Madaxweyne Yuusuf iyo Cadde Muuse oo wada hadalo hoose ku yeelanaya magaalada Jabuuti.
Madaxweynaha Dowlada KMG ah ee Soomaaliya Cabdilaahi Yuusuf Axmed iyo Madaxweynaha Dowlad goboleedka Soomaaliyeed ee Puntland Cadde Muuse Xirsi ayaa wada hadalo xasaasi ah ku leh magaalada Jabuuti ee dalka Jamhuuriyada Jabuuti, markii uu halkaasi maanta gaaray Madaxweynaha Soomaaliya Md. C/laahi Yuusuf Axmed.
Madaxweyne Cabdilaahi Yuusuf ayaa la filayaa inuu kulamo la yeesho madaxda IGAD, QM, Midowga Yurub, Beesha Caalamka iyo Dowlada Jabuuti isagoo kala hadli doona arrimaha Soomaaliya.
Saraakiisha la socota Madaxweynaha Soomaaliya ayaa sheegaya in uu Madaxweyne Yuusuf uu siin doono Cadde Muuse talooyin ku aadan sida wax looga qaban karo falalka amaan xumo ee ka taagan gobalada Puntland iyo arrimo ku saabsan shidaal qodista Puntland ay bilowday.
Sidoo kale, warar hoose ayaa sheegaya in labada Madaxweyne Jabuuti kula kulmayaan Milkiilayaasha shirkado reer Galbeed ah oo shidaal qodiska ku shaqeysta si ay ugula tashtaan qaabkii shirkadahaasi shidaal ugu qodi lahaayeen gobolada Puntland.
Magaalada Jabuuti ayaa noqotay magaalo inta badan ku shiraan kooxaha Soomaalida iyo Beesha Caalamka iyadoo laga soo cara gadista magaalada Nairobi ee dalka Kenya oo hore u aheyd goobta kaliya ay inta badan isku arki jireen kooxaha Siyaasada Soomaaliya isku haya.
Banaadir Post
Mohamed Bupal
England.
