Search This Blog

Wednesday, September 30, 2009

Wareegii labaad ee Burburka wadaadadda Soomaaliyeed

Ilaahbaa mahad leh, nabadgelyo iyo naxariis nabi Maxamed korkiisa ha ahaato, intaas ka dib. Waxaan qalinka u qaatay inaan wax ka iraahdo arinta ka soo cusboonaatay magaalada ayaanka daran ee Kismaayo, taasoo runtii ah wax laga naxo lagana argagaxo. Sidaan ognahay magaaladaas waxay ku jirtaa magaalooyinka soomaaliya ee dagaalka ahliga ahi baabi’iyey, magaaladaas oo ay isku kala-badeleen jabhaddo badan. Xaalad kasta marka ay taagan tahay baad is leedahay tani waa tii ugu darneyd, walow ay jiri karto in ay harsantahay xaalad ka daran, aniguse maanta waxaan leeyahay tan ku soo wajahan shacabka soomaaliyeed ee degan Kismaayo waa tii ugu darnayd marka laga eego mushkiladdu meeshay ka soo baxayso(source of problem) oo ah meeshii ay xalka ka sugayeen.



Hadaan intaas kaga gudbo horudhac waxaan u arkaa dagaal ka soo cusboonaada kismaayo xiligaan aan joognu waa masiiba hor leh, waa wareegii labaad ee burburka wadaada soomaaliyeed ee godka ugu wada jiray cadowga gaalada, waa ayaan daro saameeynaysa dadka diinta u nasab sheeganaysa. Waxaa yaab leh oo aan ka fikirayey maalmahan oo dhan muxuu yahay waxa lagu dagaal galinayo dhalinyaradda la rabo inay ku dagaalamaan magaaladda, ma waxaa la leeyahay jihaad baad kula jirtaan walaalihiin kale, mise qola kasta waxay leedahay waan is difaacaynaa.

Waxaan ognahay wareegii koowaad ee burburka wadaada waxaa kala baxay Sh Xasan iyo Sh Shariif, waxaa sidoo kale kala raacay taageerayaashii maxkamadaha, waxaana halkaa ka samaysmay labo dhaqdhaqaaq oo siyaasi ah, waxaana ognahay in labada qoloba aysan soo kordhin in ay dhiig daadiyaan, kala qaybiyaan awoodoodii, murugo ku abuuraan muslimiinta, iyo in fuliyaan qorshayaasha gaalada farxad galiyaan gaalada danaha kaleh wadanka.


Waxaase mudan in la sii saadaaliyo maxaa ka dhalan kara wareega labaad, aniga ra’yigayga kooban waxaa ii muuqanaya inay ka dhalan karaa arimo badan oo dhabar jab ku ah wadaada si guud gaar ah inta ku jirta dagaaladda.

1. In Xisbul-islaam iyo Shabaab isku noqdaan cadow

2. In lagu tartamo maamulka magaalooyin ama gobolo aan horay maamulkeeda la iskugu haysan, sida Shabeeladda hoose, Jubaddda dhexe, Bay, Bakool, Mogadishu, iyo kuwa kale oo badan.



3. In cadowgu kala qaybsanaantaas ay albaab u furto, uuna la yimaad strategy cusub si uu uga faa’iidaysto fursada dahabiga ah.

4. In ay soo dadajiso dagaal cadow-gu kus oo qaado Magaalda kismaayo oo ah meel strategy ah.
5. In ay adkaato in lagu dhuunto kaymihii horay loogu dhuuman jiray, maxaa yeelay ragii markii hore is qarin jiray isma qarinayaan maanta.

6. In Dawlada Federaalka ay fursad hesho, una suurtagasho in maamulkeeda ay balaariso.


7. In wadaada dagaalamay uu midma midka kale ku tilaamaamo inuu gaalada qandaraas ka soo qaatay.



8. In Dawlada Kenya iyo Ethopia ay helaan dariiq ay Kismaayo ka soo galeen, oo noqon kara xuduuda Kenya kaasoo awal adkaa markay jirtay Midnimadda wadaada.

9. In shacabku ku celceliyo qab-qable aragnay wadaadna aragnay ilaahbaan leenahay.

10. In xalkii islaamka ah ee mudo badan la dhowrayey ay god ku tuureen, ayna caqabad ku noqdaan dacwadii dadku ajiibay.


Hadaan intaas uga baxo waxyaabo dhowr ah oo aan aan arkayey inay mihiim tahay in lagu baraarugo intaa aan la qaadin talaabo qaldan oo ay dag tahay in dib loo saxo. Waxaan sidoo kale halkaan kus gudbinayaa dhowr qodob oo aan urkayo inay xal tahay.

1. Waa in dagaal laga fogaado


2. Waa in aad mushkiladda ku xalisaan xal islaami ah, waana inaad ogaataan inay aadan kitaabka alle ka waayin xal aad ummadda ka badbaadisaan.

3. Waa in aysan idin la fududaan dhiiga qofka muslimka ah, fahantaana daadintiisu inuu yahay minal-kabaa’ir.

4. Waa in aydan la mid noqan qabqablayaashii, aad umadda uga raaxeeyseen.

5. Waa in aydan cadowga fursad siin.

6. Waa in aad ilaahay ka baqdaan, camalkiinana aydan ku ciyaarin.

7. waa inaad fahantaa maxay umadda Soomaliyeed U baahan tahay.

Waxaan ku soo gabagabaynayaa maqaalkan kooban ee iskuga jira talo iyo tusaaleyn, haddii dagaal dhaco (Ilaahay kama dhigee) waxaa bilaabanaya wareegii 2aad ee burburka wadaadadda dagaalka kula jiray cadowga muslimiinta, waxaana daciifi doona saamaynta wadaadaddu ku yeelan doonaan soomaaliya.


Allaah waxaan ka baryeynaa inuu tubta toosan nagu hagaajiyoWabilaahi al-towfiiq

Eng: Maxamed Xasan Ibrahim

maxamedxasan@yahoo.com

Finland

Jihaadkii iyo Mujaahidkii oo dhanka kale isu rogay by Lugafalaar

Waxaan salaan qiimo badan halkaan ka salaamayaa maamulka iyo akhristayaasha boggan asalama calaykum warraxmatulaah wabarakaatu. Dalka soomaaliya waxaa muddo dheer ka jiray waxa loogu yeeray jihaad iyo ninka fulinaya oo lagu magacaabo mujaahid.


Jihaad waa kan alle uu na faray wax ka soo haraa ma jiraan, kaasina shuruudo iyo tixraac buu leeyahay ,maaha mid lagu danaysto maaha mid lagu aarsado maaaha mid dhul lagu raadiyo maaha mid mansab ama xil lagu doono maaha mid dadka la isku tuso oo magac lagu raadiyo,waa kan kaliya ee lagu difaaco diinta alle iyo dadkiisa islaamka ah.


jihaad waxay soomalidu u aqoonsatay in la laayo qabiil in xukuumada jirta lagula dagaalamo magac qabiil iyo danaysi in gobolo lagu qabsado in lagu xalaalaysto hanti qaran iyo in lagu aarsado.


SSDF, SNM IYO USC waa jabhadihii Soomaaliya dhibkaan u bilaabaye waxay isku magacaabeen mujaahidiin,hadda oo ay ka soo wareegtay 20 sano kudhawaad mid lug go,antahay haddaad la sheekaysato wuxuu ku oranayaa mujaahid baan ahaa dagaalkii noocaas ahaa bay lugtu iiga go,day,Dagaaladii ka dambeeyey ee Hoggaamiye kooxeedyada sidoo kale wuxuu nin walba isu haystaa Geesi soo jihaaday,kan hadda socdana waaba ka daroo dibi dhal oo waaba kiiyoo shaar diimeed la soo gashaday oo weliba aayado quraan ah nin walba uu daliil ka dhiganayo.



Xaaladaha ugu dambeeyey ee Magaalada Kismaayo ka socda waa caddeyn buuxda Axmed madoobe oo ah nin dilaa ah oo weliba maxaabiis dhakhtar ku jirta birta ka aslay ayaa diin wax ku doonaya isagoo wata ciidan gaar ah oo qabiilkiisa ka kooban.



