GUDDOOMIYAHA DEGMADA BOONDHEERE: “Maxamed Dheere iyo Ciidamadiisa ayaa gurigeyga soo weeraray waxayna ka qaateen Bastoolad aan isku ilaalinayay iyo La

Guddoomiyaha degmada Boondheere oo ku eedeeyay Maxamed Dheere inuu soo weeraray Gurigiisa, islamarkaana ay ciidamadiisa lacago ka qaateen halkasi.l

Guddoomiyaha degmada Boondheere C/laahi xirsi wardheere (Istakiin) ayaa shaaca ka qaaday in ciidamo uu wato Gudoomiyaha Gobolka Banaadir Maxamed Cumar Xabeeb (Maxamed Dheere) ayWeerar ku soo qaadeen Gurigiisa, wuxuuna sheegay inay wax u dhibeen Gabar u shaqeysa isaga iyo xaaskiisa, isagoo xusay inay alaabo iyo lacago ka qaateen Gurigiisa.

"Maxamed Dheere ayaa la socday Markii ay ciidamadiisu soo weerarayeen Gurigayga, mana garanaayo sababta keentay inay ciidamadaasi oo uu la socdo Gudoomiyaha Gobolka u weeraraeen Gurigayga oo ay u jebiyeen albaabka Gurigayga" ayuu yiri Gudoomiyaha Degmada Boondheere.C/laahi xirsi wardheere (Istakiin).

Gudoomiyaha degmada Boondheere waxa uu sheegay in sababta uu Gudoomiyaha Gobolka Banaadir u soo weeraray gurigiisa ay tahay in ay qabteen qaar ka mid ah Ciidamada Ilaalada u ah Maxmed Dheere oo dhac ka geysanaaya Degmadooda, kuwaasi oo uu sheegay inay haatan ku jiraan xabsiga Degmada Boondheere.

"Waxaa shacabka naga saran Xil weyn, kaas oo ah inaan ka difaacno Burcadda wadata Dharka ciidanka ee gacma gacmaysanaaya Shacabka, waana u sheegnay inaan ciidamadaasi qabanay Maxamed Dheere" ayuu yiri C/laahi xirsi wardheere (Istakiin) Gudoomiyaha Degmada Boondheere oo sheegay Sidoo kale Gudoomiyaha Degmada Boondheere waxa uu sheegay in Gudoomiyaha Gobolka Banaadir uu u tagay isaga, islamarkaana weydiiyay sababta uu gurigiisa u weeraray iyo inuu ku qaldamoomay, wuxuuna igu yiri, "Waxaa la sheegay in gurigaan bambooyinka iyo waxyaabaha Qarxa lagu sameeyo, sidaasi ayaana loo weeraray".

"Waxaa wax lala yaabo ah in anigoo gudoomiye ah uu sidaasi igu yiraahdo" ayuu yiri Gudoomiyaha Degmada Boondheere C/laahi xirsi wardheere (Istakiin), wuxuuna sheegay inuu wergeliyay xadgudubka lagula kacay madax fara badan, wuxuuna sheegay in isaga ay doorteen shacabka, iyagana ka qaadi kara xilka Gudoomiyenimada ee Degmada Boondheere.

Ma ahan markii ugu horeysey oo la eedeeyo Mohamed Dheere inow ku takri falo awooda.

Banaadir Post.

Somalia

Haweenka Guryaha ka shaqeeya ee khaliijka oo heerka ugu hooseeya ee Bini"aadanima loola dhaqmo

Warbixin ay soo saartay hay'ada Xuquuqda Aadanaha ee Human Rights Watch ayaa sheegtay in ay gaartay heerkii ugu hooseeyay qaabka loola dhaqmoo haweenka ka shaqeeya guryaha dalalka khaliijka.
haweenkan oo badankoodu ka soo jeedaan wadamada eeshiya, waxaa kaloo aad u jooga dumarka Soomalida ayaa loola dhaqmaa si dadnimada ka baxsan, iyada oo loo gaysto xadgudubyo mararka qaar naftooda halis galiya.

waxa intaas dheer iyada oo aanay jirin qawaaniin ilaalisa xuquuqdooda, ama la xisaabtabta cidii ku
xadgudubta.

garaac, mashaharka oo bilooyin ama sanado laga haysto, kufsi, hadidaad joogto ah ayay la kulmaan haweenkani, waa sida ay sheegtay HRW.

warbixintan oo ka kooban 133 bog ayaa qaadatay ka shaqayteedu labo sano, waxaana ay ka kooban tahay xogo laga soo ururiyay in ka badan 142, oo isagu jia shaqaale, ma'suuliin sacuudi ah, wakiilada shaqaalaha.

