Maxamed Dheere "Hadii run la sheegayo maa Xabada loo wado Madaxtooyada, Maxaa dagaalka uga socdaa Yaaqshiid iyo Kaaraan"

Gudoomiyihii hore ee Gobolka Banaadir Maxamed Cumar Xabeeb (M/Dheere) ayaa ugu baaqay Beesha Mudullood inay u istaagaan difaacida Dowladda KMG, isagoona cadeeyay in dadka Gobolka Banaadir looga soo duulay Gobole kale.

Maxamed Dheere oo shalay ka qeyb galay Kulan ay yeesheen Beesha Mudullood, kaas oo ahaa wada tashi iyo is cafin dhex maray Xubnaha Mudullood ee isugu jira siyaasiyiinta, aqoonyahanada iyo Xildhibaanada Dowladda ayaa sheegay inay muhiim tahay in la isku duubnaado oo ay Beesha go'aan mideysan qaadato.

"Waxaa la idinka doonayaa inaad u istaagtaan difaacida Dowladda Federaalka oo dad gobolo kale ka yimid oo fidno wada ay doonayaan inay dhibaato u safriyaan dadka Gobolka Banaadir dega
"ayuu yiri Maxamed Dheere oo sheegay in hadii loo baahdo uu diyaar u yahay inuu sameeyo wax ka badan wixii uu awoodo sida uu hadalka u dhigay.

Maxamed Dheere waxaa uu si gaar ah uga hadlay duulaan uu ku sheegay in lagu yahay deegaanada Beesha Mudullood, isagoona si gaar ah u soo qaatay dagaaladii ka dhacay Degmooyinka Yaaqshiid iyo Kaaraan ee Waqooyiga Muqdisho wuxuuna ugu baaqay in wiil iyo gabarba loo istaago sidii la isaga difaaci lahaa kooxo uu ku tilmaamay inay magaca diinta ku gambanayaan oo magacyo kala duwan la baxay.

"Hadii Dowladda lala dirirsan yahay maa xabada loo wado dhanka Madaxtooyada, maxaa Kaaraan iyo Yaaqshiid uga socdaa, waxaan leeyahay waa dano kale oo aan fahmi karno oo ah barakac lala damacsan yahay beesha Mudullood in caruurtooda iyo haweenkooda la laayo"ayuu si kulul u yiri Maxamed Dheere.

Kulan shalay ay u dhamaayeen Beesha Mudullood, isla markaana ay ka qeyb galeen waxgarad, odayaal iyo siyaasiyiin ayaa si buuxda lagu taageeray midnimada beesha iyo in beesha ay mar walba wada tashato, isla markaana iska difaacdo duulaan kasta oo lagu soo yahay sida ay yiraahdeen deegaanada Beesha degto.

Mohamed ayaa muuqda nin ka guuleystey beeshiisa Mudolood oo difaaci waayay hada ka hor laba mar uu baahdey iney u istaagaan, ka dhiidhiyaan in dhib ama xarig loo gaysto halyaay Mohamed Dheere.

Basnaadirf Post
Moqdisho

Odayaasaha Dhaqanka Beelaha Hawiye oo Safarada Mareykanka kuleydahe Dalka Kenya Ka codsanayan in magan-galyo Siyaasadeed la siiso 140 xubnood oo ...

Warar hose aan ka Helnay dalka Kenya ayaa noo xaqijinaya in codsi so garsiyeen odayasha dhaqanka belaha hawiye Safaaradda Maraykanka ,Odoyaashaan ayaa Safaarada soo gaarsiiyay waraaq codsi ah oo ay safarada Mareykanka ugu codsanayan in magan-galyo Siyaasadeed la siiso 140 xubnood oo kamid ah odoyaashaasi, balse Safiirka Mareykanka ee Kenya u fadhiya Michael Ranneberger ayaa sheegay inaysan awood u laheyn qaabilaada 140 xubnood.

Safirka Michael Ranneberger aya shegey in marku wada tashiyo la sameyn donaano wasarada arimaha gudaha mareykanka marka isla ogaladaan in magan galyo siyasadeed sin donaan 40 xubnood kamid ah odayasha hawiye Michael Ranneberger ayaa ugu baaqey odayasha dhaqanka beelaha hawiye in eey iska so xushaan 40 xubnood ugu muhiimsan isla markaana intaas qaabilayaan dalkooda daganaan rasmi ah ka sin donaan dowlada ahan Odayasha dhaqanka belaha ayaa ka so horjeeste hadalka kaso yere safirka a mareykan u fadhiya Kenya i yadona u sodireyn 5 xubnood si ugu dhadhiciyaan safarada marekanka .

Af hayeenka odayasha dhaqanka beelaha hawiye nabadoon axmed diriye cali ayaa noxaqijiye arinkaas ino jiro arinkaas waxana nagu galifey aan subino codsigaas mar naba nabad kumahesano somaliya wax xushmad ah hadaan nahey odayaal naf sadeena labaxsan la nahey wax ix tiraan ah kumahesano dadka isku hesta siyasada somaliya ayuu yiri nabadoon axmed diriye Waligeey kuma fakarin in aan kabaxo gayiga Somalia hada waxan nagu kalife dhibatada nagula haayo aniga ahaan waxan kabad baadey dhowr isku day lagu dabacsanaay in la igu qarijiyo waxan damacsanaay waligeey in aan nabad ka aslaaxiyo somaliya ayuu yiri nabadoon axmed diiriyeAxmed diriye ayaa xusey in malinkasta lagusowaco 40 jeer falefonka lagu hanjabo lagu edeeyo in taageero DF lacago kaqaato dowlada somaliya asagona beninaayo hadalkaas lagu edeeyey axmed diriye ayuu yiri marnaba kamaqadan lacago DF aniga waxan tageraa cidi doneysa nabad rabta un ayuu yiri nabadoon axmed diriye..


Marki so ifbaxde in dowlada marekanka ufidineyo 40 kamid ah odayasha hawiye nabad galyo siyadeed ayaa muran isqabqabsi guux farabadan ka dhex bilowde iya dona la arkaayo kulamo la iskuhabeensado kadhaco guriga afhayeenka hawiye axmed diriye Sikastaba ha haate odayaasha dhaqanka $ midnimada belaha hawiye ayaa kalin weyn o muqata ogajire xasilinta dalka walowna hada ka cararaya gudaha dalka siysada somaliya xilgaan kusocota meel mugdi ah marhadi odayashi kabarakacayaan dalka maxow kudanbeen donaa wayaabeey..
Heeb abdilaahi abdi
heebcabdi@hotmail.com
Somali Journalists

Shiikh Xasan Daahir Aweys oo kala wareejiyey gudoomiyanimadii ururka Xisbul islaan Dr Cumara Iimaan Abuubakar maanta

Wararka maanta laga helayo gudaha masuuliyiinta Xisbul Islaam aya waxaa ay shegayaan in xilki ugu sareeyey ee gudoomiyenimada lagu wareejiyey Shiikh Xasan Daahir Aweys uuna ku wareejiyey DR Cumar Iimaan Abuubakar isla markaasna waxaa aan la sheegin sababta dhabtaa ee arintaas keenatey
Munaasibad maanta lagu qabtey muqdisho ayaa waxa xilkii si cudurdaar la’aan ah uu iskaga wareejiyey DR Cumar Iimaan ugu wareejiyey Shiikh Xasan Daahir Aweys waxaan laba masuul ee xilka isku wareejiyey ay ka hadleen kulankaasi.

“Waxaa maanta ILLAAHEY mahadiis ah in xilka sidii horey looga bartey aysan maanta u dhicin oo iyadoo qofku uu raali kayahey uu wareejiyey xilka waxaana uu ku soo shaqeyey waqti aad u adag waana uga mahadcelineynaa Dr Cumar Iimaan Abuubakar”

ayuu yiri Shiikh Xasan Daahir oo kala wareehgey waxaan uu intaas ku darey in sidaan oo kale looga fadhiyo masuuliyiinta kale ee Soomaaliyeed.

Waxaa isna meesha ka hadley Dr Cumar Iimaan ayaa sheegay in xilkaan uu uga tagey si shaqsiyan ah ee aysan jirin wax kale ee ku qasbey uuna ka cudardaatey ka dib markii uu arkey in xiligaan ay haboontahey in qof kale uu qabto.

Sidoo kale waxaa halkaasi lagu soo bandhigey carug yar oo la sheegay in uu lix sano jirey oo ay soo furteen xinbul islaam ciidankiisa kaas oo Degmada Xamar weyne horey looga soo Afduubtey ayna dadkisi ku wareejinayaan.

Xilwareejintaan ayaan la garaneyn waxa ay ka badali doonto xiligan ay xisbul islaam iyo Al-shabaab dowlada kula jiraan dagaal uu madaxweynha ka yahey Shiikh Shariif Shiikh Axmed dhina siyaasadana aan la ogeyn waxa ay keeni doonto aydoo uu jirey cadaadis ay wadaan UN-ka iyo Mareykanka ay ku hayaan Shiikh Xasan Daahir oo gudoomiye cusub maanta ka noqdey ururka xisbul islaam.

Banaadir Post

banaadirpost

Ururka Al-Shabaab Oo Sheegtey Qarixii Ismiidaminta ahaa ee shalay loo geystay Xarun Ciidan Ee Dawladda lahayd

Ururka Mayalka adag Ee Al-shabaab ayaa sheegtay qarax ismiidamin ahaa oo shalay loo geystay xarunta hore ee Keydka Shidaalka oo ay deganyihiin ciidamo ka tirsan dowladda Soomaaliya.

Sheekh Xuseen Cali Fiidoow oo ah Madaxa Siyaasadda gobolada Dalka soomaaliya ee Ururka Al Shabaab oo shir jaraaid qabtay ayaa sheegay inay ka dambeeyeen qaraxaasi islamarkaana ay khasaare ugu geysteen Ciidamada Dawlada oo uu ku sheegay daba dhilifyaal Sheekh Xuseen Cali Fiidoow ayaa sheegay in qaraaxsi uu fuliyay wiil dhalinyaro ahaa oo ka tirsanaa ururka al shabaab laguna magacaabi jiray Cabdiqadir Xasan Maxamed Catiir.

Arintan ayaa waxay imanaysaa maalin kadib markii wasiirka warfaafinta dawladda soomaaliya uu ku sheegay in qara ay ka dambeeyaan Ururadda al shabaab iyo Xisbul islaam.

Ururka al shabaab ayaan ahayn markii ugu horeysay oo uu fuliyo qarax ismiidamin ahaa laakiin waa markii 1aad ee ay la beegtaan Ciidamada Dawladda uu hogaamiyo shiikh shariif uu madaxweynaha u yahay.

Banaadir Post

Xamar Cade.

Kulankii ugu ballaarnaa oo maanta Muqdisho ku dhex maray Beesha Mudullood (M/Dheere, Salaad Cali Jeelle iyo Xubno badan oo ka qeyb galay)

Kulankii ugu ballaarnaa ayaa maanta waxaa uu ka dhacay Waqooyiga Muqdisho, kaasoo dhex maray Xildhibaano, siyaasiyiin, waxgarad, odayaal, culumaa'udiin, aqoonyahano iyo haween ayaa waxaa looga hadlay qodobo dhowr ah oo ku wajahnaa danaha Beesha Mudullood taageerada Dowladda iyo iska difaacida weerarada gardarada ah ee dhaliyay barakaca iyo qaxa baahay ee ka jira deegaanada Beesha Mudulood ay ku abtirsato.

Kulankan oo ay ka dhex muuqdeen Xildhibaano iyo Siyaasiyiin caan ah, ayaa waxaa ka mid ahaa xubnaha ka qeyb galay Kulankan Gudoomiyihii hore ee Gobolka Banaadir Maxamed Dheere, xildhibaano ay ka mid yihiin Xuseen Caraale, Salaad Cali Jeelle, iyo Xildhibaano kale.

