Waxaa la socodsiin kari waayay kulan la doonayay in looga hadlo aayaha is bahasyiga mucaaradka ee Asmara,kulankaas oo ay qaban qaabinayeen kooxda tirada yar ee Oday daahir Aweys uu Asamara kula haray.
Waxaa la socodsiin kari waayay kulan la doonayay in looga hadlo aayaha is bahasyiga mucaaradka ee Asmara,kulankaas oo ay qaban qaabinayeen kooxda tirada yar ee Oday daahir Aweys uu Asamara kula haray.Kooxda Oday Daahir ayaa qorsheyneysay in kulankan la isugu keeno dhamaanba xubnaha is bahasyiga laguna marti geliyo Tuulada Asmara,waxaana la sheegayaa in sababta kulanku u fashilmay ay tahay xubnaha ugu badan ee Jabuuti jooga oo wax lagu qoslo ku tilmaamay in kulan ay Asmara u aadaan.Waxaa sidoo kael jirta caqabad kale oo ah in ragii yaraa ee looga kala tagay Asmara ay qudhoodu meel isku sheegi waayeen markii la balamay, sidaasina uu fashilku ku yimid.“Kulanka waxaa looga tashan lahaa aayaha isbahaysiga”ayuu yiri cabdi Fitaax maxamed oo ka mida xubnaha fara ku tiriska ah ee Asmara ku go’doonsan oo lahadlay warbaahinta caalamka.
Laakin warar soo baxaya ayaa sheegaya in hadii Oday Aweys uu heli lahaa culeyska ah aqlabiyada golaha dhexe uu damacsanaa xil ka qaadis in uu ku sameeyo labada shariif ,laakin taasi ay noqotay wax la gaari kari waayay laakin lagu riyooday.Masuulkan ka tirsan Isbahysiga Asmara aa ku dooday in kulankoodu uu dhici lahaa laakin waqtigii la balamay lagu imaan kari waayay sababo uu ku sheegay duulimaadyadii oo la haleeli kari waayay,hase ahaatee waxaa uu iloobay in caalamku uu hada yahay meel duulimaadyadu aanay ciriir ahayn hadii dalku aanu ahayn dal dagaalo ka jiraan sida Soomaaliya oo kale.
Banaadir Post.