1,5 Haween ayaa ka shaqeeya sacuudiga oo kaliya, kuwaas oo u badan indooniisiya, filibiin, bangaladhaysh, iyo Soomalida laakin markii loo kuwa aad u yar,inta badan dumarkaas waa Muslimiin hadana wax xuquuq ah ma laha.

Naxariis carbeed ma jirtaa......

Banaadir Post.

Qarax dad ku dhaawacmeen oo maanta ka dhacay deegaano ka tirsan degmada Afgooye ee gobolka Sh/hoose

Dhaawaca sedaxdaan ruux ayaa timid kadib markii iyagoo ku guda jira caado dhaqameedka loo yaqaan istunka islamarkaan ku mushquulsan cayaaraha kala kadisan ee caado dhaqameedka lagu soo tuuray bam gacmeed taasi oo keentey in sexdaan qof ay dhaawacmaan.

Xaalada mid kamid ah dhaawaca dadkaan aya laga deyrinayaa halka labada kalena la sheegay in yihiin kuwa fudud,waxaana la sheegayaa in halka uu qaraxaas ka dhacey ay tahay tuulo lagu magacaabo jambbaluul oo ka tirsan degmada Afgooye gobolka Sh/hoose.
Maalmihii ugu dambeeyay ayaa waxaa soo baxayey
digniino ka dhan ah caado dhaqameedka istunka oo sanad waliba ka dhaca degmada Afgooye ee gobolka Sh/hoose taasi oo looga digayo dadka isku diyaarinaya caada dhaqameedka in ay faraha kala baxaan,waxaana xalay gudaha magalaada Afgooye lagu daadiyay waraaqo digniina ah taasi oo faraysa in cidii ku xadgudabtaa ay ku qornayd in laga qaadi doono talaabo dil ah.
Lama oga cida sida rasmiga ugu dambaysa bam gacmeedka ay maanta dadku ku dhaawacmeen,waxaana ay sababtay arintaan in ay cabsi wayn soo food saarto dadka ku dhaqan degmada Afgooye maamdaama ay isku diyaarinayeen caado dhaqameedka sanadka 2008.
Xalay ayaa waxaa degmada Afgooye lagu arkayay dad fara badan oo isku diyaarinaya caado dhaqameedka sanad kasta lagu qabta degmada Afgooye balse waxa ay la kulmeen arin aysan fileyn,waana markii ugu horeysey ee weerar nuucani oo kala ah lagu qaado dad isku diyaarinaya istunka caado dhaqameedka oo inta badan lagu qabto degmada Afgooye ee gobolka Sh/hoose...

kuwan dadka inay gumaadaan ma ahan xal kale ma hayaan sow ma ahan, wacdi, wargalin, iyo wax isu sheeg ma ka gaari waayeen,

Ilaahow Wadaad Xume naga qabo, adaaa ku hoos joognaaa.

Tafatiraha Wargeyska

Mohamed Deeq Xaaji.

banaadirpost@gmail.com

Col. Cali Caraaye Gacma Dulle "Kuwa Sheegta Al-Shabaab iyo Maxkamadaha waxaan ka dilnay 21-Ruux, waxaana gaarsiinay jab xoog leh………"

Taliyaha Guutada 5-aad ee ciidanka Dowladda KMG ah Col. Cali Caraaye oo loo yaqaan Gacma –Dulle ayaa saxaafadda uga warbixiyay dagaalkii shalay aroortii hore ku dhexmarayCiidamada Dowladda KMG ah, Ciidamada Itoobiya oo isku dhinac ah iyo Maxkamadaha Islmaaka Wadada Warshadaaha.

Taliyaha ayaa shaaca ka qaaday in ciidamadooda ay guulo ka gaareen dagaalkaasi, islamarkaana ay ku furteen hub fara badan, wuxuuna xusay inay kala carareen kooxihii dagaalka ku soo qaadeen.