Kulankaasi ayaa waxaa sidoo kale loogu magac daray kulankii wadatashiga iyo is cafinta, iyadoo ay ka qeybgaleen dad gaaraya 1500- oo xubnood oo isgu jira qeybaha kala duwan ee Bulshada, waxaana sidoo kale lagu ansixiyay in siyaasadda iyo talada Beeshu ay mid noqoto, wixii siyaasad ahna looga dambeeyo raga mas’uulka uga ah Beesha Mudulood Dowladda Federaalka ah.Xildhibaan Xuseen Caraale oo ka hadlay kulankaas ayaa sheegay in aysan marnaba ogolaan doonin waxa uu ugu yeeray duulaanka gardarada ee lagu yahay beesha Mudullood, isagoona ku eedeeyay Alshabaab inay duulaan ku tahay beesha, waxaana uu cadeeyay in Gobolo kale looga soo duulay beeshooda sida uu hadalka u dhigay.

"Alshabaab waa fidno naloo soo diray, sidaad ogtihiin gobolo kale ayaa nagala soo duulay, waxaa la rabaa in caruurteena iyo haweenka la laayo, oo nala barakiciyo"

ayuu yiri Xuseen Caraale Cadaan oo ka tirsan Mudanayaasha Baarlamaanka ee ka soo jeeda Beesha Mudullood.Gudoomiyihii hore ee Gobolka Banaadir Maxamed Dheere oo ka hadlay kulanka ayaa sidoo kale isna sheegay inuu ku faraxsan yahay inuu kulanka ka soo qeyb galo, isagoona cadeeyay in mowqifkiisa, waxaana uu Beesha u sheegay in aanu Dowladda xilligan ka dooneyn wax jago ah sida uu yiri.

“Waa Ilaah Mahadii inaan maanta ka soo qeybgalo kulan ay isagu yimaadeen Walaalaha Mudulood, waxaana ogahay inay arrintu ahayn sidii hore, balse anigaa hadii aan iska hadlo sida aad la socotaan, waxaa i xiray Cadow, waana ka soo gudbay cidii ka xumaatay iyo cidii ku faraxdayba waan cafiyay, waxaana ogahay inaad ka dhiidhiseen xarigayga, waxaan diyaar u ahay inaan wajaho meel kasta oo aad ii darsataan”

ayuu yiri Maxamed Dheere oo sheegay in aanay u dulqaadan doonin in shacabkooda la barakaciyo, meelaha ay degan yihiin lagu soo tuuro Madaafiic.Sidoo kale Xildhibaan Salaad Cali Jeelle ayaa isna cadeeyay in hadafka kaliya ee Beesha uu yahay mid, isla markaana ay iska difaacayaan cid kasta oo ku soo gardaroota deegaanadooda.

Waxgarad iyo Odayaal oo ka tirsan Beelaha Mudullood oo uu ka mid ahaa Afhayeenka Beelaha Mudullood Muxidiin Xasan Afrax ayaa iyana cadeeyay in dagaalka hada Muqdisho ka socda uu yahay dagaal siyaasadeed balse uusan ahayn dagaal Qabiil, sidaas darteed waxaa loogu baaqay cid kasta ee lug ku leh dagaaladaasi inay ka waan towdo, Beeshana waxay isku raacdo inay iska celiso cid kasta oo ku soo xadgudubta.

Banaadir Post

Mohamed Deeq xaaji Ali

banaadirpost@gmail.com

Ahmadou Oulad Abdallah Isagaa Mas'uuliyada oo dhan leh

Waxaa soo baxaya dacwado ka dhan ah Wakiilka UN-ta U qaabilsan Somalia, Ninka lagu magacaabo Ahmadou Oulad Abdalla iyo sida uu u maamulo xaalada Somalia, isaga oo inta badan caalamka ka dhaadhiciyey fikrad Qaldan, oo aanan cid aanan Somalia aheyn ayan waxbadan ka ogaan karin. Wakiilka waxaa uu asxaabtiisa la daneeysa Arimaha Somalia u sheegay in ay wax ku hagaagi karaan oo keli ah, hadii Awooda Dalka faraha loo gesho qabiilo qaarkood, halka uu intooda kalena ku tilmaamay kuwo aanan miisaan xoogan ku laheyn siyaasada Somalia.

Wakiilka Qaramada Midoobay u qaabilsan Somalia Ahmadeu Oulad Abdalla ayaa inta badan hey'adihii u howlgalay qabashadii shirkii Djibouti ee lagu Doortay Sheikh Shariif u sheegay in uu isagu yahay nin Muslim ah, isla markaana uu wax badan oo ku saabsan Islaamnida Somalida soo ogaaday, waxaana uu ku qanciyey in hadii fikrada uu cayaarayo ay ku caawiyaan, ay xiisada Somalia degi doonto, dalkana uu nabad geli doono.

Qaladka 1.aad

Waxaa uu wakiilkan shaqadiisa ka bilaabay khilaafkii u dhaxeeyey Xukuumadii uu madaxweynaha ka ahaa Abdullahi Yusuf Ahmed iyo Kooxihii kasoo horjeeday oo markaa dadweynaha reer Muqdisho ka gadayey DIIN-DOON dagaal la yiraahdo, oo ay dadka u tusayeen in ay u dagaalamayaan Diinta Ilaahay, isla markaana Ciidamada Shisheeye ay ka saari doonaan "Somalia", balse hadii uu wakiilku soo aqrin lahaa taxanaha isdiidka Siyaadsadeed ee Somalia Murgiyey waxaa u cadaan laheyd in ay meeshu tahay goob hoogtay oo ba'day.

Qaada 2.aad

Wakiilku waxaa uu xaqiray indhahana ka qabsaday khilaafka Somalia yaala, isaga oo dhowr jeer ka biya diiday in hanaanka wadahadal ee ka socday Djibouti uu u badalo Xukuumad iyo Mucaarad, waxaana uu ku baxshay naf iyo maalba in Xukuumada Abdullahi Yusuf ay meesha ka baxdo, isaga oo u kaashanayey wadamadii taageerayey xukuumada sida Ethiopia iyo USA oo uu ka dhaadhacshay in meeshu Muqdisho tahay, ayna ku haboontahay in Hogaanka dalka la dhex dhigo kooxaha Diiniga huwan ee Muqdisho iyo Koonfurta Somaliyaba degan, si iyagu ay isugu jeestaan, wadamada Deriskana ay degenaansho u helaan, mar hadaan meesha nabad laga dooneyn, sidaana ay tahay xalka ugu dhaw inta Dowlad loo hanqal taagi lahaa, sidaana waxaa taageero ku helay Ra'iisul Wasaare Nur Cade oo ay isagu Madaxweyne Abdullahi Yusuf uga dhaganeeyd.

Qaladka 3.aad

Wakiilku waxaa uu xooga saaray oo keli ah Kooxaha ka sharciyeeysan Gudaha Muqdisho, kuwaa oo ku abtirsada magaca DIIN-DOON waxaana uu ku haminayey in ay kala bur buraan, una kala qeybsamaan dhowr kooxood oo mid waliba ay wadato shuruudaheeda, iyo wixii markaa u dheeraan kara, si irdihii khilaafka ee Somalia hore uga furnaa ay usii bataan, iyada oo danta laga leeyahayna ay tahay oo keli ah in meel laga abaaro xalka nabadeed la waayo. Waxaa uu xooga saaray in Garabka Shariif oo uu u arkayey in ay taageero dhalasho ku leeyihiin Muqdisho la taageero, si ay meesha isugu sii dhajiyaan, maadaama meesha Somaliyi ka bugto ay tahay Muqdisho.

Qaladka 4.aad

Si kastaba ha ahaatee waxaa uu wakiilku sheegay in shirka Djibouti uusan u baahneyn caqabado badan, sidaa darteedna ay muhiim tahay in shirkan la dedejiyo, maadaama Somalidu ay dareemi karto cayaaraha uu meesha ka wado, waxaana uu inta badan wadamada siyaasadiisan Guracan gatay uu ku qancin jiray in uu yahay Muslim, Somaliduna ay jecel yihiin Muslimiinta kale, sidaa darteedna ayan jirin cid shaki weyn ka qabi karta, waxaase ugu yaab badan in uu sheegay in " Somalidu ayan waxbadan ka cabiri karin jihada ay siyaasadu u socoto, waxa kaliya ee ay daneeyaana ay tahay reer hebel maxeey yiraahdeen, ama reer hebel maxeey ka qabaan shirka", waxaana ay taasi ii sahleeysaa in sidaan doonayey ay wax u socdaan, sidaa darteed waa in shirka la dedejiyaa.

Qaladka 5.aad

Waxaa uu helay wadan isagu leh hal dan ah oo keli ah, waa dalka Djibouti oo isagu mar walba daneeya xukuumad laga maamulo Koonfurta Somalia, waxaa ay Arintaa u noqotay fursad dahab ah, maadaama Wakilku uu qorshihiisa kala soo fogaaday Magaalada Nairobi oo ay degen yihiin inta badan hey'adaha NGO'yada oo iyagu dano gaar ah ka yeelan kara musharixiinta maadaama ay doonayaan in Somalia faraha kula jiraan.

Ugama uusan soo Goorin Nairobi cabsi uu fikradiisa u cabsanayo, waxaa uu ka baqay in Process-ka (Socodka Howsha uu wado) ay ku dheeraato, meeshana khilaaf iyo daba dheeraad uu ka yimaada, waxaana uu ugu dambeyntii isla helay Ra'iisul Wasaare careyysan oo qalin la ordaya iyo shir uga furan Djibouti, waxaana ay u noqotay biloowgii dhamaadkii rajada Somalia.

Ahmadou Oulad Abdalla waxaa uu Somalia uga baahnaa in uu ogaado wixii dalka ka dhacay ee dhibaato iyo xasuuq shacab ahaa, waxaase nasiib daro ah in uu isaga oo Muslim sheeganaya uu sidaan waxyeelo, waxaa Somalidu tiraahdaa "yeelaa wuu hilmaamaa, balse la yeele ma hilmaamo" Waa wax taariikhda u galaya qayaanada uu shacabka dhibaateysan ee weliba koonfurta ku dhex furay, waana dacwad mudan in sare loo qaado oo meelkastaa lala tiigsado.

Lunsashadii lacagtii UNDP Somalia ee Axmed wald Cabdalla lagu tuhunsanaa oo tartib tartiib usoo shaac baxday.. ka eeg halkaan.Guji

Banaadir Post

Banaadirpost@gmail.com

Ma Dagaalaa! Ma Muqdishaa! Ma Dil iyo Qixitaanaa!

Hadal badan kama furna masiibada ka socota magaalada Muqdisho iyo dadka intiisa kale, lagamana aamusi karo oo damiirka ayaa na damqaaya. Waa dhiig daadanaya, meed la guraayo, dhaawac la dhayaayo, bara-kac aan xad laheyn, oohin, riin, aadaar, taah, habaar iyo qaylo dhaan. Waa kala orod, isku habaar wacasho, isgargaarsi iyo Alle bari. Waa dagaal lagu tooganayo mar kale wadnaha Somaaliya, maskaxda Somaaliya, sumadda dawladnimada - caasimada Somaaliya ee Muqdisho.

Waa dagaal ay ku niyad-jabayaan dadka Somaaliyeed oo rajada ka lahaa culimda hor-boodeysa dawladda iyo mucaaradka. Waa dagaal ay ku hoobanyaan dad aan waxba galabsan oo isugu jira caruur, haween, waayeel iyo waxgarad.

Waa dagaal ay ku barakacayaa kumanaan qoys, laguna burburinayo adeegyadii bulshada sida dhibka badan lagu sameysay 19 sano ee lasoo dhaafay.