Anigu jihaadka Soomaliya waxaan is leeyahay hadduu bilowday oo dadkii waddaniyadu dhabta ka ahayd baa la wareegaya majaraha islaamiyiinta khaladkoodiina waa la saxayaa,magaca islaamiyiintana waa lagu kala baxayaa xaqa ayaan soo haraya.

Jihaadkii ku wajahnaa dal burburintu wuu soo dhammaanayaa waxaana la bilaabayaa kii dhabta ahaa ee xaqa u hiilinayey,waxaanan is leeyahay Magaalada Kismaayo waa fashiliyaha shaararka diimeed aan ka soo bilaabo xilligii maxkamadaha oo inta Marka iyo Indhacade laga booday loo booday kismaayo iyo Hiiraale,kaasoo dhabar jabkii ugu horreeyey uu ka soo gaaray Maxaakiimtii lixda bilood,waxyaabihii markiiba muujiyeyna ay ugu weynayd Layntii maxaabiista uu Axmed Madoobe laayey,hadda oo ay Magaaladu kaabiga dagaal kale u saarantahayna waa fashil kale oo ay fashilmeen Urruro loo haystay inay yihiin kuwo Diimeed laakiin laablakaca dadku ay la laabkaceen reer hebel ha la laayo mooyee aanayba hoos isaga eegin waxa ay yihiin sida Raaskamboni ama Xisbul Islam.

Mar haddii xaalku halkaa marayo miyaanay kuu muuqan waddani iyo mujaahid waxaa ah ninka aan cidna ku xadgudbin la dulmiyey xaqiina uu ilaah garansiiyey ?miyaanay kii muuqan kii loo samaystay magaca mujaahid oo isagu hadda isu badalay inuu yahay mujaahidka dhabta ah?

Maxamed Siyaad Barre miyaanu ahayn Mujaahid dhab oo loo darsaday dalkana ka hayey xaaraan quutayaal fara badan dalkana miyaanu ka hayn jirin kuwo fara badan oo jecel inay dalka cadow ku soo hoggaamiyaan,miyaa marna la gaarayaa horumarkii uu gaarsiiyey dalka?

Beesha uu ka dhashay Geesigaas waddaniga ah miyaanay ahayn Beel muujisay waddaniyad iyo islaanimo oo iyadoo la dulminaya dulqaadanaysay?haddase miyaanay kuu muuqan xilligii ay Beeshu boorka iska jafi lahayd una istaagi lahayd badbaadada waxa haray dal iyo dadba?




Waxaa ii muuqanaya iftiin cusub oo ay dadkii dalkaan ka naxayey garteen inaan dalkaan loo dhaamin ayna hoggaanka ama jihaad dalka iyo diinta lagu difaacayo ama mid lagu doonayo in la soo celiyo qaranimadii dalka.

jihaadkan cusub wuxuu ka bilowday Magaalada Kismaayo waana lagu kala baxayaa dalkoo idil marka aad eegto hadalada iyo sida wax u socdaan ninkii jihaadba loo samaystay baa jihaadaya maanta, waxayna tusaale u tahay inuu soo dhawyahay waqtigii la kala garana lahaa xumaan iyo samaan,wax walba oo dhacana way caddahay in jihaadka iyo mujaahidka cusubi uu noqon doono badbaadiyaha soomali inta hartay .


wabbilaahi towfiiq

Maxamed Cabdi Shire(lugafalaar)

Xiisadda Kismaayo iyo Xukunka Kitaabka by Abdulkadir Abdi

Magaalada Kismaayo ee gobolka jubadda hoose caasimadda u ah ayaa maalmahani xiisad ka taagan tahay iyadoo saacad kasta cabsi laga qabo inay isku dhacaan ciidamada xisbul islaam iyo kuwa shabaabka oo halkaasi kusoo wada aruuraya.

Labadan kooxood ayaan midna midka kale ku eedayn karin inuusan urur diineed ahayn ama caqiido lahayn ama fikirka salafiga si kala duwan uga wada abtirsada laakiin isla meel dhigi waayey sidii xukunka magaalada loo wadaagi lahaa ama loogu ogolaan lahaa in shacabku doorto madaxdiisa.

Wadaadani waa diideen laba arrimood oo sal u ah xukun wanaagsan iyo xasilooni inay qaataan, taasoo kala ah in shacabku xaq u yeesho inuu madaxdiisa doorto ayna dhanka kale jiraan xeerar iyo dastuur lagu heshiiyey oo loo laabto oo lagu kala baxo.

Waxaa lagu sheegay shacabkii caamo ama sacboolay aan ahlu xalli wal caqdi ahayn, taladana xaq u lahayn in wax laga siiyo, ama xukunka la waydiisto, dastuur la qorana waxaa lagu sheegay cilmaaninimo iyadoo mar walba dadka lagu aamusiyo in kitaabka Alle dastuur u yahay mid kalena aan loo baahnayn.


Shacabka Kismaayo waxaan alle ugu baryaynaa in uu dagaal ka badbaadiyo balse waa inay ogaadaan in aayahooda ay ka talintiisa wax ku leeyahay oo aysan jirin cid si gaar ah uga leh.

Wadaada isku haya Kismaayo waa inay ogaadaan inaysan xaq u lahay in shacabka ay isku kor dilaan ama bara kiciyaan, taladana aysan kaligood gaar u lahayn ama aysan xoog ku haysan karin iska daa inay xalaashadaan in dhiig loo daadiyo sidii talada loo maroorsan lahaa ama loola kali noqon lahaa.


Xukunka islaamka ama kitaabka Alle ma aha mid ka hadlaya oo si cad farta ugu fiiqaya cidda ay tahay in maanta la raaco ama gar leh kooxaha is haya. Masoo dagayo waxyi cusub oo noo sheegaya sida ay tahay in laga yeelo dhacda kasta oo na hor timaadda sida tan taagan.

Islaamku wuxuu noo sheegay mabaadii guud oo ah in caddaalad la helo, wadatashi muslimiintu arrimahood ka yeeshaan ciddii ay isla gartaanna talada u dhiibtaan ee aysan cidna xaq u lahayn in xoog xukunka ku qabsato ama ku haysato ama dhiigga shacabka u daadiso.

Wadaadu waa inay garawsadaan in kitaabka waa xal oo lagu wardiyo uusan xalku ku jirin ee ay tahay in talada iyo sidii si nabad ah hadba loogu kala wareegi lahaa loo ogolaado in shacabku ka wadatashado, sidii loo batana la qaato ee aan kooxiba si wax udoonin oo u dhiig daadin annagaa xaq u leh ama sida aan diinta ka fahmnay uun baa sax ah.


Laga soo billaabo waqtigii Cali bin abii daalib iyo Mucaawiye isku dheceen oo haatan kun iyo dhawr boqol oo sano kasoo wareegtay muslimiintu ma aysan helin qaab nabad ku salaysan oo talada iyo awoodda lagula kala wareego, waana taxaddiga ama mushkiladda ugu ballaaran ee hor taagan oo ay ayaankood uga hareen!!



Amawiyiintii laga soo billaabo waxay noqotay in talada xoog lagu kala qaato, mar walbana dhiig lagu daadiyo ilaa qaar saxaabadii ka mid ah kacbada iyagoo ku jira lagu dhex dilo.


Ummadaha kale ee dunida nagula nool qudhooda waxaa soo maray dagaallo sokeeyo iyo kuwa diimeed waxayse markii danbe dhibkii iyo dabkii ka barteen in taladu dadka ka wada dhaxayso oo kooxina aysan xoog ku qabsan karin ama ku haysan karin ee ay tahay in doorasho loo dareero xeerar iyo sharciyo xadidan oo lagu heshiiyeyna la isku kala hago.

Waxaan filayaa in ayu soo dhammaatay waqtigii wadaadada dadka ku asqayn jireen in wax walba hagagaagayaan haddii talada loo daayo wadaado kitaabka alle dastuur ka dhiganaya, waxaana soo baxday in waxa la isku hayaa aysan soon iyo salaad ahayn oo ay diintu faahfaahisay balse ay tahay waxa la isku hayo wax diintu ka gaabsatay oo loo daaday in dadku iyago ka heshiiyaan, ka tashadaan, shuruudna ka degsadaan aan ka hor imaanayn mabaadi'da guud ee shareecada.