"Dagaalkaas waxaan kaga dilnay kooxaha sheegta Al-Shabaab ilaa 21-ruux, waxaana ka dhaawacnay 19-kale, Meydadkoodana waxey yaaliin wadooyinka " ayuu yiri Taliyaha Guutada 5-aad ee ciidanka Dowladda KMG ah Col. Cali Caraaye (Gacma –Dulle) oo saxaafadda tusiyay qaar ka mid ah Meydad uu sheegay inay ahaayeen kuwii weerarka soo qaaday.

Talyuhu waxa uu soo bandhigay Hub uu sheegay inay ka qabsadeen kooxihii soo weeray ciidamada Dowladda kuwaas oo ahaa gaari B-10 ah 4-Ak47-ah iyo Qori BKM ah, raas, gaari noociisu yahay Hoomey laba Qori RPG ah.

"Shacabka waxaan ka difaacaynaa kuwa diin lawayaasha ah, ee caadeystay inay dhibaateeyaan shacabka" ayuu yiri Taliyaha Guutada 5-aad ee ciidanka Dowladda KMG ah Col. Cali Caraaye (Gacma–Dulle)...

Sida cad ama la wada ogyahay jabka maalmahan danbe la soo gudbaanaadey Alshabaab, waxaa keena xaafadaha ay ka dagaal galaan oo inta badan cidlo ah, ama dadkii qarin jirey oo dhulkaas ka guurey inta hartana waa dad aysan isku aaminin karin, ka dib aad loo nacey kuwan arxan darada iyo belaayada la wareegada.

Banaadir Posr

banaadirpost@gmail.com

Xamar Cade.

Afxumaa Indha Cadde see waxka yihiin, Muxuu isticmaalay ....

Waxaa dalka Somalia in mudo ah ka jiray dhibaatooyin amaanka ka dhan ah oo saameyn ku yeeshay boqolaal ka mid ah dadka Somaliyeed.
Dhibaatooyinkaas waxaa ka dambeyay qab qablayaal iyo dagaal ogayaal dalka oo dhan caan ka ah oo umada dhiigoda ku ganacsan jiray kuwaas oo sabab u noqday in tiro fara badan oo dadka ka mid ah ay dhintaan halka qaar kalena ay isaga carareen dalka.
Hadaba iyadoo ay dhibaatadaaas jirtay ayaa hadana waxaa nasiib daro ah in qaar ka mid dhiig cabyadii hoogaamiyayasha kooxaha ahaa ay wali wadaan dhibaataynta bulshada iyagoo magacyo kale oo cusub la baxay.
Waxaa ugu horeeya qaran-diid Yusuf Indha cadde oo isagu ah nin kaalinta koowaad ka galay diidmada nabada iyo dilka rayidka.
Odaygan dhiig cabka ah isla markaana aan wax dan ah ka lahayn dadka Somaliyeed iyo noloshooda ayaa waxa uu xoog ku haystay dhul ay dad masaakiin ah daganyihiin ( SH/hoose) halkaas oo uu dadka ka qaadan jiray baad isagoo wax kale iska daaye xitaa gaaray in uu lacago baad ah ka qaato dadka isticmaalaya biyaha Wabiga Shabeele oo gobalkaas mara taas oo muujinayso in ninkan uu farac ka soo gaaray boobida dadka isla markaana dadka uu ka dhashay ay xoog ku soo gaareen dhulalka hodanka ah ee dalka Somalia ku yaala gaar ahaan gobalada Koofureed halkaas oo ay xoog ku qabsadeen.
Waxaa gobalka Sh/hoose taariikh ahaan u sharciyeeyay xaaraan cunahan Indha Cade in uu gacanta ku dhigo qaran-diidka ay isku haybta yihiin ee Ina Salaad Booy (C/qaasim) oo isagu doonayay in beeshiisa uu u sharciyeeyo dhulalka ay daganyihiin dadka aan dhibaatada looga baran sida gobalada Jubooyinka iyo SH/hoose.
Isaga oo ku caan baxay arimahaas foosha xun ayaa hadana waxa uu ku darsaday in uu ka been sheego diinta Islaamka.
Indha Cadde ma Ahlu Diinbaa mise waa Ahlu dulmi…?/waa arin la is waydinayo oo in badan oo shacabka ka mid ah ay la yaabeen marka ay maqleen Indha-cadde oo magaciisa laga hor marinayo Sheikh taasna waa xeelad ay beeshiisa ku doonayso in ay ku dhaqdo dhibaatada iyo magac xumada bulshada dhexdeeda uu ku leeyahay.
Lakni diinta Islaamka ma ahan mid cid gaar ah ay leedahay waxana qof waliba uu aakhiro la shartagayaa waxii ficil ah oo uu sameeyay qayr iyo shar midi ay noqotaba.
Arinta kale ee la yaabka keenta ayaa ah in ninkan oo la xaqiijiyay in uu isticmaalo qamriga iyo muqaadaraadka noocyada ugu xun uu hadana sheegto in uu diinta u dagaalamayo.
Taas ayaa ah mid dambi wayn ku noqonayso cid waliba oo Muslim ah hadii ay Sheikh ugu Yeerto qamriistahan afka Qurmoon ee Indha-cadde.
“aniga waxaan u heystaa nin hogaamiye kooxeed ah oo dhibaatada dalka ka jirta lug ku leh, dagaaladii dhacayayna ka soo qayb qaatay hadana meesha uu joogo ay geeysay siyaasad iyo xukun jaceyl” sidaana waxaa Yiri G/sare C/llahi Xasan Bariise oo afaheyn u ah ciidamada Boliiska Somaliyeed.