Waa masiibo kasii masiibo, waa “dab dhaxamooday ee maxaa lagu diiriyaa! waa dawo bukootay ee maxaa lagu dabiibaa”! Waa dhiig xaq-daro iyo dulmi lagu daadinayo! Waa naar loo tartamayo iyo balaayo la hor-boodayo.

Aaway diintii Islaamka oo magaceeda lagu dirirayo? Away Alle ka cabsigii lagu celcelinjiray, qur’aankii la aqrin jiray iyo axaadiistii la daliilin jiray? Dagaallada ka soo cusboonaaday magaalada Muqdisho iyo goobaha kale ee Somaaliya looma fiirinaayo yaa gardaran iyo yaa gar leh.

Haddii gar iyo gardaro la qaadanaayo, waa la xaajoon lahaa, geed hoostiis ayaa la fadhiisan lahaa, markii la hadlana waa la heshiin lahaa. Arinka ah “yaa gar leh iyo yaa gardaran” waxaan ka baqayaa inaan ku heshiin weynno ama garteynna la diido. Waxaan ka cabsanayaa in hadalkeynu ku soo gunaanadmo “Cali Mahdi gar leh Ceydiidna gar leh”.

Erayadaas ku saleysan go’aan qaadasho xumida, waxey sabab u noqdeen dagaaladii lagu hoobtay oo ka dhacay magaalada Muqdisho 1991-92. Hadaba, ma ka fiirinaa dagaallada Muqdisho iyo meelaha kale xagga dhibaatada uu keenayo iyo khasaaraha uu sababayo.

Ma isku raacnaa inaan dhahno, Dawladda KMG iyo xooggagga hubeysan ee mucaaradka ah xaq uma laha, waxeyna ku tahay khalad, iney ku dul dagaalamaan maatada. Haa! dawladda KMG ah waxaa laga rabaa iney soo celiso kala dambeynta iyo qaanuunka. Waxaa laga rabaa iney damaanad qaado nabadda muwaadiniinta, laakiin sidey ku gaareysaa sidaas? Farsamo fiican oo sax ah ayaa looga fadhiyaa dawladda, lagamana sugaayo iney udhaqanto sida jabhad.

Waxaa laga sugaya waa dhaqan dawladnimo iyo ilaalinta xuquuda aadamiga. Dhanka kale, mucaaradka hubeysan haddii uu talo qaadanayo, waxaa haboon iney wada hadal shuruud la’aan ah la furaan dawladda. Laakiin, arinkaas haddii ay diideen, waxaan leenahay haku kor dagaalaminna maatada, gabaadna haka dhigana. Run ahaantii, dadka Somaaliyeed waa fahmi la’yihiin sabata ay ugu kor-dagaalamayaan culimadii shalay ka wacdin jirtay masaajiddada, ugu baaqi jirtay Alle ka cabsi, bari jirtay diinta Islaamka. “ Culumadaan kuwaan arki jirnay ma aha oo waa kuwa la yaab leh, waa kaa qur’aan badayihiin, kaa aftahasanyihiin, hadana waa dagaal oogayaal, dhiigga muslimka xaq-daro ku daadinaya”, sidaas waxaa igu tiri gabar Somaaliyeed oo ka mid ah Somaalida yaaaban. Culimadaas waxey cambaareyn jireen daglaaladda qab-qablayaasha dagaalka, faragelinta shisheeye iyo dhibaatada dabada dheeraatay ee Somaaliya. Culimadaas waxey sheegayeen, weligoodna dhihi jireen “Xalku waa Islaamka”. Waa run oo xalku waa Islaamka, laakiin ma la hubaan in kuwa maanta magaca diinta sheeganayaa ay yihiin xalka? Kuwa maanta isla dhacaya madaafiicda ayaga oo magaca Islaamka wata ma yihiin xalka? Diinta Islaamka kuma xirna aadamiga khaldamaya oo waa saafi, barax-tiran oo tusaaleysa sida Eebbe rabo inaan ugu dhaqanno dhulka dushiisa. Diinta Islaamka laguma cabiro, lagumana garto ficilka dadka sheeganaaya ee waxaa lagu gartaa sida ay ugu qorantahay Qur’aanka, Axaadiista oo ay fasireen culumada Islaamku. Hadaba, bulshada Somaaliyeedmeel kasata oo ay joogaan iyo dadka degan magaalada Muqdisho waxey af-buuxa ku leeyihiin “dagaalka naga joojiya ! Xukunka aad isku haysataan ka xaajooda, waa cadaatay inaadan diin isku haysanee!” Dhab ahaantii, maxaa muddo dheer muuqatay in caqliga siyaasadeed ee Somaaliya uu welli ku jiro marxaladda qaan-gaarnimada, dhaqanna ka dhigtay inuu dulsha ka saaro dhibaatadeyna xooggaga shisheeye. Arinka sidaas maka bedelnaa oo ma isla garannaa in dhibaatada Somaaliya ka jirta Somaalidu masuul ka tahay? Ma aragnaa in dawladaha shisheeye ay gacan siiyaan kooxo Somaaliyeed oo dantooda difaacaya? Inta isla garano sidaas, maka tashanaa sidii aan uxallin laheyn dhibaatadeynna? Nasiib darro, ma tashanaa waa laga waayay siyaasiyiinta Somaaliyeed (wadaadkooda iyo waran-lahooda), xoog ayaa la rabaa in lagu gaaro ujeedooyinka siyaasadeed. Magaalada Muqdisho oo ah caasimadda Somaaliyeed waxaa lagu burbuuriyay, dadkeedii lagu dilay, laguna barakiciyay dagaalladdi dhacayay 1991-2 iyo intii ka dameysay. Waxaa lagu dagaalamayay magaalada dhexdeeda muddo ka badan 19 sanno. Waxaa laga qaxayay muddo 19 sanno ah. Ujeedada lagu dagaalamayo waa xukunka iyo awoodda qaranka in la boobo, waxaana la deegsadaa waa “qabyaalad iyo diin isku jirta ama kala jirta”. Dagaalka maanta ka socda Magaalada Muqdisho, sida la arki jiray laguma kala adkaanayo, wuxuuna u egyahay jug-jug ee meeshaada Joog.

Sidaas ayaa tariikhdu na bartay. Faragelin kasta oo hubeysanna hadda ka hor ma xallin dhibka Somaaliyeed, hadana lama hubo. Dagaalka hadda socda wuxuu leeyahay calaamdihii dagaalkii 1991 ee u dhexeeyay labada garab ee USC oo ay kala hogaaminayeen madaxweyne Cali Mahdi iyo General Moxamed Farax Caydiid. Sidaas oo klae, dagaalka maata waxaa kala hogaaminaya madaxweyne Sheikh Sharif iyo Korneel Sheikh Xassan Dahir Aweys oo kala matilaya labada garab ee Isbaheysiga Dib-uxoreynta. Mar haddii la dagaalamayo, dhan kasta wuxuu aadayaa meel kasta uu kaalmo ka heli karo. Dhan kasta wuxuu adeegsanayaa qabiil, diin iyo Somaalino. Somaalidu lacag iyo hub ay ku dagaalamaan ma haystaan, mana bixin karaan kharaj dagaal muddo dheer soconaya. Waxa lagu dagaalamayaa waa kaalmooyinka dibadda oo ay bixiyaan ururo, shaqsiyaad iyo dawlado shisheeye. Haseyeeshee, waxaa ka fiican dagaalka, nabadda. Waxaa ka fiican dawlad la’aanta dawlad xun.

Waxaa ka fiican ku xirnaasho shisheeye inaad walaalkaa la heshiiso, gar iyo gar-darro. Ugu dambeyntii, caqli saxda wuxuu sheegayaa in la isku dulqaato oo dawladda KMG-ka ah la siiyo fursad ay ku gudato hawlaheeda. Caqliga saliimka ah wuxuu sheegayaa in xabadda la joojiyo oo wada hadal loo fadhiisto.

Caqliga saxda ah wuxuu sheegyaa inaan diinta aan la iska saarin oo aan la isgaaleysiin. Caqliga saliimka ah wuxuu sheegayaa inaan lagu kor dagaalamin maatada. Laakiin, sida muuqata caqli looma baahna! diin looma baahna! Aduuyo looma baahna! Aakhiro looma baahna! Waa waalli xukun, waa wareer caqli iyo garaad-xumo! Waa aafo iyo musiibo. Ilaahow adiga ayaan kaa magan galnay fitnada muuqata iyo midda qarsoon! Ilaahow adiga ayaan kuu sheeganay ee gaargaarkaaga nala soo gaar! Aamiin… Aamiin.. _
_______________
Abdurahman M Abdullahi (Baadiyow) specialized in the history of Islam in the Horn of Africa. He is Chairman of the Board of Trustees of Mogadishu University. You can reach him at

abdurahmanba@yahoo.com

Al-Shabaab oo Howlo qabuuro faagid ah mar kale ka fuliyay Degmada Baardheere ee Gobolka Gedo

Wararka ka imaanaya magaalada Baardheere ee Gobolka Gedo ayaa sheegaya in mar kale deegaankaasi ay ka bilaabatay Howlo ay Ururka Al-Shabaab ku qodayaan Qabuuraha Islaamka ee ay ku aasan yihiin Culumaaudiin Soomaaliyeed oo magac ku leh dalka Soomaaliyeed.

Ururka Al-Shabaab ayaa ku doodaya inay arrintaan ula jeedaan sidii ay ku suulin lahaayeen Munkar, balse Culumaa’udiinka Ahlu Sunnah Wal jamaaca ayaa iyana sheegay inay arrintaasi ay ku dhaqaaqeen Al-Shabaab ay tahay Mid Munkar ah,

islamarkaana ay doonayaan inay aasaan taariikhda Ummadda Soomaaliyeed.

“Howshaan aan ku bur burinay qabuuraha, waa mid aan ku suulinayno Shirkiga, waana sii wadi doonaa Howlahaasi bur burinta qabuuraha ah”

ayuu yiri Sarkaal u hadlay Al-Shabaab oo ku sugan magaalada B/dheere.

Dhinaca kale ma ahan markii ugu horaysay ee ururka Al-Shabaab uu bur buriyo Qabuuraha Muslimiinta ee ku yaala magaalada Baar dheere ee gobolka Gedo, waxayna horay u bur buriyeen Ururka Al-Shabaab Qabuuro ku yaalay Masjidka Sheekh Awoowe ee isla magaalada B/dheere.

Banaadir Post

Koshin Yare

Dagaalyahano ajnabi ah oo toddobaadyadii u dambeeyay tegay Muqdisho, lana xaqiijiyay inay ka barbar dagaalamayeen Al-Shabaab

Sarkaal Mareykan ah oo ka tirsan Hay’adda la dagaalanka argagixisada kuna sugan dalka Kenya ayaa sheegay in magaalada Muqdisho toddobaadyadii la soo dhaafay ay tageen dagaalyahano ajnabi ah oo ka barbar dagaalamaya kooxda AlShabaab, wuxuuna sarkaalkaasi sheegay in warbixin ku saabsan xaaladda Soomaaliya ay hor dhigi doonaan congreeska Mareykanka.

Wargeyka The Times warbixin uu ka qoray Soomaaliya ayaa sheegay in dagaalyahano gaaraya ilaa 290 xubnood ay gaareen magaalada Muqdisho, wuxuuna wargeysku intaasi ku daray in arrimaha Soomaaliya looga hadli doono dalalka caalamka:

Waa markii ugu horeysay oo si cad loo shaaciyo dagaalyahano ajnabi ah oo ku sugan gudaha dalka Soomaaliya tan iyo markii ay dagaalada ka qarxeen Soomaaliya bilowgii sanadkan.