Dilkii shalay saxaabada isku dileen cidda talada xaqa u leh ama sida quman iyo wixii ka danbeeyey waa in wax laga barto oo la ogaado in diintu ka dayrisay oo ay sheegtay in salaadiisa aan la aqbalayn imaamkii dadka tujiya iyagoo ayagoo ay dhibsanayaan bal ka warran cidda rabta in xoog iyo boob ay ku xukunto.

Tuugo isbaaroolay ah ama digisiyada xadda oo la ciqaabo oo kaliya ma aha shareecada iyadoo kan tuug yaraha ciqaabaya uu isba doonayo inuu boob ku haysto talada dalka ama kudoono oo uu dhiig aan xad lahayna u daadiyo.

Xiisadda Kismaayo ka aloosan waxay daliil cad u tahay warkii iyo halhayskii duuduubka ahaa ee wadaadada qaar wadeen inuu gabbalkiisu dhacay dhabtuna ay tahay in taariikhda wax laga barto oo la ogaado in aayo ka talinta shacab ama dal ay dadkiisa ka dhaxayso.

Si nabad loo helo iyo xasilooni iyo ku dhaqan shareeco oo sax ah waa laga maarmaan in la qiro in taladu dadka ka wada dhaxayso xeerar iyo dastuur heshiis lagu yahayna la helo oo faahfaahinaya wax kasta oo la isku qabto iyo sidii loo maarayn lahaa. Waa in la ogolaado in aayaha shacabka iyo sida arrimaha mudnaan u kala siinayo iyo waxuu dib u dhiganayo ama hormarsanayo aysan shakhsi ama koox ku meel marin karin dhiig iyo barakacin ee ay tahay in sida inta badan rabto in la raaco sidaasina ay diinta iyo dantu ku jirto.

Haddiise lagu adkayso sida haatan taagan waxaa soo bixi doonta in hawada koox kasta iyo damaceeda iyo sida ay diinta u fasirayso ay is dhex gasho oo ay soo baxdo wadaad qiil uu ku bannaysto iyo qundul uu ku rito ma waayo ama hadalkii ahaa nin la jecel yahay minhaaj qiil loogama waayo oo keeni doonta in isdilka iyo fawadadu sii socoto ilaa la isla ogolaado in talada dadka ka dhaxayso, wadahadal iyo qaabab lagu heshiiyana ay qasab tahay in xasiloono lagu doono ee aan qiil iyo nas kooxiba si u fasirayso la isku dilin si joogta ah.

Abdulkadir Abdi

xogta@garasho.net

Ilaah baa mahad leh. Nabadgelyo iyo naxariis nabi Muxamed korkiisa ha ahaato,

Ilaah baa mahad leh. Nabadgelyo iyo naxariis nabi Muxamed korkiisa ha ahaato,


Hamiga nabiyaashu wuxuu ahaa heer sare. Iyadoo Magaalada Madiina lagu hareeraysanyahay oo Suubbanihii (SCW) iyo saxaabadii ay gaajo iyo dhaxan dhexda la dhuubatay ilaa ay saxaabadu kariwaayeen inay dhagax ka jabshaan dhufeyskii la qodayey waa tii Suuubbanuhu (SCW) inta garweyn qaatay dhagaxii cardaadiqaha ka dhigay iyadoo dhimbilo iyo iftiin ka duleen! Muxuu Suubbanuhu (SCW) yiri? Ma barrinkii Qureysh dagi jirtay baa ii muuqdoo la furanayaa buu yiri? Ma Makah oo dhulka ugu kheyr badan baa la furan buu yiri? Mise wuxuu yiri waxaa la furan dhulkii gaaladii adduunka markaas horboodi jirtay xukumeen? Haddii Shabaabku u hadleen sidii nabiga (SCW) ooy dhaheen Maraykan baan jilbaha u dhigeynaa, Al-Aqsana waan xoreyneynaa maxaa ku jaban?.

Axmed-madoobe iyo anigu intaan Kablalax ka soconno baa ka dheer intii nabi Muxamed ka socday Cadnaan. Weligiin ma maqasheen nabi Muxamed (SCW) oo leh Ciraaq baan ka imid ama Baxreyn ama Najdi ileyn Cadnaaniyiin badan baa deggenayd dhulalkaase? Qaar ragga horbooda Kaambbooni iyo Caanoole waxay ku dhasheen Jigjiga, Dhagaxbuur, Qabridaharre, Laascaano, Boosaaso, Garoowe, Ciid & Ceelcad, Mudug iyo meelo kale! Ka warran nimanka dhulkaas ku dhashay oo leh Jubbooyinkaa degaan ii ah ama aan ka soo jeedaa? Anoo Mudug ku dhashay haddaan Kismaayo tago waxaan noqonayaa dadka degaanka maxaa yeelay Harti baa Kismaayo iyo Jubbooyinka wax ka dega! Teeda kale haddii Bakar degaan Ciraaq micnihu maaha Cali Binu Abii Daalib (RC) baa Ciraaq ka soo jeeda.

Nabiyaashii hore waxaa loo diray qoomkooda. Xitaa marka la leeyahay ummadooda waxaa laga wadaa qoomkooda. Marka la yaab ma leh in la maqlo nabi leh: YAA QOOM. Sidoo kale wax nagu cusub maaha in la maqlo nabaddoon Islaamka ka hor iyo kaddibba la hadlaya tolkiisa oo leh: YAA QOWM. Yaa maqlay nabi Muxamed (SCW) markuu hijrooday kaddib oo leh: YAA QOOM?


Nabi Muxamed (SCW) waxaa loo diray dadkoo dhan. Qofkii sheegta inuu dhaxlay sida culumada iyo mujaahidiinta waa inay waddadiisa raacaan oo aysan noqon "local!". Nin baan aqaan ku dhaha qofkuu la yaabo "local" baad tahay! Waa la yaab nin leh daaci iyo mujaahid baan ahay oo haddana intaas ku haya waxaan maamul u sameeyey Afmadow. Waxaan maamul u sameynayaa Kismaayo iyo Araare?


Waxaan Paltalk ka maqlay kuwo markay jufadooda ka hadlayaan lagu leeyahay: kor u baxa! Anna mar mar waxaan ku dahaa war xarafka Qa’da (qabiilka) ka dhig xarafka Ma’ (muslimnimo) ama ugu yaraan xarafka Sa’da (Soomaalinimo). Waxaa fiican inta goori goor tahay in Kaambbooni iyo Caanoole kor u baxaan!

Haddaan Amisom iyo gaaloraacyo lala jihaadayn saan uma kululaadeen laakiin iyadoo jihaadkii Baladweyne ka socdo oo hadba meel loo cayrsanno Xisbul Islaam, inuu dhaho Araaraan maamul ka dhisayaa waa khalad!


Mar uu nabigu (SCW) qureysh reer reer ugu yeeray ma oran kaalaya aan dhulka qeybsannee ee wuxuu uga digay cadaab hadday diidaan amarka Ilaahay. Dagaalkii Badar markii saxaabbo seddex boqol ah iyo Qureysh isa soo horfariisteen, ciidanka muslimiinta oo ugu dhowaan 100% Carab ahaa marka laga reebo dhowr saxaabi marna nabigu (SCW) ma oran: Yaa qoom ama Yaa Carab! Ee wuxuu yiri: "Ayuhannaas Ashiiruu calaya" (dadoow ila tasha). Ama wuxuu oran jiray: Yaa Ayuhal mu’minuun.

Kablalax iyo Harti waxay isu jiraan in ka badan inta Mudar iyo Rabiica isu jirto. Gadafaan oo Mudar ah waligeed Qureysh iskuma dhejin. Gafaar iyo Qureysh oo isku oday dhalay – Kinaanah- isma sheegan jirin. Maxay tahay qabiilkaas ay nimanka mujaahidiinta sheeganayaa soo faagayaan? Haddii nabigu (SCW) qabiilka ka yiri: DUCUUHAA FA INNAHAA MUNTINAHA! Maxaa Caanoole iyo Kaambbooni u moddaa inay leeyihiin: UDCUUHAA FA INNAHAA MUNJIYAH! Waa afxumo! Waa goormase? Waa goor mabda’ iyo jihaad socdo.