Illahay ha ka raali Noqdee G/sare Bariise oo aan wax ka waydiinaya sida uu u arko INdha-cadde ayaa sidoo kale waxa uu tilmaamay in isagu uu u arkayo nin kaalin wayn ka soo qaatay dhibaataynta umada Somaliyeed.

“waxaan leeyahay waxaad tahay nin oday ah marka ka soo noqo dhibaatada ee qaado dib u heshiisiinta socota” ayuu mar kale hadalkiisa sii daba dhigay G/sare Bariise.

Marka laga soo tago Bariise waxaa fikir sidaas oo kale ah qaba dhamaan siyaasiyiinta iyo inta wax garadka ah ee bulshada ka tirsan oo aan marna qaadan Karin in dilaa wayn oo sida INdha-cadde oo kale ah loogu Yeero Sheikh iyo wadaad diimeed wanaagsan.
Waxaa kaloo hada la cadeeyay in dilalka ka dhacaya magalada Muqdisho iyo duleedkeda ee lala beegsanayo shaqsiyaadka ka tirsan Hay,adaha Sama-falka in uu mas,uul ka yahay qaran-diid Indha-cadde oo doonaya in taas ay keento sharaf tirka Dowlada Somalia.
Ilo ku dhaw qamra-cabkan ayaa inoo sheegay in uu mar kasta yimaado deeganada ku yaala duleedka Muqdisho gaar ahaan deeganka 3 Dishe halkaas oo ah meesha lagu dilay agaasime ku xigeenkii Hay,ada DBG Mr Kheyre isla markana uu Indha-cadde maal galin siiyo kooxo ku howlan dilalka loo gaysanayo dadkan.
Isku soo wada duube waxaan ugu baaqayna Qamar-cabkan lagu Magacaabo Indha-cadde in uusan Afkiisa Qurmoon Eedeyn iyo Aflagaado ugu jeedin Dowlada Somalia iyo mas,uuliyiinta ugu sareeysa uuna ka haro dhibaatada uu umada ku hayo hadii kale wax laga qaban doono sida ugu dhaqsiyaha badan.

Xafiiska wararka wiil waalka abaaqaroow.com

Maxaad ka taqaanaa golaha been abuurka ah ee beelaha Hawiye. qormo muhiim ah oo lagu ifinayo arimo dhowr ah oo ku saabsan golahan.

Sida laga warqabo dalka somalia waxa ka jiray fowdo iyo dagaalo beeleed tan iyo markii ay burburtay xukumadii milatariga, waxana dagaaladaasi ay u dhexeynayaan shacabka somaliyeed ka sokow beelo gaar ah oo iyagu xurguf u dhexeysay.