Dhinaca kale arrintan ayaa laga cabsi qabaa inay soo dedejiso faragelin shisheeye oo caalami ah in lagu sameeyo Soomaaliya, iyadoo waliba la taageerayo Dowladda cusub ee curdanka ah, taasi oo iyadu tallaabo ka qaadi la' ilaa iyo haatan weeraro iyo dagaalo toos ah oo mucaaradka ay ku hayaan.

Banadir Post
banaadirpost@gmail.com

Qanyare, Caato & Yalaxow oo nabad ku baaqay & Sh Turki, Sh Aweys, Sh Sharif oo

Soomaaliya oo la daaladhacaysay muddo 20 sano ku dhaw dagaalo iyo diif durugsan oo ay sababeen, waxaa hadda xaalku cakirmay markii ay noqotey xaajadu “Ka dar oo dibi dhal”, Halkii laga filayey daruur ayaa ceeryaamo curatey” waxaan ula jeedaa halkii inoogu dambeysay oo ahaa culimada ayaa hadda waxaa loo arkayaa amaba ay noqdeen kuwa mindiyaha isu lisanaya, warankuna dhiig u leeyahay.

Mashaa’iq badan iyo rag badan oo wata magaca Shiikh ayaa maanta horboodaya oo marada u ruxaya dagaal dhiig badani ku qubanayo, isla markaana maato fara badani ku le’anayso ujeedaduu doonee ha lahaadee, waa kala maan oo ragga dagaalkan ku lugta leh ee haddana kitaabada wataa waxay qaarkood aamisanyihin inay u dagaalamaan Jihaad halka kuwa kalena ay aamisan yihiin in dagaalka ay ku jiraan uu yahay mid xaq ah oo ay ku difaacayaan dawlad iyo dal.

Saaxiibtinimadan & Qosolkan maxaa u sabab xiligaasi ?Shacab badan oo u hamuun qabey in ka bixitaankii ciidamadii Itoobiya ay heli doonan nabad iyo barwaaqo, isla markaana si weyn ugu qanacsanaa hogaaminta wadaadada maanta garhayeenka ka ah dagaalka ayaa hada u guur guurtey jihadii quusta iyo murugada, waxaana dadkaasi oo mudo laba sano ka badan ku dhibaataysanaa duleedka Muqdisho iyo deegaano kale hada dantu bidey inay dib ugu laabtaan raadkoodii ay maalmo ka hor ka soo guryo noqdeen ka dib markii rajo soo gashay.

Isbadalka dabeysha siyaasadeed ee xiligan ka dhacaysa Soomaaliya ma ahan mid la saadaalin karo halka ay sal dhiganayso, waxaa is badalaya marba jiil si weyn uga dhexmuuqanaya siyaasada iyo muraayadaha laga daawado dadka murqaha waa weyn ee ugu tunka weyn isjiidka jiidka iyo xarig jiidka siyaasadeed ee Soomaaliya.

Saw la yaab ma ahan?

Habeen saq dhexe goor aan magaalada ka soo laabtey isla markaana aan ku suganahay qolka Hotel aan ka deganahay magaalada Nairobi ayaan waxaan isha la raacay tiro ka mid ah mareegaha wararka Soomalida ee dhex yaacaya Internet-ka waxaan eegay kolba mid badidood waxay ka sinaayeen dagaaladii dhacay maalmihii la soo dhaafay iyo waliba dhacdooyinkii ugu dambeeyey ee 24-kii saac ee la soo dhaafay.

Kooxaha Islaamiyiinta ee isku dilaya Koofurta SomaliaBarahaasi Internet oo ay ka mid tahay Allsbc.com oo aan ahay tifaftiraheeda guud dhamaantood waxay sidan horey u sheegay ka sinaayeen qorida iyo ka hadalka xaalada cakiran ee hada uu ku sugan yahay dalku gaar ahaan dagaalada socda ee ay ku lugta leeyihiin ururo diimeedyada is diidan.

Markii aan dhameeyey aqrintii qormooyinkii iyo wararkii web site-yada badankood ayaa waxaa ii soo baxay inaan wax ka qoro wixii iigu yaabka badnaa intii aanb booqshada ku jirey wararka waxaa ii soo baxdey markii aan isku xooriyey wararka Muuse Suudi, Maxamed Qanyare, Cismaan Caato, Eng. Cadow iyo rag kale oo caan ku ahaa dagaal iyo xabad oo Muqdisho inta ku shireen nabad iyo xabad joojin ku baaqay.

Cismaan Caato, Qanyare & Muuse Suudi oo nabad doonayaDhinaca kale ayaan warkii u rogay markaasi ayaa waxaa ii soo baxay Sheekh Xasan Tukri oo Jowhar qabsadey, Sheekh Xasan Daahir Aweys oo tuute u xirtey dagaal, Sheekh Shariif oo u diyaar garoobay in uu difaaco dawladiisa weerarka lagu yahey, Sheekh Maxamed Mire iyo ciidamo uu horkacayo oo Muqdisho ku soo fool leh, Sheekh Mukhtaar Roobow oo sheegay in ay dagaalka sii wadayaan, Sheekh Abuu Zubeyr oo ku baaqay in la rido xukuumada Sheekh Shariif, Sheekh Indho-Cade oo ku dhaartey in uu difaacayo dawlada Islaamiga ah, Sheekh C/risaaq Yuusuf oo ku baaqay in laga hortago Shabaab.

Sheekh Xasan C/laahi Xirsi (Xasan Turki) Sawirka Jasiira TVWarkii ayaan sii raacay markaasi ayaa hadana waxaan eegay dagaalada gobolada dhexe oo la leeyahay Shabaab iyo Ahlu Sunna ayaa ku dagaalamaya, waliba mid kasta uu leeyahay waxaan la dagaalamayaa gaalo iyo gaalo raac.

Anigoo la yaaban meesha xaajadu ka qasan tahay oo ragii caanka ku ahaa dagaalka iyo dhiig daadinta ay nabad ku baaqayaan, dadkii loo noqon jirey oo kibaato sitana dagaal u tafaxaydanayaan ayaan waxaan wadasheekaysiga Internet-ka ee MSN-ka loo yaqaan ku kulanay Deeqo Yuusuf (Deeqa Sonna) oo ka mid aheyd saxafiyiintii sanooyin ka hor ka hawlgali jiray gudaha Soomaaliya gaar ahaan magaalada Kismaayo.

Waxaan iska wareysanay Deeqo xaalada wadanku marayo markaasi ayaan u qoray “waxaan haynaa Muuse Suudi, Qanyare iyo Cismaan Caato oo nabad ku baaqay iyo Sheekh Turki, Sheekh Shariif, Sheekh Aweys oo dagaal ku hawlan” markaasi ayey qosol iyo yaab isku dartey waxayna igu dhiiri galisay inaan ka qoro maqaalkan, anigoo sidaasi ku bilaabay maqaalkan.

Sheekh Roobow oo dagaal ku goodinaya

Deeqo Sonna oo runtii mudo ka soo shaqeysay Idaacado waa weyn oo ay SBC International ka mid tahay, hadda waxay ku nooshahay wadanka Mareykanka, waxaana Deeqo ku xusuusta wararkii ay SBC uga soo tabin jirtey dagaaladii Jubada Hoose sanadihii 1999-2000 iyo waliba sanooyin ka horeeyey ama ka dameeyey.

Xusuus kooban

Deeqo Sonna runtii waxay ka mid aheyd wariyeyaashii Gobolada ee SBC international uga soo warami jirey kuwooda ugu fir fircoonaa waxay aheyd gabar ku wanaagsan dhismaha wararka iyo habka warka loo dhigo, ka tifaftir ahaan ma badneyn wararka Deeqo tifaftir ahaan in lagu qabsado oo waxay aheyd qof aad u taxadar badan, runtii waxaan oran karo waa dhalinta u soo baxdey sanooyinkii la soo dhaafay saxaafada Soomaaliya.
Xaaladan hadda taagan ee isbadalka siyaasada ayaan waxaan ku xusuustey warbixin ay sanadkii 1999-kii bishii June Deeqo ka soo tabisay magaalada Kismaayo wuxuu ahaa dagaal ay hogaaminayeen laba hogaamiye kooxeed oo midi doonayey in uu qabsado magaalada midna ka difaacanayey, warkii Deeqo soo tabisay ayaa wuxuu ahaa in weerarkii uu ku doonayey hogaamiyihii doonayey in uu magaalada qabsado in dib ay u waabiyeen maleeshiyo kale oo daacad u ahaa hogaamiye kooxeedkii xiligaasi gacanta ku hayey magaalada, warkaasi wuxuu baxay duhurnimadii xiliga wararka SBC International, mudo yar ka dib ayaa waxaa telefoonkayga gacanta iga soo wacay nin ka mid ahaa masuuliyiintii xiligaasi ee maamulkii ka jiray deegaanada ay ka hawl gasho Idaacada SBC ee Puntland wuxuu igu yiri “warka ay Deeqo Sonna soo tabisay waa been oo waxba ka jiraan anigaa kuu haya xaqiiqda ciidanka ay leedahay waa la waabiyey waxay Kismaayo u jiraan 5 KM”.

Waxaa iigu yaab badnaa markii warkaasi baxay ayaa waxaa na soo gaaray war deg deg ahaa oo sheegayey in degmada Dhoobley ay qabsadeen maleeshiyaad isbahaystey laakiin warkaasi waxaan u doonay xog dheeraad ah isla markiiba ma aynan baahin sababo sugnaanshahaha warka ah.

Mudo yar ka dib aniga iyo masuulkii oo ay naga dhex tolan tahay anigana aan leeyahay “Mudane meesha wariye ayaa noo jooga hadii warkiisa been noqdo waa hawl inoo taal oo aan kula xisaabtamayno wariyaha, laakiin aan hubsano adiguna soo hubso” 15 daqiiqo ka dib waxaa laga baahiyey idaacada BBC-da laanta afka Soomaaliga dhamaan wararkii aan siidaynay oo sidii wariyuhu u soo tabiyey, waxaana ka dib ay idaacadaasi sii raacisey in degmada Dhoobley ay qabsadeen maleeshiyaad isbahaystey oo taageerayey kooxdii ka talinaysay magaaalda Kismaayo.

Isbarbardhig oo maxaa kuu soo baxay

Waxaan hadaba is barbardhigay dagaaladii xiligaasi socdey iyo kuwa maanta socda, waxaan niyada iska iri “tallow miyaanay dhici karin xiligaasi dagaaladii dhacayey ragii ku lugta lahaa inay maanta la yaaban yihiin dagaalada ay wadaan rag ay suurtagal tahay karto in xiligaasi kibaabo masaajidyada ka aqrin jiray oo lahaa wadaado ku xiran oo ay kutubta u aqriyaan”.

Kitaabka Quraanka Kariimka ah

“Tiiyoo ay dhici laheyd in hadii xiligaasi la yiraahdo “

Sheekh ka waran dagaaladaasi” ay dhici laheyd in uu yiraahdo “waa ehlu naar kan la dilay iyo kan wax dilay ama kuwa dagaalamayaba”.

Waxayse ku fiicnedy in maanta ka waydiiyo dagaaladii qabqablayaasha iyo kuwa ay hada wadaan wadaadu waxa ay ku kala duwan yihiin.

Waxaan shaki iyo mugdi ku jirin in hadda wax haray aanay jirin ma ogi cid loo laaban karo, Soomaalida oo ah dad aad diinta u qadariya, waxay waagii hore marka la is qabto si fudud la isugu oran jirey “Noo gee Sheekh Hebel Kibaanka ha nagu kala saaree”.