Hadda qorrax ka soo bax waxaa ka soo muuqda iftiin. Wiilal sida nabiga (SCW) iyagoo go’doonsan aan calaacal aqoon. Wiil aan ku hambaasin tol la’ayey! Wiilal Al-Aqsa iyo Alaska ka hadlaya een Afmadow iyo Araare ku hoos noqon. Wiilal aan dan ka lahayn ciddii hoosaasisa oo ruufyaama.

Nabigu (SCW) calaacal ma jecleyn. Mar saxaabigii weynaa ee Khubayb Binu Arath yiri: nabigii Ilaahoow (SCW) miyaadan noo gargaar dalbayn waan ogayn jawaabtii nabigu (SCW) bixiyey.

Hanka firqida badbaadeysa waa heer sare. Waxay u hadlaan sidii markii Nabi Ibraahim (CS) dabka lagu tuurayey oo kale. Sidii jawaabtii nabigu (SCW) siiyey saxaabigaas kore. Sidii saxaabadu (RC) u hadleen maalintii Khandaq markii la hareereeyey. Waa wiilal aan dan ka lahan wixii qabiil iskugu hiiliya.

Xaggeyga nimanku waxay ku dhaceen khiyaamadii Banii Qureyda. Haddii iyadoo Gedo, Bakool, Hiiraan, Galgaduud, iyo Banaadir lagu horjoogo gaalo iyo gaalomadoow uu usoo dhigtay inuu Kismaayo weeraro waa in xukunkaas lagu qaado. Marka Shabaabkoow idinkoon jeclaysan dagaal aad la gashaan ku baxa oo go’doomiya. Ilaahay ka cabsada, samra oo yiqiin la imaada. Haddaad intaas samaysaan waxaan aaminsanahay Ilaahay keliyaa jabinaya. Marka Insha Allaah waxa ku dhaca wiilashaas qabiilka isku soo bahaystay waxay cibro u noqonaysaa kuwa ka dambeeya.


Ma Ballaan baa Looga Baxay Axmed-madoobe?

Horta Axmed-madoobe markii Kismaayo laga cayrshay Barre-hiiraale wuxuu joogay Addis Ababa. Qaar sheeganaya Xisbul Islaamna waxay joogeen Asmara. Goormaa labo gaal kala fiicnaayeen? Qorshihii la isku ogaa Kaambbooni iyo Caanoolaa jabiyey markii la yiri: yaan lala midoobin dadka u galay gaalka Afawarke. Waxaa la isku ogaa in la midoobo. Haddii inta Kaambbooni, walaalihii oo Kismaayo jooga dhaafeen tageen Xamar ooy ku dhawaaqeen Xisbi uu Afawarke taageero haddee iyagaa yaqaan cidda wax ku darsaneysa. Marka niman qaarna Meles Zenawi wato; qaarna Afawarke cidna wax ku darsan meyso. Teeda kale dadkii Barre-hiiraale wax ka saaray ee dagaalka ku jiray ee ka tirsanaa Kaambbooni iyo Caanoole waxay qaarkood ku biireen Shabaabka. Marka ciddii Axmed-madoobe ballanta la gashay ha u oofiso!

Waxaan Shabaabka ku leeyahay:

· JUNDULLAAHI dirir maaggannoo weerar muhaneysa

· in maxaysatadu daafacdaa waa midaan jirine

· malkhabkeennii soo yeerayey mayl ka carareene

Waxaan ku soo xirayaa:

· inkastaad mataanaha jarteen miiq yar baa haraye



· Macbuudkey na kaalmeynayiyo duul Malaa’igahe



· mitidkiinna sii wada Qudduus maro idiin hoosye



WA SALALLAAHU CALAA NABIYAA MUXAMADIN WA CALAA AALIHI WA SAXBIHI WA SALAM.


SUBXAANAKALLAAHUMA WA BIXAMADIKA ASTAQFIRUKA WA ATUUBU ILAYKA.
ASALAAMU CALAYKUM WARAXMATULLAAHI WA BARAKAATUHU.
WAA AAKHIRU DACWAANAA: SAYUHSAMUL JAMCU WA YUWALLUUNA DUBUR.

"Cabdulwaaxid Khaliif"

Maxay ummadda Soomaaliyeed u qabteen Maxamed A. America iyo Cumar Faaruuq by:Tafatiraha Shabadda Dayniile


Inta badan waxaa la arkaa in Warbaahinta qaarkeed ay weerar qaawan oo cilmi aan ku dhisneen inay ku qaadaan Safiirka Somaliya u fadhiya Kenya Mr Cali Ameriko iyo Cumar faaruuq oo ah Madaxa caalamka u aqoonsan yahay hormuudka Saxafiyiinta Soomaaliya. Hadaba waxaan qormadaan gaaban ku eegeynaa maxay Maxamed Cali Ameeriko iyo Cumar Faaruuq u qabteen ummada Soomaaliyeed.



Dhab ahaan, waxaa marag madoonto ah in Siyaasiga Maxamed Cali Americo oo haatan ah Safiirka Soomaaliya u fadhiya daka Kenya oo yahay nin aqoon yahan ah oo qurbaha wax ku soo bartay, uuna Afrika ugu soo laabtay sidii uu wax u qaban lahaa Ummada Soomaaliyeed oo mareysa Xaalad aad u xun, ka dib Maxamed Cali Ameriko waxaa loo magacaabay Safiirka Soomaaliya u jooga Kenya taasoo wax badan oo la taaban karo u tartay Ummada Soomaaliyeed.

Waxyaabaha uu u qabtay ummadda Soomaaliyeed-na waxaa ka mid ah isagoo si weyn u garab istaagay dad-ka taagta daran ee Soomaalida ee u baahan wax qabadka sida wax qabad xaga caafimaad ah, taasoo la dhihi karo tiro badan oo Dad Soomaiyeed ah ayuu u sahlay inay helaan daaweynsax oo qaarkood loo qaaday Qaaradaha Yurub iyo America, taasoo si weyn ay ugu ammaanaa Soomaalida oo dhan.

Sidoo kale, Ambassador Maxamed Ali America waxaa uu dowr weyn ka cayaaray sidii beesha Caalamka ugu dhaadhicin lahaa in dhaliyarada Soomaaliyeed aysan wada ahayn burcad badeed, xitaa waxa uu sameeyay inuu soo daayo misana furdaamiyo dad ajanibi ah oo afduub ahaan loo haystay taasoo ummada Soomaaliyeed u soo hoywsay sharaf weyn, waxayna hoos u dhigtay fikirka xumaa ee laga qabay Soomaalida ah.

Mr Maxamed Ali America Safiirka Soomaaliya u fadhiya Magaalada Nairobi waxa uu safaarada Soomaaliya ka dhigay mid tayo leh oo ay ka haybaystaan shisheeyaha, taasoo keentay in had iyo jeeraale diblomaasiyiinta caalamka inay la soo xiriiraan Maxamed Cali Americo, sidoo kale Siyaasiyiinta Soomaaliyeed ee socod baradka ah ayaa waxaa Protocol –lada u sahla Mr Maxamed Cali America, waxaana dhacda inuu ku xiro Diplomaasiyiinta Caalamiga ah ee fadhiya Nairobi. Waxa aintaas sii dheer in Mr Americo in uu hay'adaha caalamiga ah uu kala hadlo arimaha Soomaaliya taasoo wax weyn tarya ummada Soomaiyeed. Sidaas darteed waxaa la oran karaa in Mr Maxamed Cali Americo uu qabtay howlo aysan qaban madaxda Sare ee Xukuumadaha Soomaaliya soo maray gaar ah kuwii burburka ka dib la dhisay.


Dhan-ka kale Cumar Faaruuq oo ah Hogaanka sare ee Hay'ada ugu sareysa Daladaha Saxafiyiinta Soomaiyeed, ayaa ah Madaxa kaliya ee haysta aqoonsi beesha Caalamka, sababtoo ah si weyn ayaa looga haybaystaa, isaga ayaana lagu soo dhaweeyaa shirarka bahda Saxaafada ah ee ka dhaca dunida.

