha u galay guriga Mas’uulkaasi iyadoo aysan jirin wax ay kala baxeen oo hub, waxayna ciidamadaasi ka hor inta aysan baarin u sheegay dadkii xiligaasi joogay in ay ku socdaan amar sare oo ka yimid saraakiisha ciidamada Booliska, isla markaana ay fulinayaan amarka la soo faray.

Ma jiraan wax hub ah oo laga helay guriga C/qaasim Salaad Xasan iyadoo baaritaankan uu noqonayo kii Sadaxaad oo laga fuliyo guriga Dr. C/qaasim, waxaana horay ay ciidamada Dowladda ka heleen hub fara badan iyo rasaas kala duwan.

Lama garanayo sababta ka danbeysa in markii Sadaxaad baaris lagu sameeyo guriga Madaxweynihii Dowladdii Carta, balse waxaa jira tuhun fara badan oo ka dhashay kulamo gurigaasi ka dhaca mar walba iyo isu socodka guriga Dr. C/qaasim oo ah mid aad u mashquulsan iyadoo dadka gelaya iyo kuwa ka soo baxaya laga yaabo in shaki geliyo ciidamada Dowladda.

Baaritaankii ugu horeeyay ee ciidamada Dowladda ay ka fuliyeen guriga C/qaasim Salaad waxaa raali gelin ka bixiyay Madaxweynaha Dowladda Md. Cabdullaahi Yuusuf Axmed iyo Ra’iisul Wasaarihii hore Prof. Cali Maxamed Geeddi oo hoygiisa ay ku booqdeen C/qaasim.

Banaadir Post.

banaadirpost@gmail.com

Cida Diidan nabadda oo noqotay Oday Daahir Aweys iyo Ninkii ku caan baxay iibsashada biyaha wabiga Jaalle Indhacadde

Warar lagu kalsoon yahay oo aanu ka helnay ilo muhiim ah oo ku sugan magaalada Dubai ayaa sheegaya in xubno ka mid ahaa Garabka Asmara oo ay horkaceyso Xoghayaha xaquuqul insaanka ee Isbaheysiga mucaaradka garabka Casmara Marwo Foowsiya Maxamed Sheekh ay gaadheen dalka Jabuuti, iyagoo sheegay in ay badaleen afkaarohoodii hore hadana taageerayaan waxa danta umada Soomaaliyeed ay ku jirto oo ah heshiiskii Jabuuti bishii hore lagu gaadhey.

Xubnahana ayaa ka qeyb galay kulan mudanayaasha golaha dhexe ee isbahasysigu ay Jabuuti ku yeesheen iyagoo kulankaana ka hor cadeeyay in ay kasoo go’een garabka Oday daahir oo hada keligii Fadhiya Asmara.

Marwo Fowsiya Maxamed Sheekh ayaa ka mid aheyd xubnihii ku xayirmay Tuulada Asmara, isla markaasna ay ku qasbeen saraakiisha sirdoonka Eritrea iney warbaahinta ka hadasho oo ay dhaliil u jeediso Sheekh Shariif intii ay ku sugneyd Tuulada Asmara.Guud ahaan xubnihii ku midoobay isbahaysiga Tuulada Asmara marka la eego waxaa mucaaradnimo kusoo haray oo keliya Oday Daahir Aweys oo ku jira liiska argagixisada Caalamiga ah ee la doon doonayo iyo Jaale Indhacadde oo horay ugu caan baxay iibsashda biyaha wabiga walina ay ka hor muuqaneyso lacagtii faraha badnayd ee uu ka heli jiray iibsiga biyaha wabiga iyo beeraha gobalka Shabeelaha hoose.Dhanka kale waxaa xumkuumada Asmara meel mar u noqon waayay barnaamij ay dhawaanahan waday oo ku aadanaa in la qabto kulan xilalka looga xayuubbinayo labada shariif.

waxaase Alle mahadii ay taasi noqotay DHAAN DABAGAALLE GUNTIIS LA GAARI WAAYAY.

Banaadir Post,

Xamar cade.

Xildhibaan Mowliid Macaani oo ku baaqay in Mareykanka laga codsado in uu Liiska Argagixisada ka saaro Shiikh Xasan Daahir, Shiikh Xasan Turki iyo Shii

Xildhibaan Mowliid Macaani Maxamuud oo ka mid ah Mudanayaasha Baarlamaanka, isla markaana wariyayaal kula hadlayay Magaalada Baydhabo ayaa wuxuu ku baaqay in Mareykanka laga codsado in uu liiska argagixisada ka saaro Shiikh Xasan Daahir Aweys, Shiikh Xasan C/llaahi Xirsi (Shiikh Xasan Turki) iyo Shiikh Mukhtaar Roobow Abuu Mansuur.

Mowliid Macaani waxaa uu sheegay in raggaas ay yihiin dad Soomaali ah oo haddii lala hadlo la qancin karo, sidaas darteedna wuxuu ku baaqay in Mareykanka laga codsado in liiska ay ku jiraan laga saaro, si buu yiri ay uga qeyb qaataan nabadeynta iyo xasilinta Soomaaliya.

“Haddii la doonayo in xal laga gaaro mushkiladda Soomaaliya, isla markaana ay najaxdo dib u heshiisiinta socota waa in Raggaas laga saaro Liiska uu Mareykanka ku daray ee Argagixisada, isla markaana laga qeybgeliyaa wada hadallada”ayuu yiri Mowliid Macaani Maxamuud.

Xildhibaan Mowliid Macaani Maxamuud waxaa uu sheegay in haddii arrintaas la isku dayo laga dhaadhicin karo Mareykanka in raggaas ay muhiim u yihiin xal u helidda mushkiladda Soomaaliya ka taagan mudada 18 sano gaareysa.

Xildhibaan Mowliid ayaa wuxuu noqonayaa Xildhibaankii ugu horeeyay oo ka tirsan Baarlamaanka Soomaaliya oo ku baaqa in liiska argagixisada laga saaro seddexdaas hoggaamiye oo haatan si weyn uga soo horjeeda Dowladda Federaalka Soomaaliya.

Ugu dambeyntiina, hadalka Mowliid Macaani Maxamuud ayaa wuxuu ku soo beegmayaa iyadoo dhawaan uu Baarlamaanka Soomaaliya ansixiyay heshiis ay Dalka Jibouti ku wada gaareen Dowladda Federaalka Soomaaliya iyo Isbaheysiga Dib u xoreynta Soomaaliya, kaasi oo ay qodobadiisa ku saabsan yihiin sidii Soomaaliya xal loogu heli lahaa, isla markaana looga saari Ciidamada Itoobiyaanka ah ee ku sugan.

Waxaa warkaas la yaabey dadka la socda xaalada Soomaaliya, mana ahan war laga sugayay Mowliid macaane oo kale, oo dhamaan ragaas oo sheegay ay dhamaantood dhib ku hayaan beesha oo ka soo jeedo ee Jareerweyne oo beel laf dhabar ummada Soomaaliyeed.

Banaadir Post.

Xamar Cade.