Laakiin maanta waxay ibtalo joogtaa yaan u laaban doonaa, yaa na kala guri doona, yaase u carari doonaa, ma qabqablaha 20 sano dagaalka nagu soo gaarsiiyey ee maanta nabada ku baaqaya mise wadaadka hada dhashiikaha iyo baroonka la boodaya ee Jihaad iyo Mujaahid dhiiga ku daadinaya ?…..Bal Adba…!!!

Tifaftiraha Guud

Mowliid Xaaji Cabdi

mowliidsons@gmail.com

Caasimada Somaliya Oo Caawa U Muuqata Mid La faarujiyay,Iyo Qixii Ugu Badnaa oo Caawa laga Daremaayo Magaalada Muqdisho

Magaalada Caasimada ah Ee Muqdisho ayaa waxa ay Caawa U Muuqataa Mid Guud ahaanba ay Farujiyeen dadkii tirada yaraa Ee iyagu Rajada Ka qabay in ay mar uun heli Doonaan Nabad ayaa waxa ay Caawa iyagoo Niyad jabsan isaga hayaameen.

Dadka tirada yaraa Ee ku sugnaa goobaha ka baxsan dagaalda ayaa waxa Sameyn balaaran ku Yeeshay Madaafiic aan Loo meel dayin oo Manta ilaa galabta lagu Garacayay Goobo Fara badan oo ka tirsan Magaalda Muqdisho.

Xaafadaha Ugu badan Ee Caawa laga hayaamayo ayaa waxa Kamida Hodan,Howlwadaag,Wardhigley,Xararyaale iyo aga gaarka Tira Buunka Ee Magalada Muqdisho,Qaxa caawa laga Dareemayo Ama lagu arkay ayaa waxa uu Mujinayaa in ay Dadkii Ugu Dambeyay Magaladan Isaga Carareen iyagoona Guus Ka Muujiyay In Ay ku Noladaan Magaalada Muqdisho oo Marti U Noqotay Dagaalo aaan dhamaan laheyn Soona Noq-noqday Marar badan.


Haweeney ka Mida Dadka Degaanka Wardhiigley oo La hadleysay Dayniile Xili ay ku Guda jirtay Daabulida aalabaheda ayaa waxa ay ku Catowday

" Ilaahow adaa qaadira,Ma aqaano Meel aan U socdo,Ma aqaano Gurigeyga Qof aan uga tago, Ilaahow Inoo Naxariiso"

iyadoo ay Ka Muuqato Wel-Wal Iyo Jaha wareer Fara badan.

“Dadka Magaalada Muqdisho ayaa waxa ay markaan Quus ka Muujinayaan Ku sii Noolaasha Caasimada Muqdho Madaam ay Sacad walba dhici karaan Dagaalo,Dadkuna ay Yihiin dareen ku joog Iyadoona ay Is Hor Fadhiyaan Qolyihii Magalada Ku Dagalamay.


Horaantii Isbuucan ayay aheyd kadib markii ay Dad fara badan ay lafahooda ay kala Baxsadeen magaalada Muqdisho Kuwaas oo u qaxay Degaanada Ku Xeeran Muqdisho tii Oo ay jirto ayaa caawa waxa ka daba dagay Xoogi yaraa Ee magaalada Ku haray.

Isku Soo wada Duuboo Madalada Muqdisho ayaa waxa au tahay Caawa Mid Guud aahmna Hawaneysa Kadib Dagaalo aan dhamaad laheyn oo ay Muqdisho Mar kale Madaxa La gashay.

Xigasho Dayniile.com

Cabdiraxmaan Macalin Xuseen
Mamaan82@hotmail.com
Tafatiraha Wabka Dayniile.com

Midowga Afrika oo taageeray go’aankii IGAD ee ahaa in la xayiro Dekedaha ay maamulaan Kooxaha ka soo horjeeda Dowladda Soomaaliya

Midowga Afrika ayaa taageeray go’aankii ay dhawaan soo saareen Dowladaha ku bahoobay Urur Goboleedka IGAD ee ahaa in cunaqabateyn lagu soo rogo Dowladda Eritrea oo lagu eedeeyay in ay taageerto kooxaha ka soo horjeeda Dowladda Soomaaliya, sidoo kalena la xayiro Dekedaha iyo Garoomada ay maamulaan Kooxahaas.

War-murtiyeed uu soo saaray Midowga Afrika ayaa waxaa lagu sheegay in sababta xayiraadda loogu soo rogayo Dekedaha iyo Garoomada ay maamulaan kooxaha ka soo horjeeda Dowladda ay tahay iyadoo ay ka soo dejiyaan dagaalyahanno Ajnabi ah, sidoo kalena ay hub kala soo degaan.

Laakin Danjiraha Eritrea u fadhiya Qaramada Midoobay oo lagu magacaabo Araya Desta ayaa ka soo horjeestay eedeynta loo jeedinayo Dowladdiisa, wuxuuna sheegay in ay eedeyntaas tahay mid looga soo horjeedo dalkiisa.

Dowladda Eritrea oo ka tirsaneyd Urur Goboleedka IGAD oo ay ku bahoobeen dalal todobo ah oo ku yaalla Bariga Afrika ayaa Ururkaas isaga baxday kadib markii ay inta badan dalalka IGAD ay siyaasad ahaan isugu dhaceen.

Haddaba inkastoo ay beenineyso Dowladda Eritrea eedeynta loo jeediyay ee ah in ay hubeyneyso mucaaradka ka soo horjeeda Dowladda Soomaaliya, haddana Shiikh Xasan Daahir Aweys oo ka mid ah Hoggaamiyayaasha ka soo horjeeda Dowladda Soomaaliya oo wareysi siiyay Wakaaladda Wararka Reuters ayaa sheegay in ay taageero ka helaan Dowladda Eritrea, sidoo kalena ay dagaalyahanno Ajnabi ah ay ugu soo biireen magaca Islaamka aawgiis.

Si kastaba, arrintu ha ahaatee, Arbacadii aynu ka soo gudubnay ayay ahayd markii Dowladaha ku bahoobay Urur Goboleedka IGAD ay isku raaceen in cunaqabateyn lagu soo rogo Dowladda Eritrea, sidoo kalena la xayiro Dekedaha iyo Garoomada ay maamulaan Kooxaha ka soo horjeeda Dowladda Soomaaliya..

Banaadir Post
banaadirpost@gmail.com

War Deg Deg ah :Dagaalo xoogan oo Muqdisho ka qarxay iyo ciidamada dawlada oo saaka saldhigyo badan ka qabsaday xoogaga mucaaradka

Ciidamada dawlada Somalia aya saaka waabarigi ku jarmaaday weeraro xoogan oo dhinacyo badan ay uga qaadeen xoogaga mucaaradka .

Dagaalka saaka oo ahaa mid qorsheysan waxaa ay ciidamada dawlada ku qaadeen dhaw aag oo ay joogeen xoogaga mucaaradka , waxaana ay la wareegeen meelo badan oo Casimada ah sida s/Bakaaraha iyo S/Bacaad iyo sidoo kale saldhigyada Wardhigley , Hodan iyo Hawlwadaag.

Dagaalka oo socda ayaa saacad walbaa sii xoogeysanaya , waxaana cidamada Amisom ay dagaalka kaga qeybgalayaan mdaafiic ay ku qarcaacayaan meelaha ay tuhmayaan in ay dhufeysyo u yihiin xoogaga mucaaradka inkastoo goobo rayid ah ay ku qaraaceen Barakac ayaa dagaalka bar bar socda , waxaana saaka laga qaxayaa dhamaan xaafadaha Caasimada Moqdisho.

Waxaa laga dayrinayaa dadka ka qaxaya guryahooda kuwaas aan haysan ama aan ogeyn meel ay tagaan,waxaana da,aya roob aad u badan oo mahiigaan ah,watana dhibco waaweyn oo dhirta ito teendhooyinku celin karin.

Baaqyo ayaa Somali meel kasta soo dirayaan in la joojiyo dagaalkan,.

Banaadir Post

banaadirpost@gmail.com

Sheekh C/raxmaan Janaqoow oo difaacay hogaamiye kooxeedyada ka tirsan dawlada, isla markaasna Xassan Daahir iyo Xassan Turki ku tilmaamay kuwo danbi f

Dawlada ku meel gaarka ah ee Soomaaliya ayaa difaacday hogaamiye kooxeedyada ka tirsan baarlamaanka MQ ee Soomalaiya Iyadoo Xubnaha dawladu sheegeen in ay yihiin kuwo ka soo laabtay wixii xumaan ahaa oo hada diyaar u ah in ay wax ka dhisaan dalka.

Wasiirka garsoorka ee Dawlada ku meel gaarka oo maanta ka qaybgalayay Barnaamijka Hadal haynta Todobaadka ayaa sheegay in xilligaan aanay jirin wax la yiraa Hogaamiye kooxeed iskiis u qaata amar ama hawlgaliya maleeshiyo balse ay jiraan rag ka tirsanaan jiray hogaamiye kooxeedyadii oo hada fahmay danta dalka, dadka iyo dowladnimada waxa ay tahay.

Sheekh Janaqoow ayaa tusaale u soo qaatay Khaalid Binu waliid oo uu sheegay in

uu ahaa hogaamiye dhibaato badan u gaystay Asxaabtii kana qayb qaatay dagaalo badan oo looga soo horjeeday Nabi MUxamad SWC iyo Asxaabtiisii.

Khaalid Binu waliid waxaa uu Markii danbe noqday sarkaal toobadkeenay una adeegay diinta qaatayna awaamiirtii Nabi Muxamad CSW, isagoo markii danbana ka qayb galay dagaalo lagu jabiyay Gaalada iyo kuwii cadawga ku ahaa Islaamka. Ayuu ku dooday Wasiirka garsoorka C/raxmaan Janaqoow.

Waxaa kale oo uu wasiirku sheegay in maanta ay soo baxeen hogaamiye kooxeedyo kale oo badalay Kuwa hada ka tirsan dawlada , waxaana ay ahaayeen Hogaamiye kooxeedyadaani kuwo shalay fiicnaa oo u dagaalamayay Danaha Shacabka balse maanta taa badalkeedii wado wax aan dan u ahayn Shacabka.

Hadii aad Maqli Jirtay Muuse suudi , Qanyare, Maxamad Dheere Waxaa hada aad maqlaysaa Hogsaamiye Kooxeedyo kale oo uu ka xusay Shiikh Xassan Daahir Aweys, Xassan Turki iyo Dr Cumar IImaan. Waana nasiibdaro ayuu yiri janaqoow in maanta loo bixiyo ragii wacnaa shalay magacyo Xun Xun.

Sheekh Cabdiraxmaan Janaqoow oo kamid ahaan jiray Golihii maxkamadaha Islamaka ee uu madaxda ka ahaa Shiikh Shariif, Shiikh Xassan Daahir iyo Dr Cumar IImaana ay ka ahayaeen Gudoomiye iyo gudoomiye kuxigeenka golaha shuurada ayaa sheegay in koox walba oo khilaafta dawlada ama ka soo horjeesata ay Noqonayso Khawaarij Mudan in dagal lagala hortago.

Waxaan ka codsanaynaa shacabka Soomaaliya in ay ka soo qeeb galaal oo ay taageeraan dawlada oo ay iska dhiciyaan kuwa banaystay Dhiiga shacabka Soomaaliyeed ee aad u bixiseen Qaxiyayasha, iyo abaalawayaasha waa sida uu wasiirku hadalka u dhigay.

Banaadir Post
banaadirpost@gmail.com

Wasiirka Gaashaandhiga Soomaaliya: "Dagaalku ma joogsan doono ilaa aan dalka ka xorayno kooxaha ajaaniibta ah ee Banaystay Dhiiga Shacabka Soomaaliye

Prof. Maxamed Cabdi Gaandi Wasiirka Gaashaandhiga Dowlada Faderaalka Soomaaliya ayaa duhurnimadii Maanta shir jaraa’id ku qabtay xarunta Madaxtooyada Soomaaliya isagoo ka hadlayay dagaalada culus ee Muqdisho ku dhexmaraya Ciidamada Dowlada iyo kuwa mucaaradka.