Marka aan u soo daadagno dagaalada ka jiray magalada Muqdisho oo lagu tiriyo in ay tahay meeshii ugu dagaal badnayd dalka somalia xiliyadii burburka, waxaa ay u dhexeynayeen beelo iyagu ood wadaag ah hadana is qilaafsan.

Beesha hawiye oo lagu sheego in ay ku badan tahay deeganka Muqdisho ayaa ahayd beesha kaliyah ee dhexdeeda isku dagaalaysay magalada caasimada ah ee Muqdisho.

In kastoo beesha hawiye ay dagaalada dhexdeeda ka jireen ayaa hadana waxaa marna meesha ka bixin sharfta iyo midnimada ka dhex jirta beeshan .

Waxaase jiray shaqsiyaad iyo kooxo mar kasta ku gambada magaca hawiye oo ku fuliya dhibaatada dalka ka jirtay kuwaas oo kala qaybsanaanta hawiye u arkayay mid dan gaar ah ay ka helayaan.

Iyadoo aysan dalka ka jirin wax nidaam ah mudo dheer ayaa hadana markii la dhisay dowlada somalidu u dhan tahay waxaa soo baxay koox wali u taagan ka horimaashaha nabada iyagoona ku gambanaya magaca hawiye.

Golaha qaran dumiska ah ee loogu magac daray dhaqanka beesha hawiye, waxa uu wataa magac dhaqan sida ay raga dhisayba sheegeen, hadana waxa uu ku hadlaa afka nabad diidka dalka ku sugan.

Odayaasha bililiqo doonka ah ee horkacaya golahan ayaa tusaale u noqon kara waxa looga dan leeyahay golahan.
Inta aan soo qaadan siyaasadaha dadku ay la yaabeen ee goluhu ku shaqeeynayo waxaan jecelnahay in aan ka hadalno marka hore sida ay beesha hawiye u arkayso golahan.

Waxaan si aan arintan wax uga ogaano la xiriirnay mas,uuliyiin ka tirsan beel waynta Mudulood oo ka mid ah beelaha hoos tago beesha Hawiye.

“mudulood ma ogola in magaciisa lagu dhex arko koox aan rabin danta dalka iyo dadka, waxana u aragnaa kooxdan hawiye sheegatay in ay tahay koox siyaaasdeed oo ka been abuurayso magaca beesha hawiye” sidaas waxaa yiri C/llahi Xasan Afrax oo ka mid ah mas,uuliyiinta ugu sareeysa ee dhaqanka beesha mudulood oo dhowr jeyr warbaahinta la hadlay.

Hadalka Mudane Afrax ILLAHAY HA XAFIDEE ayaa waxa uu ka tarjumayaa in beesha hawiye oo dhan aysan marna ogolayn in magaceeda lagu diido nabada iyo qaranka dalka Somalia.

Hadaba waxaan ogaanay in golahan uu u dhisan yahay dano guracan oo ay wataan shaqsiyaad iyagu aan rabin nabad siyaabo kasta ay u diidaan, waxaana ka mid ah.

Oday Axmed Diiriye oo ku caan baxay bililiqada isla markaana xoog ku haysta hanti dadkii lahaa uu si guracan uga dishay iyo hanti qaran ayaa ah ninka ka dambeeyo dhismaha golahan, waxana uu ka doonayaa in aan la helin dowlada ay somalia yeelato , taas oo uu ka baqayo in ay sharciga la soo tiigsadaan Ehelada dadkii uu dilay ee uu ilaa iyo hada xooga ku dagan yahay guryahoda.

Marka laga soo tago odaygan waxaa kaloo golahan ka mid ah qaran-diid Maxamed Xasan Xaad ,hadaba maxaa ku kalifay Xaad in uu ku biiro golahan…?waa su,aal is waydiin mudan , jawaabta oo sugana waa tan.

Xaad marka hore kama dhalan beelaha lagu tiriyo in aysan rabin nabad somaila, mana ahan shaqsi magac hore wata ama dakano kale galay sida oday Diiriye, lakin waxa uu Xaad wataa dano gaar ah.

Mid ka mid ah dadka ay isku jifada yihiin Xaad ayaan wax ka waydiiyay waxa uu ka yaqaano Odaygan.