Sdioo kale Cumar Faaruuq ayaa Bahda Saxaafada Soomaalida u qabtay howlo aysan waligood ka helin wasaarada Warfaafinta Soomaalida, tusaale ahaan Cumar Faaruuq bahda Saxaafada waxa uu u soo dhameeyaa Seminaaro wax ku ool ah o aqoontooda kor loogu qaadayo, iyo waliba waxa uu u soo dhameeyaa meelaha ay ka helin karaan magan galyada gaar ahaan Saxafiyiinta ay la soo dersito baqdin xaga shaqadooda ah, taasoo si weyn ay ugu amaanaa guuud ahaan saxafiyiinta Soomaaliyeed meel walboo ay joogaan.

Hayeeshee beryahaan waxaad arkeysaa in qaar ka mid ah warbaahinta qaarkeed ay baahiyaan warar kutirikuteen ah oo ka dhan ah Cumar Faaruq iyo Maxamed Cali Americo ka dib markii ay ka waayeen wax ayaaga si shaqsi ah u rabaan taasoo aan ogolaanaynin Damiirka wadaniyada ku dheehan sida Cumar faaruuq iyo Maxamed Cali Americo, sababtoo ah warar aan ka helay dad xog ogaal u ah labadan Masuul ayaa I sheegay inaysan marnaba ku dhaqaaqi Karin Nin-tooxsi iyo wax is dabo marin, ayna ka diideen saxafiyiin qaarkood taasoo sababtay in laga fido borobogaando ka dhan ah labadooda.

Isku soo duub waxaa la dhihi karaa Maxamed Cali Ameriko Safiirka Soomaaliya u fadhiya Kenya iyo Cumar Faaruuq oo ah madaxa Hay'ada ugu sareysa saxafiyiinta Soomaaliya inay yihiin laba aqoon yahan oo u heelan wax u qabad-ka ummadooda, taasoo ka marqaati ah in sahacka Soomaaiyeed ay qireen garab istaagooda buslahada Soomaiyeed.



Cabdiraxmaan Macalin Xuseen

Mamaan82@hotmail.com

Tafatiraha Wabka Dayniile.com

Wararka maanta inta ka akhriso-Arbaco

Aagaga ay wada joogaan maleeshiyadka Xisbul islaam iyo Shabaab ee Muqdisho oo caawa dhiilo iyo kala bax laga dareemay



Aagaga dagaal ee ay wada jogaan maleeshiyaadka Xsibul islaam iyo Shabaab ee magaalada Muqdisho ayaa caawa laga dareemay dhiilo iyo kala shaki.


Deegaanada W/Muqdisho gaar ahaan xaafadaha Shibis iyo Yaaqshid oo ay kawada dagaal galaan labada maleeshiyo caawa waxaa laga soo sheegay in ay kala fogaadeen kadib hadaladii ay hogaamiyayasha labada dhinac isku dhaafsadeen dhinaca warbaahinta.


"Waxaan daganahay Beexaani waxaa gurigeyga dhufeyso ku lahaa Xisbul islaam galabtey naga guureen Shabaaba noo soo dagay ma aqaan sababta " ayay tiri haweeneydaas.


Dhinaca kale aaga Xararyaale waxaa caawa faarujiyey maleeshiyaadka Shabaab lamana oga sababta , waxaase loo badinaa arimaha taagan.

Idaacada Warsan Baydhaba oo la xiray kadib markii ay tabin weysay aadaanada Masaajidyada Baydhaba



Maleeshiyada Al-Shabaab ayaa caawa maqribki irdaha isugu dhuftay idaacada madaxa banaan ee Warsan , waxaana xarigeeda loo aaneyey markii ay tabin weysay aadanada masaajidyada Baydhaba.


Maleeshiyada aya xariga idaacada kadib waxaa ay horey u sii wateen agaasimihi idaacada Warsan Baydhaba Hilaal Shaceyb iyo wariye Max'ed Cadaawe oo aan la aqoon halka ay la aaden.

Dhinmaca kale Waxaa jiray kulan shalay Maamulada Idaacada Kismaayo iyo kan Al -Shabaab ay ku yeesheen Magaalada Kismaayo taasoo looga hadlayay in xiliyada aadaanka salaadaha Idaacaduhu ay xariir la sameeyeen Masaajidada Magaalada Kismaayo,waxaana la sheegayaa in Idaacada Warsan cilida dhinka Taleefanka ay maanta u suurta galin in ay la xariiraa Mu’adanada Masjidyada Baydhabo taasoo keentay in isla galabta albaabada loo laabo Idaacada.

Talaabada lagu xiray idaacada Warsan waxaa ay qeyb ka tahay caburinta ay saxaafada ku hayaan dhinacayada siyaasada Soomaliya.

Tuesday, September 29, 2009

Mr.Ibbi:Waxuu ku qaldan yahay inuu ka mid ahaado Df &

Waxaan sake ka aqriyay qormo ka waramaysay Mr.Ibbi, iyo qormo Indha-cadde ku eedeeynaayay Sh. Daawir Aweys; Sida ay ku nuux-nuusadeen Sh.Indha-cadde iyo Kuunyo Gaduudey labaduba waxay siyaabo kala duwan u difaacayeen Df.uu madaxa ka yahay Sheekh Shariif, iyo Mr.Ibbi, haddii aan ugu horeysiiyo Df: Sawaxanka iyo codka xiinka leh ee Df ma caburin karo Halganka Hubaysan ee Mucaaradka Waddaniga ah ee Dalkeena, haddii labada dhinac Df iyo Mucaaradka la imaanin tanasulaad waaqici ah si loo bilaabo wada-hadalo iyo heshiis sharuud la'aan lagu joojinaayo dagaalada malinba maalinta xigta sii xoogaysanaayo.

Haddii Sheekh Yuusuf Indha-cadde ku qanacsan yahay Xilka Qaran uu ka helay DF, waxuu ku muteystay gefef iyo dambiyo siyaasadeed uu ka galay bulshaweynta Soomaaliyeed, sidoo kale dhamaan beelaha awood qaybsiga la siiyay Cid "Wayso U Dhawran Ma Laha", waxay si toos ah ama si dadbaba uga qayb qaateen dhibaatooyinka siyaasadeed ee murugada leh ee dalkeena ka jirta (Indha-cadde, waxuu ka soo bilabay Muryaan ilaa uu ku soo garay Marshaal), haddaba ma aha inay xalaal ku noqonayso DF haddii gacan-ku-dhiigle kasta ku soo biira DF, Madaxweynaha DF Sheekh Shariif iyo Kooxdiisa waxay kula dagaalameen Muuse Suude iyo Qanyare (Qadiyada Siyaasadeed hoosta kaga lamaanan "Dhaqanka Shareecada Islaamka"), sidoo kale waxay kula dagaalameen DF iyo Ciidamada Aminson qadiyada Siyasadeed gun-dhig u ahaa "Dib U Xoreynta Dalkeena", haddana Sheekh Shariif iyo Ciidamada Aminson maanta waxay heshiis ku yihiin qaddiyad siyaasadeed wejiyo kala duwan.

Wada-hadalada iyo Heshiiska RW. Df.Cumar C/rashiid la soo galay Maamulka Puntland, waxay ka turjumaysaa qadiyada siyaasadeed la doonayo in sumcadda looga rido beelaha Hawiye in haddii DF burburto inuu maamulka Puntland u noqoto Maamul Caalami ah, sidaa darteed,haddii Sh.Yuusuf Indha-cadde sidaa ula muuqanin qaar kalaa xaajada weji kale u leedahay. Dhinac kale aan rabo inaan wax ka iraahdo Mr. Ibbi: Sheekhey Hamuule, waxuu ku andacoonayaa inuu Mr.Ibbi yahay daacad u ah dadkiisa iyo dalkiisaba, kana mid yahay Soomaalida dadaal siyaasadeed dheeraad u leh bulshaweynta Soomaaliyeed dalka gudahiisa ama dibeddiisuba, walaal waxaad ka hadashay fekerkaaga, balse, waxaa is weydiin mudan Nin ka mid ah Xukuumadda Isbahaysiga Mudulood iyo Majeerteen ma lagu tilmaami karaa inuu Soomaalida kale kal gacayl u haayo ama uu ka shaqeeynaayo maslaxada caamka ah sidii loo soo af jari lahaa dhibaatooyinka siyaasadeed murugadaha leh ee dalkeena ka jira. Sidaa aan ka warqabno Sheekh Shariif, Ibbi iyo Shariif Xasan, waxay si toos ah u fulinayaan danano siyaasadeed beesha caalamka raali ka tahay, waxay si waadax ah uga muuqaadan siyasaddii hororka Dikteetarkii ugu ddaciifsan adduunka, Cabdullaahi Yuusuf iyo Taliska maamulka Gumaysiga Xabashida ka wadeen Geeska Afrika. Haddii aad jeceshay inaad Mr.Ibbi ceeb ka saliin ka dhigto, marka hore ka waani inuu faraha kala baxo siyaasadda Wadaagta Madaxa Ka Ah "Madhabta Mudulood iyo Majeerteen".