Wasiirku waxaa uu sheegay in Ciidamada Dowladu weerar ku qaadeen kooxaha ka soo horjeeda madaama sida uu sheegay in Dowladu soo dulqaadatay maalmihii la soo dhaafay oo sida uu sheegay iyaga weerar lagu ahaa, wixii hadda ka danbeeyana waxaa uu sheegay inay dowladu qaadi doonto howlgalo ay kooxahaasi kaga saareyso Magaalada oo dhan.
“Weerarka saaka anaga ayaa qaadnay waana mid amaanka Shacabka lagu xaqiijinayo manajoogsan doono dagaalku ilaa iyo inta laga gaarayo hadafka laga leeyahay” ayuu yiri Wasiirka Gaashaandhiga Soomaaliya oo dhanka kale soo hadalqaaday in Dowladu mar kasta diyaaru tahay inay la xaajooto cid kata oo iyaga ka soo horjeeda islamarkaana diyaar u ah inay nabada qaadato.

"Dagaalku ma joogsan doono ilaa aan dalka ka xorayno kooxaha ajaaniibta ah ee Banaystay Dhiiga Shacabka Soomaaliyeed" ayuu yiri Wasiirka Gaashaandhiga Soomaaliya Prof.Maxamed Cabdi Gaandi.

Sidoo kale mar wax laga weydiiyay in ciidamada AMISOM ay saaka gacan siinayeen kuwa dowalada ayuu si degan uga jawaabay in Ciidamada Dowladu u baahneyn ciidamada Midowgha Afrika ayna isku filan yihiin marka la eego dhinacyada ka soo horjeeda.

Waxaa kale oo wasiirku sheegay in dagaalada ka socda Muqdisho ay guulo ka gaareen ciidamadoodu islamarkaana ay ciidamadoodu gaareen gobo kala duwan oo aaney horey u tagin.

Wixii dagaalkaas ka soo baxey waad heli doontaan..
Banaadir Post
banaadirpost@gmail.com
mohamed deeq Xaaji Ali
(Majaango)

Safaaradda Suriya oo isu badashay CABDALLA Shideeyihii suuqa Bakaaraha

Waxaa si aan kala joogsi laheyn xabsiyada ku yaala dalalka Suuriya iyo Turkiga ku xeran Dhalinyaro Soomaaliyeed oo si sharci ah ku soo galay dalka Suuriya, kadibna qaab Tahriib ugu soo ambabaxay dalka Turkiga si ay ugu sii gudbaan dalalka Yurub.

Dhalinyaradaasi ayaa Fiisaha dal ku galka ee Suuriya waxaa ay ka helaan Safaarada Soomaaliya dalka Suuriya oo qaab iib ay ku siiso dhalinyarada dooneysa in ay ku yimaadaan Suuriya, iyagoo siista lacag dhan Shan Kun iyo Shan Boqol lacagta Dollarka Mareykanka, waxaana jira Muqalasiin ay Safaarada xiriir la leedahay kuwaasi oo iib geeya.

Dhalinyaradaasi ayaa mararka qaar la kulma xarig iyo in la dhigo xabsiyada Garoomada Dubai iyo Suuriya, kuwaasi oo aysan Safaarada waxba u qaban, hase ahaatee marka ay soo gaaraan Suuriya ay hadana qaab Tahriib ugu sii gudbisaa dalka Turkiga oo xiligan noqday meel ay maraan Soomaalida u tahriibeysa Yurub.

Safiirka Soomaaliya u fadhiya dalka Suuriya Maxamuud Muuse Taray oo aan qadka isgaarsiinta kula xariirnay ayaa inoo suurageli weyday in aan helno si aan wax ugu weydiino dhibaatooyinka Dhalinyaro Soomaaliyeed oo ku jira xabsiyo ku yaala Xuduuda dalka Suuriya, kuwaasi oo mararka qaar dhacda inn loo tarxiilo dalkooda.

Dhinaca kale dhalinyaro boqolaal gaaraya oo iyagana ku xedhan xabsiyada dalka Turkiga jira kuwaasi oo aysan ka war qabin Safaarada Soomaaliya ee ay ku leedahay dalkaasi, waxaana jirta in Safiirka Soomaaliya ee Turkiga horay loogu eedeeyay in uu sabab u ahaa dhalinyaro Soomaaliyeed oo dalkoodii loo tarxiilay kadib markii ay booqan weyday Safaarada Soomaaliya.

Dowladda Federaalka KMG ayaa markii ugu horeysay shaacisay in deeqaha waxbarasho iyo fursadaha kale ee Soomaalida loogu deeqo in qaab masuq maasuq iyo nin jeclsi loo maamuli jiray, waxayna Dowladda ay meesha ka saartay wixii hada ka danbeeya in aysan dhici doonin arrimahaasi, hadalkani ayaa waxaa jeediyay Wasiirka Tacliinta iyo arrimaha Diinta ee Dowladda Prof. Ibraahim Xasan Caddow oo ka hadlayey deeq waxbarasho oo Dowladda KMG loogu deeqay.

Dalka Soomaaliya oo aan ka jirin dowlad la isku raacsan yahay ayaa waxaa jirta Safaarado ay caalamka ku leeyihiin kuwaasi oo u muuqda kuwo aan madalin dalkoodii marka loo eego qaabka ay howsha u wadaan.

Cali Muxiyaddiin Cali

muxiyaddiin@hotmail.com

Abuu Mansuur oo wareejiyay Xilkii Afhayeennimada Ururka Al-Shabaab

Shiikh Mukhtaar Roobow Cali (Abuu Mansuur) oo shir jaraa’id ku qabtay magaalada Muqdisho ayaa wuxuu shaaca ka qaaday in uu iska casilay xilkii Afhayeennimada Al-Shabaab.

Abuu Mansuur waxaa uu sheegay in uu Afhayeennimada Ururka Al-Shabaab ku wareejiyay Shiikh Cali Maxamuud Raage (Shiikh Cali Dheere) oo Gobollada Dhexe u qaabilsanaa Ururka Al-Shabaab, kaasi oo dhinac fadhiyay Abuu Mansuur markii uu xil-wareejinta sameynayay.

Abuu Mansuur oo ka hadlay munaasabaddii uu xilka ku wareejiyay ayaa wuxuu sheegay in uu muddo soo ahaa Afhayeenka Al-Shabaab, howl badanna uu soo qabtay, haatanna uu ku faraxsan yahay in uu xilkaas ku wareejiyo Shiikh Cali Dheere.

Shiikh Cali Dheere oo isna ka hadlay munaasabadda xil-wareejinta ayaa sheegay in lagu wareejiyay xil culus, wuxuuna tilmaamay in Abuu Mansuur oo soo ahaa Afhayeenkii hore iyo isagoo ah Afhayeenka cusub ay wada shaqeyn doonaan.

Munaasabadda uu Abuu Mansuur xilka ku wareejiyay labada mas’uulba kuma aysan soo hadal qaadin sababta keentay in Abuu Mansuur uu wareejiyo xilkii Afhayeennimada Ururka Al-Shabaab.

Banaadir Post
Moqdisho.
Somalia,

RA'IISAL WASAARAHA SOOMAALIYA: “Habka kaliya ee aan isku fahmi karno kooxaha naga soo horjeeda waa dagaal, waana u diyaargarownay in aan sifeyno”

Ra’iisal Wasaaraha Soomaaliya Cumar C/rashiid Cali Sharma-arke ayaa sheegay in ay yar tahay rajada ay ka qabaan in ay wada hadallo dhexmaraan kooxaha ka soo horjeeda wuxuuna taasi ku sababeeyay in aySAN kooxahaas lahayn ujeedo siyaasadeed, marka laga reebo in ay doonayaan in ay ku dhuntaan Soomaaliya.

Ra’iisal Wasaare Cumar C/rashiid waxaa uu tilmaamay in markii la soo magacaabay uu rajeynayay in uu wada hadallo u isticmaalo soo af-jaridda colaadda ka taagan Soomaaliya mudada 20-ka sano ku dhow, laakin waxaa uu sheegay in kooxo Islaamiyiin mayal adag oo uu maamulka Washington ku daray liiska argagixisada iyo dagaalyahanno shisheeye ah oo la jira ay doonayaan in ay dalka Soomaaliya fowdo ka dhigaan.

“Uma maleynayo in ay kooxahan ka soo horjeeda Dowladda ay leeyihiin ujeeddo siyaasaded. Waxaan rumeysanahay in dagaalyahannadan shisheeye ay doonayaan in ay Dalka Soomaaliya ka dhigaan mid fowdo ah, kadibna ay ka dhigtaan meel ay ku nabadgalaan.”

ayuu yiri Ra’iisal Wasaare Cumar C/rashiid Cali Sharma-arke.

Ra’iisal Wasaaraha Soomaaliya waxaa uu intaas ku daray in aysan jirin fursad ay kooxaha ka soo horjeeda kula fariisan karaan, kulana hadli karaan,

“habka kaliya ee aan isku fahmi karno kooxaha naga soo horjeeda waa dagaal, waana u diyaargarownay in aan sifeyno”ayuu yiri Ra’iisal Wasaare Cumar C/rashiid.

Ra’iisal Wasaare Cumar C/rashiid Cali Sharma-arke waxaa uu ka hadlay qabsashadii Al-Shabaab ee Magaalada Jowhar, wuxuuna sheegay in aysan Xoogaggaas qabsan karin magaalo ka mid ah Soomaaliya, “Shabaab iyo dagaalyahannadooda weligood wax ma xukumi doonaan, wey tegi karaan magalo, wey ku qaadi karaan dagaal ku-dhufo-oo ka-dhaqaaq ah, wey burburin karaan, weyna argagax gelin karaan dadka, laakin wax ma maamuli karaan”ayuu yiri Ra’iisal Wasaaraha Soomaaliya oo u warramayay Wakaaladda Wararka Reuters.

Ra’iisal Wasaare Sharma-arke waxaa uu dhanka kale eedeyn u jeediyay Dowladda Eritrea oo uu sheegay in ay hubeyneyso kooxaha ka soo horjeeda Dowladda Soomaaliya, wuxuuna farta ku fiiqay in ay arrintaas caddeyn u hayaan,

“Waxaan heynaa daliil cad oo ku saabsan in Dowladda Eritrea ay hubeyneyso kooxaha ka soo horjeeda dowladda, duulimaadyo hub wada oo dhankeeda ka yimid ayaa Soomaaliya yimid”ayuu yiri Ra’iisal Wasaare Cumar C/rashiid Cali Sharma-arke.

Ugu dambeyntiina, Qaramada Midoobay ayaa waxay sheegtay in boqolaal dagaalyahanno shisheeye ah oo ka kala yimid Afrika, Aasiya iyo meelo kale oo caalamka ah ay ku sugan yihiin Soomaaliya, waxayna taasi dalalka deriska la ah Soomaaliya iyo Ciidamada Ammaanka ee reer galbeedka ay ku abuurtay cabsi ah in dalka Soomaaliya uu noqon karo meel saldhig u noqota maleeshiyooyin Islaamiyiin ah oo xiriir la leh Al-Qaacidda.

Banaadir Post..
banaadirpost@gmail.com

DR ULUSOW CEEL BIYO DHANAAN CABIS MALAHA

ASC/W/WB Marka hore Waxaan salaamayaa walaalkey DR M/M/ULUSOW Iyo Aqistayaasha Qiimaha leh.