“xaad waa nin ku waalan saldanada iyo maamulka, waxa uu waligiis jeclaa in uu mas,uuliyad qabto, hada ka hor markii uu ku biiray golahan ayaan ku iri maxaa kugu kalifay, markaas ayuu igu yiri waxaan rabaa in aan magac iyo mansab ku gaaro” sidaasina waxaa ku jawaabay mid ka mid ah dadka sida wayn u yaqaano Xaad oo aan la sheekeystay.

Marka la eego danta uu leeyahay odaygan Xaad ah ayaa waxa ay tahay mid fudud marka si loo fiirsho, lakin waxaa nasiib daro ah in Mansab iyo Xil raadisnimo loogaga soo horjeesto nabada somalia.

Si kastaba ha ahaate arimahan oo idil ayaa waxa ay dadka tusinayaan in golahan ka been abuuranayo magaca sharafta leh Ee beesha Hawiye uu yahay mid ay wataan rag aan marna dan ka lahayn nabada iyo dowladnimada Somalia, waxana markii la ogaaday arintan ay keentay in tiro ka mid ah xubnihii golahan ay iclaamiyaan in ay isaga baxeen golaha , sidaasina uu shacabka uga soo horjeesto hadalada foosha xun ee ka soo yeera golahan oo ah kuwo ku salaysan kala sooc lagu sameynayo beelaha Somaliyeed ee isku midka ah.

Nin dantiisa gaarka ah

Iyo dowlada nima diid

Dalka waa ka xaaraan

Dadka waa midoobeen

Dantooday yaqaanaan

Duli iyo dambiilana

Daa,in haduu yiraahdo

Sharic baa la deeqsiin

Meel xunbuuna ku dambeyn.

samtarxildiid@hotmail.com

Khilaafkii Isbahaysiga Tuulada Asmara oo lagusoo afjaray in ay nabadda qaataan lana wada taageero keenista ciidamo ka socda Qaramada Midoobay.

Dhawaanahanba waxaa dalka Yemen ka soconayay kulamo lagu dhex dhexaadinayay xubnaha Isbahysiga Asmra oo ku kalatagay barnaamijka nabadeynta soomaaliya kadib markii xubnaha badankood oo uu hogaamiyo Sh Shariif ay qaateen nabad halka 14 xubnood oo uu hogaamiyo Xasan Daahirna ay ku gacan seyreen hanaanka nabadda.

Laakin Madaxweynaha Yemen oo ka mida hogaamiye yaasha Carbeed ee sida aadka ah u daneeya nabad ka dhalata Soomaaliya ayaa sameeyay isku day uu ku guuleystay,waxaana uu wakiilo kala matalaya labada dhinac isugu geeyay Sanca iyadoo maalmo kadibna la isku afgartay halkii loo badnaa in la raaco oo ah in nabada la qaato loona hogaansamo qodobadii lagu gaaray shirkii Jabuuti, inkastoo waxyaabo aan badnayna lagusoo kordhiyay .Waxaa labada dhinac ay isku raaceen in la meel mariyo heshiiskii horay dowladda loola galay,waxaana gabagabadii kulankooda lagu sheegay in la dhisay guddiyada hoos magacyadoodu ku qoran yihiin.

1-Guddi gaar ah oo qaabilsan xiriirka isbahaysiga iyo dowladda Soomaaliya.

2- Guddi u xil saaran ka shaqeynta habkii ciidamo nabad ilaalineed oo qaramada midoobay ka socda loo keeni lahaa Soomaaliya.

3- Guddi arrimaha bini’aadaniamda qaabilsan.

4- Guddiga mideynta Soomaaliya.

5- Guddiga xiriirka caalamiga ah.

6- Guddiga shirka dib u dhiska Soomaaliya.

7- Gudiga diyaarinta dastur cusub oo ay yeelato Soomaaliya.

Dhamaanba qodobadan ayaa waxaa ay yihiin kuwo loo arko in ay qeyb ka qaadanayaan dib u hehsiisiinta ,waxaana sidoo kale ku jira kuwo ka dhan ah Soomaali diidka una daneynaya mideynta soomaaliya,taasi oo meesha ka saareys goosashada

Somaalidiidka.

Waxaa rajo aad u wanaagsan muujiyay raga asalka u ah heshiisyada socda oo kala ah, SHiikh Shariif iyo Sheekh Janaqow.

banaadirpost.gmail.com

Xamar Cade