Anniga ma aqaan Mr.Ibbi, balse ma filaayo inuu ka madhan yahay dhagarta iyo laqdawooyinka siyaasadeed ka soo daahiray Soomaaliya,ka dib markii Hogaamiyihii Hogaanka Siyaasadeed iyo Talada dalkeena la riday. Haddii aad rabo inaad si fiican uga dheregto khiyaamooyinka siyaasadeed dalkeena ka jira fiiri xariifnimada siyaasadeed Mudulood iyo Majeerteen labada beeloo afka iska jecel, uurkana iska nece: Cabdullaahi Yuusuf waxuu Mudulood u siiyay jagada RW, "Ushaada waxaa loo dhiibtaa nimaad ka qaada kartid", sidoo kale Sheekh Shariif waxuu ku kalsoonaan waayay Soomaali kale, sidaa darteed, halganka qadiyadda Siyaasadeed ee dalkeen intaa kuma eka, waxay socon doontaa inta laga helaayo "Siyaasi Dadaal Waddani Leh oo Siyaasadda Soomaaliya Caan Ku Ah, Dunidana Xarago Ku Leh", goortaasay Hooyada Soomaaliya Ooyinta Dhigaysa!




WQ:Cadde Amiin Maxamed

Sabuni1956@yahoo.com

Wednesday, September 23, 2009

Maamulka Kismaayo oo sheegay in uu la midoobay Maamullada kale ee hoostaga Xarakada Shabaabul Mujaahidiin.



Shirkani jaraa’id ee uu maanta qabtay madaxa warfaafinta maamulka islaamiga ah ee Magaalada Kismaayo Sheekh Xasan Yacquub Cali ayaa waxa uu shaaca ka qaaday in maamulka islaamiga ah ee Magaalada Kismaayo uu la midoobay maamullada kale ee ka dhisan gobollada dalka Soomaaliya ee hoostaga ururka Xarakada Shabaabul mujaahidiin, isagoona sheegay in maamulku uu qaatay magac ah Wilaayada Islaamiga ah ee Gobollada Jubbooyinka, isla markaana uu magacaasi ku howlgali doono laga bilaabo maanta oo ay taariikhdu ku beegantahay 23, September, 2009.



Dhanka kale Maamulka islaamiga ah ee magaalada Kismaayo oo soo shaqeynayay muddo hal sano ah ayaa waxaa hore ugu mideysnaa ilaa iyo 3 garab oo ka kala tirsanaa Ururrada Xarakada Shabaabul Mujaahidiin, Kaambooni iyo Weliba Ururka Caanoole, ilaa iyo iminkana ma jiro wax war ah oo ka soo baxay xubnihii maamulka Kismaayo u matalayay ururada Kaambooni iyo Caanoole.


Hase yeeshee Shiikh Xasan Yacquub Cali ayaa mar ay saxaafadda wax ka weydiisay isbedelkani dhinaca siyaasadeed ah ee lagu sameeyay Maamulka Kismaayo sida ay u arkaan qeybihii kale ee maamulka u matalayay Kaambooni iyo Caanoole ayaa waxa uu sheegay in amuurtaasi ay u bandhigeen isla markaasina ay xiriirro badan kala sameeyeen hase ahaatee ilaa iyo iminka aysan ka helin wax jawaab ah oo wanaagsan waa siduu hadalka u dhigaye.


Inkastoo mas’uulkani uu sheegay in ay xiriiro kala duwan la sameeyaan cutubyadii kale ee ka tirsanaa maamulka Kismaayo ayaa haddana waxaan la ogeyn sida ay u arkaan isbedelkani iyo weliba la midoobidda Xarakada Shabaabul Mujaahidiin, maadaama ay iyagu ahaayeen islaamiyiin ka madax bannaan ururka Alshabaab isla markaana hoostagi jiray urur diimeedka Xizbul Islaam.

Sunday, September 13, 2009

Aktarada Caanka ah ee Angelina Jolie oo booqatay xerada qaxootiga soomalida ee Dhadhaab (Daawo Sawirada


Aktarada caanka ah ee Angelina Jolie ayaa maanta booqatay xerada qaxootiga ugu weyn caalamka ee dhadhaab ee dalka Kenya halkaasoo ay ku jiraan qaxooti soomaaliyeed oo aad u tiro badan kuwasoo ka soo barakacay gudaha dalka Soomaliya intii ay socdeen dagaaladii mudada 2ka sanno aheyd.


Angelina Jolie oo wakiil u ah hay'ada qaxootiga ee qaramada midoobay UNHCR ayaa waxa ay u kuur galeysay xaalada nolosha qaxootiga soomaliyeed ee halkaasi ku nool siiba caruurta iyo haweenka kuwasoo ay ka muuqdeen diif aad u daran.

Iyadoo hadleysay intii ay joogtay xerada qaxootiga ee dhadhaab ayaa waxa ay tiri Angelina Jolie " hadii sidaan ay xal u tahay dadkaan dhibaateysan ka warama sidee bey yihiin xaalka dadka ku haray soomaliya ee dagaalada ku dhex jira" waxaana ay tilmaantay in waxa ay haatan filan karto ay tahay in xaalka uu ka sii darro madaama dagaaladu ay weli socdaan.

Xerada dhadhaab oo markeedii hore loo sameeyay inay ku xeroon karaa ilaa sagaashan kun oo ruux (90,00) ayaa haatan waxaa ku jira labo boqol sideetan iyo shan kun oo ruux (285,000) iyadoo weliba sida UNHCR ay sheegtay ay bil walba soo gaaran tiro kumanaan ah taasoo xaalada ka sii dari karta.

Waxa ay sidoo kale Angelina Jolie ka deyrisay xaalada nolosha dadka qaxootiga oo ay sheegtay in suuliyadii ay noqdeen kuwa buux dhaafay oo meelaha ay wasaqdu daadaneyso islamarkaana dadka qaarkiisa ay ku nool yihiin meelo qashinka lagu shubo tasoo ah xaalad bani'aadanimo oo aad u xun.

Angelina Jolie oo xogwareysaneysa caruurta soomalida ee ku nool xerada qaxootiga ee dhadhaab.

Angelina Jolie ayaa kualn ay la qaadatay wakiilak UNHCR ee dalka Kenya Liz Ahua markii booqahadeeda dhameysay ka dib ayaa waxa ay ka dalabtay in dowlada Kenya ay ka caawiso barnaamijoooda gar gaarka ah inay siiyaan dhul balaaran si loo sii balaariyo xerada dhabdhaab madaama dad kale la filan karo inay soo gaaran xerada islamarkaana dadku isku dul nool yahay.

Saed Mohamed Ali

saedmohamed1@hotmail.com

Ciidamada Amisom ee Muqdisho ku sugan oo toogasho ku dilay tiro Geel ah


Ciidamada Amisom ee ku sugan nawaaxiga Garoonka Diyaaradaha Muqdisho ee Aadan Cadde ayaa toogtay tiro geel ah oo marayay meel u dhow garoonka Diyaaradaha.

Ciidamada Amisom ayaa la sheegay in ay rasaas tiro badan ku fureen Geelaas iyadoo sababta ay rasaasta ugu fureenna lagu sheegay in ay ka shakiyeen in loogu soo dhex dhuunto Geela, kaddibna waxyeello la gaarsiiyo.