Ilaahay subxaanahu watacaalaa waxaa uu Quraankiisa kariimka ah ku yiri QUL HAL YASTAWI LADIINA YACLAMUUNA WALADIINA LAA YACLAMUUNA INAMAA YATADAKARU ULUL ALBAAB, waa sax qof cilmi ALLA siiyay iyo qof aan cilmi laheen masina,Hadii nin aqoon leh iyo mid aan aqoon laheenba uu midkooda danbi sameeyo waxaa dhib badan kan cilmiga ALLA siiyay. Mudane DR/ULUSOW waxaa uu ka mid yahay kuwa nasiibka Alla usiiyay in ay Aqoonta Helaan waxaa usii dheer 1-MUSLINIMO

2- SOMALIMO

3- MADAXNIMO I,W,M

DR/ULUSOW waxaa uu soo haayey xilal ubadnaa Bagigii dhexe ee somaaliya dowladihii isaga danbeeyay ee somaaliya ilaa Tii ugu danbeeysay intuba waxaa uu kahayay xil adag ee xagga maaliyadda ah.

Dagaaladii sokeeya markii ay dhaceena kadib waxaa loo caleemo saarey in uu madax ka noqdo hogaanka sare ee siyaasada beesha CEYR/HABARGIDIR. Madaama uu Mudane DR ULUSOW ilaahay isugu daray AQOON/MUSLINO/SOMALINIMO/ MADXNIMO intaan oo nimco alla siiyay ma uga faaiideeyay Naftiisa, Dadkiisa iyo Dalkiisa somaliyeedna,aan dib u fiirino sida Mudane DR Ulusow wax u maareeyay ama sida uu u isticmaalay nimcaadkii alla siiyay .

MUSLINIMO - MUSLINIMADA waxay ka mid tahay nimcaadka alla adoomadiisa siiyo waana mid lagaa rabo in aad kasoo baxado wixii Alla kaaga dhigay muslin, Mudane ULUSOW waxa uu kamid yahay kuwa nimcadkaas alla siiyay waa nin muslin ah oo oo laga rabo inuu oogaado xaqiimuslimiinta somaliya iyo xaqii musulimiinta kale ee dunida dacaladeeda ku nool ,su'aashu waxay tahay mudane Ulusow malaga helay xaqii muslimiintu ku laheed waa su'aal????? Jawaabta walaalkeena maalina isagoo muslinimo uhadlaayo ama muslimiinta aduunka dhibka heeysto isagoo ka hadlaayo ama muslinka somaaliya maalina ma aan arkin mana aan maqal isagoo xitaa Idaacadaha ama joornaalada ama meel fagaaro ah isagoo kaga hadalaayo arimaha islaamka lama haayo marka walaalkeena xaqii muslinimada aan ku laheen sina ugama soo bixin waa xaq kutaagan ilaa iyo maanta oo ubaahan inuu guto.

SOMALINIMO Walaalkeena waxaa uu ka soo jeedaa SOMALI waxaana umadda somaliyeed kasugaysay in ay soomaalino kamuuqato madaama uu aqoon alla siiyay walaakeena soomalinmo iska daaye waxaa ka muGan weyday HAWIYE NIMO, ka sii tag HIRAABNIMO, kasii tag HABRGIDIRMIMO, waxaa uu hoos ugu Noqday CEYR walaakeena waxaan uga fadhinaa inuu somaalinimo kasoo dhalaalo oo uu kasoo baxo meesha hoose ee aan nafta laheen ee aan u qalmin ee uu ku jiro MADAXNIMO A- Madaxtinimo waa tii aqoonta uu ku helay taas oo ah tan uu kasoo qabtay Bangigii dhexe ee somaliya waxaa laga hayaa oo kaliya inuu laba Guri ka dhistay xamar iyo xoogaa sanuud ugu jirto ganacsi kafuran keenya nayroobi intaas mahan wax dhaafsiisan lagama haayo wax uu wadanka iyo dadka uqabto iska daayee.

B- Madaxa siyaasada beesha Ceyr Tan waa tii beesha siyaasad ahaan ugu dhiibatey ee looga fadhiyay inuu beesha kaga saaro dhibka ay ku jirtay waxaan wada xasuusanaa beesha Ceyr waxay kasoo qayb gashay dagaaladii ugu badnaa ee Gayigeena ka dhaco SIDA:-

Hawiye VS Darood,

Abgaal VS Habrgidir

Murusade VS Habargidir

Xawaadle VS Habargidir

Raxanweyn VS Habargidir

SHikhaal VS Ceyr

Dir VS Ceyr

Biyamaal VS Ceyr

Maxkamadah VS Aragagixiso

ladirir Sacad VS Cey

rMaxakamadah VS Amxaar

Dowlada SHariifka VS Xisbul Islaam

Iyo dagaalo kale oo faro badan waxay aheyd xooga ugu weyn ee dagaaladaas gacanta ku haayey waxayna soo gashay dagaalo aan dhamaad laheyn guulna laga gaarin isagoo walaalkeen beesha intuu haayey ay noqotay mida ugu dhiig daadinta badan dhiigeedana ahaa midka ugu qiimaha yar.

walaalkeena xilkaan intuu haayey waxaa uu kaqayb galay shirar badan oo lagu kala qabtey meelo kala duwan shirar kaan kuwana isaga ayaa soo qaban qaabiyay iyo kuwana siyaasiyiinta beesha ay soo qaban qaabiyeen iyo kuwa qayqablayaash beesha ayaa soo diyaariyeen intuba waa uu kaqayb galay waxayna kala ahayeeh sidana hoose

1- 17 shir oo lagu qabtay guriga DR/ULUSOW MUQDISHO

2- 9 shir oo lagu qabtey guriga DR/A/QASIM MUQDISHO

3- 2 shir oo lagu qabtey beerta xassan dhinbil Afgooye

4- 3 shiir hoteel shamo MUQDISHO

5- 4 shir hotel Nabada MUQISHO

6- 2 shir guriga DEYLAAF MUQISHO

7- 1 shir guriga reer Caruush MARKO guri kuyaalo xaafada sheekh abroone

8- 1 shir guriga DR Abdi QASIM BARAWE

9 1 shir guriga DHuxulow BARWE guri doqladii hore leedahay

10- 1 shir guri INdhacade MARKO guri xaruntii hore ciidanka guul wadayaasha

11- 2 shir SAFARADA USA NAYROBI KEYNA

12- 1 shir hotel BARAKAT NAYROBI KENYA

13- 1-shir xafiiska siyaasad itoobiya ADISABA ETHIOPIA

14- 1 shir iskuul kuyaalo Adisaba oo uu mamulo nin ay qaarbo yihiin ADISABABA beesha waxay dhaxal uheshay geeri joogto ah dagaal aan dhamaad laheyn cadowtinimo loo qaadey oo ah soomali oo dhan kasoo biloow walaalaha Sacad,Salaybaan, iyo walaalaha hiraab oo dhan marka beesha waxay noqotay mid xaqeeda ku raadiso Qori waxayna noqotay mid wakiil ka ah umadda somaali oo dhan iyadoo beesha hada umuuqato inay islaamka hada aragtey ama islaamka ay walkiil gaar ah ka tahay iyadoo beesha ay mar walbo ku hadashao inay wakiil ka tahay wadanka oo dhan marka siyaasada walaakey waa tan beesha qiimaha leh gelisay jahawareerkaan aan laga dhamaankarin iyo murugadaan joogatada ah oo ay kula joogto somaalida kale wiilasha ku dhinatay aan tiradooda lasoo koobi karin inta walaakeena uu siyaasada haayey aad ayay umadda soomaliyeed uga xuntahay sida miirla'aanta ee wiilasha beesha ceyr dabka loo saarto.

Mudane ulusow waxaa uu ku mashquulay qormooyin iyo eedeeymo uu ku soo qoro websidyada somalida waxaad mararka qaar aad arkeysaa isagoo websaadyadii shalay uu wax ku soo qoray eedaeynaayo ee uu dhahaayo waa wiilal yar yar oo been iga sheegay waxaa uu eedeentiisa inta badan usoo jeediyaa websidka Waagacusub iyo daynile IWM .

TALLO Xaalada xamar sadexdii maalmood ee ugu danbeeysay waxaad aragtaa jahawareerka beeshu gashay iyo meel maanta loo tiriyo umadiina idinku wareertay adigana wareertay,Walaakey waxaan kula talinayaa somaliya waxay tiraahdaa hadii lug hore ay lug danbo dhaafto waa ay jabtaa yacni waxaan ulla jedaa somali waa in istaqaano waxaan xasuusanaa laga soo bilaabo xukuumadii Aadan Cade ilaa tii ugu danbeeysay ee Siyaad Bare waxaa beelaha Hawiye wax laga weydiinjiray yacni maamuli jiray oo loo yaqaanay oo looga danbeeayay talada Hawiyaha xamar waxaa lagala tashan jiray, beesha SACAD, beesha Waceesle, beesha Murusade ,walaakey xoog caqli mahaan ee talada beesha waxaad Geed hoostiisa in aad tagto waxaad uyeertaa odayaashii ku dhaqi jiray beeshana dhaqi jirey nin la dhaqi jiray inuu wax dhaqo waa dhibaatada nawada heeysato qaasatan beesha qiimaha leh ee Ceyr odayaashii Hawiye dhaqi jiray waad taqnaa in walaalkeen in aan usheego uma baahno lakiin waa xasuusinaynaa ee talada dib ugu celi sadexaas qollo ee HAWIYE dhaqi jirey.

2- Dadka walaalaha aad malinwalbo dagaalka iyo xooga aad la dabo joogto ka jooji

3-dagaal xal mahan ee xisaab kale keen

4-beesha agoon(yatiiman)intaan ayaa ugu filan ee agoon kale ha raadinin

5-qormooyinka aad qoreeyso ha noqdaan mid dadkaada iyo dalkaada wax tarto ee yaysan noqonin mid dagaalka qalin ah GABABO IYO XASUUSIN Waxaan xasuusinayaa walaalkeey somaliya waxay wax ku qaybsan kartaa labo weji oo kaliya oo ah

1 QABIIL OO AH-NIN WALBO GURIGAADA IYO GOOFKAADA qolo walbo waa loo ogyahay deegaankeeda deegaan xoog lagu xalaaleysan karo ma filaayo inuu jiro waxaa aduunka daasan SOOHDIMIHII gumaysiga umada deegaanka ugu kala qaybiyay oo aad meel walboo aduunka aad ka heli kartid

2- SIYAASAD oo ah intii isku fikir ah inay is raacaan marka walaal beesha ilaahay waxaa uu qayb kasiiyay dhulka soomaliya waxayna ka mid tahay qabiilada soomliya oo sina wax uwaayi meeyso iyadoon dhiig daadin keedana la daadin qori caaradiisana aysan wax ku raadinin...

CILIMGA AAN ANFACA LAHEEN WAXAA UU LAMIDYAHAY CEEL BIYO DHANAAN, CEELKA BIYAHA DHANAAN WAXAA UU WATAA MAGACA CEEL LAKIIN BIYIHIISU WAA BIYO AAN CABISKU QU MANEEN DR WAXA DHINACA AQOONTA KA MDIYAHAY AQOONYAHANADA BALSE DHINACA FAA IDAYSIGA WAA SIDA CEELKAAS DHANAANKA AH EE AAN CABISTA LAHEEN CULUSOOW CEEL BIYO DHANAAN AAN CABIS LAHEEN .....

wabilaahi towfiiq

adkeeste@hotmail.com

Wasiirrada IGAD oo sheegay in la cunoqabteynayo Mucaaradka iyo Eritrea,

Wasiirrada arrimaha dibadda ee IGAD oo kulan deg-deg ah shalay ku yeeshay Magaalada Addis Ababa ee dalka Ethiopia ayaa shirkooda kasoo saaray qodobo ay ka mid yihiin in la cunoqabateeyo Mucaaradka Somalia iyo Eritrea.

Shirkan oo ahaa mid si kaddis ah ku dhacay ayaa waxay isku raaceen wasiirrada lixda wadan ee uu ka kooban yahay in la xiro dhamaan garoommada iyo dekedaha ku yaalla deegaannada ay gacanta ku hayaan mucaaradka sida Al-shabaab iyo Xisbul Islaam.

Waa in qodobbadan aan dib loo dhigin, sidoo kalena caalamka uu sida ugu dhaqsiyaha badan gacan ku siiyo xukuumadda Somalia si ay uga hortagto mucaaradka dagaalka kala horjeeda" ayuu yiri Seyoum Mesfin oo shirka gudoominayay.

Moses Wantengula oo ah wasiirka arrimaha dibadda ee Kenya ayaa isaguna wariyeyaasha u sheegay shirkaas kaddib in dalkiisu uu noqon doono kan ugu badan ee lagu baaro diyaaradaha aadaya Somalia.

Diyaaradaha gargaarka ee u socda Somalia ayaa la sheegay inay tahay inay ogolaasho weydiistaan xukuumadda Sheekh Shariif, iyadoo sidoo kalena la sheegay in cunnoqabteyn la saarayo Eritrea oo lagu eedeeyay inay kaalmeyso mucaaradka.

Wasiirrada Maaliyadda iyo Amaanka Qaranka Somalia ayaa shirkaas ka qaybgalay, waxaana Eritrea oo ka hadashay eedeyntaas ay sheegtay inaysan aqoonsanayn dowlad ka jirta Somalia, sidoo kalena aysan gacan siin kooxaha mucaaradka ah.

Afhayeenka Dowladda C/qaadir Walaayo "Dowladda waxay aad uu soo dhowanaysaa go’aanka ay soo saartay IGAD…”

C/qaadir Walaayo oo ah Afhayeenka Dowladda KMG ah ee uu Hogaamiyo Madaxweyne Sheekh Shariif Sheikh Axmed, ayaa waxaa uu sheegay in ay aad ugu farxeen go’aanka ay gaareen Wasiirada Arrimaha Dibadda ee Dowladaha IGAD, islamarkaana ay soo dhaweynayaan Go’aankaasi.
‘’Dowladda waxay aad uu soo dhowanaysa go’aankaas waxayna naga caawin doonta sidii aan Kooxaha Qaska wada uga hortagi lahayn maadama labadaas meel ay hub uga soo geli jirtay,waxayna sidoo kale noo fududayn doonta dib uu soo celinta amaanka guud ee dalka." Ayuu yiri Afhayeenka Dowladda KMG ah.
Waxaa sidoo kale la weydiiyayay siduu uu arko eedeymaha loo soo jeediyey Dowladda Eriteria oo ah in ay taageerto Kooxaha Islaamiyinta ayna hub iyo dhaqaale ku taagaeerta,waxaa uu ku jawaabay.
Sidoo kale wuxuu C/qaadir Walaayo Afhayeenka Dowladda KMG ah waxa uu yiri "Waa wax xaqiiq ah, Wasiirka Amniga Qaranka waxaa uu asbuuci aan soo dhaafnay warkaas xaqiijiyey una sheegay in Dowladda Wadanka Soomaaliya arintaas Cadeymo uu hayso,sidoo kale Dowladda Wadanka Eritrea waxay si bareer ah u sheegtay in wax Dowlad ah aysan ka jirin Wadanka Soomaaliya’’.

C/qaadir Walaayo waxaa uu sheegay in Dowladda Soomaaliya ay uu qorshaysantahay in dalka ay dib ugu soo dabaasho Nabaglayo iyo kala dambayn waarta Soomaaliya ka dib 18-sano uu Wadanka ay ka socdeen Dagaalo sokeeye.

Banaadir Post

Moqdisho.

Golaha Wasiirada oo badankooda lagu eedaynayo iney yihiin dad labada garab ee dagaalamaya u shaqeeya ( double agent)

Heshiiskii Jabuuti iyo isku dhafka labadii garab ee dowladii KMG iyo isbahaysiga Maxkamadaha garabkii Jabuuti ayaa waxaa ka soo dhashay dowlad isku dhaf ah oo matasha shacabka Soomaliyeed.

Golayasha Barlamanka iyo Wasiirada ayaa waxaa lagu dhaliilayaa in aaney matalin cidna waxna aaney ka qaban karin kuraasta qabiilka ay ku soo qaybsadeen, waxaa kaloo soo baxaysa in aay kala firxadeen oo ay dibedaha u wada baxsadeen, kadib markii ay dagaalada qarxeen.

Xagay ku dambeeyeen R/wasaare ku xigeenadii, wasiiradii , xiligan looga fadhiyay shirarka aan kala go'a lahayn iyo bad badinta qaranka.

Sidii ay u bilowdeen dagaalada haatan ka aloosan Muqdisho ayaa waxaa si toos ah hakad u galay schooladii , Jaamacadihii iyo Dugsiyada Quraanka nabadgelyo xumo owgeed.

Waxaa dhacdo naxdin leh ku noqotay ardaydaa Sc
hool la'aanta noqday , kadib markii uu wasiirkii Tacliinta iyo waxbarashada aysan ka hadlaynin , dhibaatada haysata ardaydaa iyo imtixaanaadka seegay ardayda , maadama xiligii imtixaadka ay bilowga yihiin iyo iyagoo ka hadlaya " isdaba marin lagu sameeyay schollarship ama boorsooyin dibedaha oo lagu takrifay.

Shacabka Muqdisho ayaa weli si weyn u xusuusta Wasiiradii naftii hurayaasha ahaa ee dalka kasifeeyay cadowga iyo huwanta iska soo kala bahaystay ilaa bariga fog iyo Bariga dhexe, wasiirada xusida mudan uu ugu horeeyo .

Wasiirkii Gaashandhiga Mudane Salad Cali Jeelle, wasiirkii Arimaha Gudaha Mudane Maxamud Gulled "Gacmo-dheere".

62 Wasiir iyo wasiir ku xigeeno ayaa waxaa dalka gudihiisa kaga sugan 12 wasiir oo keliya, iyadoo inta kale aysan wax shaqo aanan la aqoon ama mira dhal lahayn dibeddaha ugu maqan.

Xabada waa iney ugu horeeyan wasiirada, halka ay ka doonayaan iney faa'idada dowlada ugu horeeyan,, sidaa waxaa yiri Hooyo Fadumo Cali oo ku sugan xeryaha qaxootiga Ceelasha.

Shacabka Soomaaliyeed ee aanan marna la maqal codkooda ayaa haatan ka codsanaya R/wasaare Cumar Cabdi-Rashid iyo Madaxweyne Shiikh Shariif inay xilalka ka qaado wasiiradan double Agents- ka ah ee hoosta kala jira Mucaaradka wararkana dowladana ugudbiya ururada samafalada.

Gudoomiyaha Jaaliyadaha Qurbajoogta waqooyiga America;

Caaqil Caraale A. Warsame { Carshaan)

Cumar C/rashiid "Wada hadal xilligan lala geli karo Mucaaradka ma jirto, habka kaliya ee lagula dhaqmi karo waa in lala dagaalamo"

Ra'iisul Wasaare Cumar C/rashiid Cali Sharmaarke ayaa quus ka muujiyay wada hadal ay xilligan Dowladdiisa la gasho Kooxaha Mucaaradka ee ka soo horjeeda Dowladdiisa, isagoona tilmaamay in aanay wadan ajnade siyaasadeed oo dhameystiran.

Isagoo wareysi siinayay Wakaalada Wararka ee Reuters ayuu sheegay Dr. Cumar C/rashiid Cali Sharmaarke in aanu rajo ka qaban wada hadalo ay xilligan la galaan Mucaaradka Hubeysan ee ka soo horjeeda Dowladdiisa.

"Uma maleynayo inay ajande siyaasadeed wataan Kooxaha Mucaaradka, waxaana aaminsanahay inay ka buuxaan dagaalyahano ajaaniib oo dalka ka wada qalalaaso"

ayuu yiri Ra'iisul Wasaare Cumar C/rashiid Cali Sharmaarke oo intaa ku daray in markii la soo magacaabay uu aamisanaa inuu wada hadal la geli karo Mucaaradka, balse haatan aanay jirin wax wada hadal ah oo lala geli karo Mucaaradka ka soo horjeeda.

Ra'iisul Wasaare Cumar C/rashiid ayaa cadeeyay in aysan jirin fursad lagula fariisan karo kooxaha Mucaaradka oo wada hadal lagula geli karon, isagoona tilmaamay in aanay aheyn dad lala hadli karo sida uu hadalka u dhigay

"Habka kaliya ee lagula dhaqmi karo waxaa ay tahay in lala dagaalamo taasoo ah waxa ay fahmayaan waxaana u diyaarsanayahay in aan cirib tirno"

ayuu yiri Ra'iisul Wasaare Cumar C/rashiid.Waxaa uu sheegay in xilligan Mucaaradka ay ka bar bar dagaalamayaan dagaalyahano ajaaniib, isagoona sidoo kale tilmaamay in Ciidamada Dowladda ay ku raad joogaan ilaa 300 oo dagaalyahano ajaaniib ah, kuwaasoo uu sheegay in Ururka Alshabaab ay ka bar bar dagaalamayaan sida uu hadalka u dhigay.

Waxaa uu yiri Ururka Alshabaab iyo dagaaliyahanadooda la socda marna hab dowladeed ma fahmi karaan, waxaana dhici karta in magaalo ay tagaan oo ay qabsadaan hadana ay ka tagaan marka ay bur buriyaan kadibna dadka ay argagixiyaan sida u hadalka u dhigay laakiin dadkaani malahan ayuu yiri awood ay ku maalulaan iyo wax ay ku fahmi karaan muuqaal dowladeed.

Hadalkan ayaa noqonaya kii ugu horeeyay ee Ra'iisul wasaare Cumar C/rashiid si adag ugu weeraro Kooxaha Mucaaradka ku ah Dowladdiisa, waxaana uu noqonayaa Mas'uulkii labaad oo ka tirsan madaxda Dowladda oo cadeeyay in Kooxaha dowladiisa ka soo horjeedaan ay ka bar bar dagaalamaan dagaalyahano shisheeye.

Banaadir Post
Moqdisho..

Dawlada Somalia iyo ururka xisbul islaam garabka Indhacade oo maanta shir wada ku yeeshay madaxtooyada

Raisal wasaaraha dawladda Federaalka KMG ee Soomaaliya, Mudane Dr. Omar Abdurashid Ali Sharmarke ayaa maanta Xafiiskiisa kula kulmay guddoomiyaha ururka Xisbul Islaam, Sheikh Maxamed Xasan Cameey iyo Jaale Yuusuf Indhacade iyadoo kulankaasi uu qayb ka yahay barnaamijka dib-u-heshiisiinta ee dawlddu u soo bandhigtay mucaaradka iyo dadka kale ee ka soo horjeeda.

Dawladda KMG ee Federaalka Soomaaliya iyo ururka Xisbul Islaam waxay ku heshiiyeen inay Xisbigu ku biiro dawladda bacdamaa dawladda ay qaaday ku dhaqanka Shareecada Islmaaka.

Shirka waxaa ka qayb galay xubno ka kala tirsasn Golaha Wasiirada ee Xukuumada iyo Ururka Xisbul Islaam oo uu ka mid ahaa Sheikh Yuusuf Maxamed Siyaad “Indhacadde”Afhayeenka dowladda .Dhinaca kale dawlada waxaa kulankaa uga qeybgalay wasiiro ay ka mid ahaayeen wasiirka iskaashiga caalamiga , iyo waxbarashada .

Banaadir Post

Xamar cade