Wararku waxay intaas ku darayaan in Ciidamada Geelaas dhameeyay ay yihiin kuwo cusub oo dhawaan lagu soo bedelay ciidamadii Uganda horay uga joogay Magaalada Muqdisho.

Waxaa haatan socda wada hadallo seddex geesood ah oo u dhaxeeya Saraakiil ka socota Ciidamada Amisom, Dowladda Soomaaliya iyo ganacsatadii lahayd Geelahas. Geela la dhameeyay ayaa wuxuu ka mid ahaa midka ganacsi ahaanta loo keeno Magaalada Muqdisho ee lagu gowraco Kawaannada, kaddibna ay hilibkiisa dadka ka manaafacaadsadaan.

Ciidamada Uganda ee haatan ku sugan magaalada Muqdisho ayaa waxay yihiin kuwo cusub oo gaaraya ilaa seddex battalion, waxayna bedeleen seddex battalion oo horay u joogay magaalada Muqdisho, kuwaasi oo dhawaan dib loogu celiyay Dalka Uganda.

Sidaas darteedna Ciidamadii horay u joogay magaalada Muqdisho ayaa waxay ahaayeen kuwo kala bartay dadka iyo weliba xaaladda magaalada Muqdisho, halka kuwan cusub ay yihiin kuwo aan weli kala baran Muqdisho iyo Xaaladaheeda.


Ismaandhaafaan Ka Dhex Alloosan Madaxweynaha Dawlada Midnimo Qaran Iyo Ra’iisal Wasaarihiisa



waxaa la xaqiijinayaa inay soo ifbaxeen ismaandhaaf soo kala dhex galay Sheekh Shariif Sheekh Axmed iyo ra’isal wasaarihiisa Cumar C/rashiid Cali Sharmaarke, waxaanu ismaandhaafkoodani salka ku hayaa qodobo ay ka mid ahaayeen heshiiskii ay dhawaan dawlada midnimo qaran iyo maamulka Puntland ay ku kala saxeexdeen magaalada Gaalkacayo.



Ismaandhaafkani wuxuu mar keliya soo shaac baxay markii ay uu sheekh Shariif heshiis dhinaca la dagaalanka budhcad badeedka la soo galay dawlada Jabuuti oo iyada uu damac weyni ka galay mashruucaasi.


Waxaana ismaandhaafkan si weyn lug ugu leh wasiirka maalliyada ee dawlada sheekh shariif iyo Prof. C/raxmaan xaaji aadan Ibbi oo isna ah R/wasaare ku xigeen,oo iyagu ah shakhsiyaad si gaar ah uga soo horjeeda heshiiskii Gaalkacayo.


Sida lagu soo waramayo wuxuu murankani maraya meel aad u xaasaasi ah, oo uu mid waliba ku adkaysanayo inay tiisu meel marto, balse kooxaha la safan sheekh shariif waxaanay soo bandhigeen qorshe ah in dibada loo tuuro Cumar Cabdirashiid Cali Sharmaarke, si markaasi uu ugu meel maro heshiiskii gacan dhaafka ahaa ee dawlada Ismaaciil Cumar Geelle uu la soo galay Sheekh shariif.

Dadweyne taageersan Siilaanyo oo Banaanbax ka dhigay saaka Magaalada Burco.


Waxaa saaka ka dhacay Isku soo bax balaadhan magaalada Burco,dad weyne taageersan Siilaanyo ayaa lagu arkay saaka wadooyinka magaalada , dadweynaha banaanbax dhigayey ayaa waxaa ay socod ku mareen wadooyinka Burco , waxaana xusud mudan in ciidanka Booliska aysan wax hor istag ah ku samayn dadweynaha banaanbax dhigayey.


Banaanbaxa ay dhigayeen dadweynaha ayaa waxaa uu saaka bilowday 8 subax nimo waxaan uu soo gabagaboobay 11:00 subaxnimo isagoo ku soo dhamaaday qas iyo jah wareer markii Siilaanyo oo lagu soo xidhiidhiyey khadka taleefoonka sheegay in uu taageerayaashiisa ugu bogaadinayo halganka ay wadaan , Siilaanyo Ayaa sheegay "marna in aanu filayn in marka kale dhiig loo daadsho somaliland laakiin laga kasbaday dalka in faqashta laga saaro ay tahay" .

Salaadiin ,Waxgarad iyo Aqoonyahayno ayaa ugu baaqay shacabka reer burco in ay ilaaliyaan nabadgelyada ,aragtidooduna ay ku muujiyaan si nabadgelyo ah, codsiga Salaadiinta ayaa ku soo beegmay xili maalintii shalay uu ka dhacay magaalada Hargeysa banaanbax wata rabshado oo uu ka dhashay khasaaro iskugu jrta dhimashao iyo dhaawac.



Jidbaale.com@gmail.com

Monday, September 7, 2009

Aweys: No Price is too High for 'Liberty'

The leader of a Somali rebel group on Saturday said his militia will continue to fight the Somali government and the African Union peacekeepers no matter how high the civilian casualty reaches. Sheikh Hassan Dahir Aweys, the hard-line leader of the Islamist group Hizbul-Islam, said his fighters will use all forms of resistance, including suicide attacks against his enemy.

In an exclusive and wide-ranging interview with the VOA, Aweys, who’s on the US and UN list of terrorist associates, also discussed the daring escape of a Frenchman held by his group, the often rocky relationship between his group and its main rival Al-Shabaab, and the suffering of the civilian population as a result of the continued fighting in and around Mogadishu.

“It’s true that the oppressed one sustains the brunt of the damage,” he stated. “But the oppressed should not allow the enemy to settle on its land---at any cost.”

Aweys is widely credited to galvanizing and uniting a timid Islamist opposition. More than 2,000 people, mostly civilians, were killed in Mogadishu since he returned from his exile in Eritrea in early May. Some 10,000 were also injured and more than half a million people fled their homes.

Despite the magnitude of the suffering, Aweys defiantly said: “No price is too high to pay for the sake of liberty.” He also ruled out of rumored secret talks between him and President Sheikh Sharif Sheikh Ahmed, a formr ally.

“That’s what the enemy would like to hear,” he said in a sarcastic tone.


War tactics

brunt of the civilian casualty stems from mortar shelling by the Islamist opposition and counter shelling by the African Union peacekeepers, known as AMISOMThe . Human rights groups critcized Hizbul-Islam and other rebel groups of routinely firing mortars from within the civilian population, provoking a response from AMISOM.


Aweys, a former army colonel, defended this tactic.


“The Mujahid [holy warrior] is like a fish,” he said. “The population is his water…that’s the nature of resistances. The population provides a shield. The resistance is partof the population.”

French hostages

One of two French military advisors who were kidnapped on July 14 by militia linked to Hizbul-Islam escaped on August 26. Marc Aubriere, 40, said he sneaked out of his captors in a daring and dramatic escape.


Many Somalis believe that an unknown sum of cash was exchanged. In a noticeably demurred tone, Aweys declined to comment on the circumstances that led to Aubriere’s escape. Asked about the whereabouts of the second man, Aweys remarked in a thinly veiled reference to the rival group Al-Shabaab:

“He’ll talk for himself, or his captors will talk about it.”

Still, Aweys admitted of having differences with Al-Shabaab with respect to administration, but he praised the group as standard bearers for the “holy war against a common enemy.”

Suicide attacks

Unlike Al-Shabaab, Hizbul-Islam has not carried out a known suicide attack against the Somali government or AMISOM forces. Still, Aweys strongly defended the use of suicide attacks as a crucial part of a struggle against his enemy.

“An occupied, weak nation defends itself with whatever is in its disposal,” he said. In fact, he said, suicide attacks are global and effective. He cited Pearl Harbor as a glaring example.

What’s next for Aweys?

Aweys, believed to be his late 60s, is a career fighter. As a senior officer in the once powerful Somali army, Aweys participated in the border wars with Ethiopia in the 70s. But since the civil war in Somalia in 1991, he led Somalia’s best known militant Islamist group: Al-Itihad al-Islami. This group, branded by the US as terrorist organization, has a bloody history
spanning over a decade of conflicts in many parts of Somalia.

Asked if it he would consider reversing the course and giving the peace a chance, Aweys quipped: “The celebrated heroes of the world are career fighters.” Among others, he cited George Washington and Winston Churchill.

The enemy, he said, wants to destroy potential heroes,

Xafadaha Moqdisho Qaar oo an Caawa laga tukan Taraawix


Waxa goor dhoweyd ka bilowday magaalada Muqdisho dagaal aad u culus kaasi oo u dhaxeeya Ciidanka Amisom iyo kooxaha ka soo horjeeda.
Dagaalkan ayaa ka bilowday Wadada Makka Almukarama ilaa nawaaxiga KM-4 waxana la wada is ticmaalayay hubka noocyadiisa kala duwan, iyada oo dadku magaaladu aay ku afurayaan Dhawaaqa rasaasta Iyo madaafiic is daba socota.

Dagaalka ayaa la sheegay inu bilowday kadib markii kooxaha Dowlada ka soo horjeeda ay weerar ku soo qadeen Saldhigyada Ciidamada Amisom iyo kuwa Dowlada ay ku leeyihiin Xafada Hodan iyo jidka dheer ee aada Dabka,, qadar kadibna wuxuu isu badalay mid aad u culus oo wata Madaaficda Altaleeriga.

Dagaalkii galabta biloowday ayaa soo gaaray ilaa iyo cawa xiligii Salaada Cishaha, wkhtigaaso ay dadka saa'iminta ah aadi jireen Saalada Taraawixda, dhamaan xaafadihii ka agdhawaa goobahii la isku fara saaray ayaysan caawa u suuroobin in dadweyne badni ka cibaado tagaan, ayagoona ka baqanayay in jidka dagaalo ku qabsadan amabse ay xabad wiifta ahi leefto, maadama ay kooxhi is hardiyaya galabatay isu muuqdeen oo ay dhufeyesyo isgu jireen, tasoo suurta gal ka dhigi karta in marlabaad la isu qalab qaato, halka xaafadaha qaarna ayba dadkii xayireen Madaaficda loo yaqaan Altaleeriga oo si ba'an ugusoo dhacayay goobaha dadka rayidka ah dagan yihiin, waxyan ku beertay dadweynihii cabsi xoog leh. kadib marki qoys gurigooda ku sugnaa u madfac haleelay kuna geeriyooden goobti.

tairda saxda ah ee ku waxyeeloowday Dagaalak galabtay ilaa iyo caawa socday lama hayo, balse goobaha caafimadka ayaa lagasoo sheegayaa in la geeyay tiro dad ah oo u soo gaaray dhawaacyo kala duwan, kuwasoo lagu sheegay ilaa iyo 19-ruux, halka dhimashada rayidkana lagu sheegay 7-qofood, dhinacyada is haya lama hayo khasaarahooda sida caadada ah.

Banaadir Post

Sunday, September 6, 2009

Sh Xasan Daahir oo ka baxay magaalada Muqdisho degaana ka dhigtay Magaaldda Balcad dagaalka Muqdisha ku tilmaay Siyaasad aan dagaal daba ka wadeen si

Faaladda AXadda Sh Xasan Daahir oo ka baxay magaalada Muqdisho degaana ka dhigtay Magaladda meel u dhaw degmadda Balcad dagaalka Muqdisha ku tilmaay Siyaasad aan dagaal dabada ka wadeen siyaasad maaha, Arrinta ninkii Faransiiska ahaa ee afduubka loo haystay ka gaabsaday inuu ka hadlo.

Sh Xasan Daahir ayaa shacabka in gabaad in la ga dhigto ku tilmamay wax caadi ah ayna suurtagal aheen inay ka dhex baxaan waxuuna ku tilmaamay dadka ku dhex dagalamaya inay yihiin sida malayga oo kale marka inay nala dhintaan oo dhamadaan waa shay Yacni iska dabiici ah marka wax lala yaabo maaha, waxaa u ka gaasaday ninkii Faransiiska ahaa ee afduubka loo haystay iyo midkii lasii dayay isago sheegay warkiisa kan layhaysto cida haysataa sheegi doonta midka lasii dayay wuxuu ku gaabsaday hadda marabo inaan ka hadlo warkiisa .

Labo Gudoomiye inaaad kala magacabataan idinkoo hal magaalo dhinac ka wadda jooga sow maha wax lala yaabo , wax la yaabo maaha laba hay'adood oo qayriya ah hal magaalo waa ka wada shaqayn karaan markii la midobaa ayaa lagu hashiin karaa in hal gudoomiye la magacaabo .

Wararka naga soo garayo tuulo u dhow degmada Balcad ayaa shegaya si baxsad ah in uu ku gaaray Hogamiyaha Xisbiga Xasan dahir Xalay waxaana wehliyay dhoor gaari oo tiknika .
Qorshaha ka bixitaankan ayaan loo ogeyn waxa uu ku qotomo Inkastoo warar is qilaafsan ay kaso baxayaan , hase ahaatee waxay u badan tahay inuu ka war dhowraayo dagalada muqdusho ee kala baxa ah halka ay ku dhamanayaan, wararkale ayaa sheegaya in Wadaadka u markaan goostay inuu gaaro Gobolada dhexe ee Soomaaliya waxaa kaloo ay wararka shegayaan kadib markii uu ka war hellay inay xogaga Alshabaab ay amar ku bixiyeen in laso qabto uu isakaga dhaqaaqay Gurigiisa si uusan isku dhac u dhicin .

Waraka saakay subaxii laga helaayo hoyga xasan ayaa shegaya in Kooxda Al-sahbaab ay saakay waabarigii ay u dhaa-dhaceen guriga hogaamiyaha ku waasi oo ku sameyay baaritaano xoogan isla markaana kala baxeen Gaari saarnaa qoriga dhashiikaha,sidoo kalle waxa ay qab qabteen dhoor Sarkaal oo katirsan Xisbul islaam kuwaasi oo ku shirsanaa guriga .

Tuhunka soo kala dhex galay labadan koxood ayaa waxa uu ku salaysan yahay Hadaladii malmahaan laysla dhex marayay kasoo uu sii adkeyay Wasiirka Arimaha Dibada Somaliya Mr Jangali walow ay labadda koxood midba si gooni ah u beniyay ,Goobitaanka la gobaayo Saraakiisha ugu sareeso Xisbil islaam ayaa waxaa loo aanaynaa inuu ka dhshay tuhunka ku biritaanka la sheegay inay ciidamo ku biireen dowalada oo ka tirsanaa Xisbul Islaam haatana ay la balan sanyihiin ciidamo cusub inay ku biraan kadibna ay labalasan yihiin hogaamiya Xasan Daahir inuu yahay mid ka dhashay.

Dhanka kale Ciidamadda Amisom ayaa wararka naga soo gaarayo waxay shegayaan in ciidamo cusub oo ka socda dalalka Uganda iyo Burundi iyo Nageriya ay kusoo qul qulayaan , kuwasoo kala wareegaya kuwii hore ayna yihiin kuwii loogu tala galay inay noqdaan Nabad dhaliyeyaal.

Saanado Milateri oo ay sidaan diyaarado Waaweyn ayaa ka dagayay waabarigii saaka Garoonka Adan cadde ee magaladda Muqdisho .

Dhanka kale Afhayeenka Kooxda Al-Shabaab oo saxaafadda hadal siinayay ayaa ku celiyay in uu dagaal culus la gali doono ciidamada Midowga Afrika ee Amisom, waa wax loo baahnaa in wax laga bedelo awooda ciidamada Amisom, wxuuna ku goodiyay in dagaal culus la gali doonaan ciidamadaasi hadii ay fariisamadooda ka soo dhaqaaqaan halka uu shalay ku goodin jiray ina farasimadooda ay iyaga tagayan kulana dagalayaan .

Been waaye waxa ay shegayaan mana yeeli karaan oo ma yeeli doonaan; hadiise ay isku dayaan waxay noqonaysaa wixii aan rabnay " hadalkii ka soo baxay Midowga Afrika ee ahaa in ciidamada Amisom loo fasaxay in ay weeraraan xoogaga ka horjeeda dowladda KMG.
Muqdisho somaliya