Thursday Oct 06, 2005,Good bye My dear brother, Abdulkadir Yahya!

My dear brother Abdulkadir Yahya,

On your behalf, I would like to thank each and everyone, national and international, for their prayers, condolences, support and sympathy.

I especially want to show my respect and admiration for those Somalians who have put your loss above our immediate family bereavement and considered your death as a national loss and who have seen you as a man of peace for all of Somalia .

My compatriots, I sincerely THANK you again, speaking for the family of Abdulkadir Yahya, for the warm Somalian feeling you have extended to us in these difficult times. I am proud to be one of you.

My brother, I remember that, when I left the country in 1990, I advised you to also leave the country for security reasons. Abdulkadir, your reaction then was, “ I was born in the most beautiful country of the world and I pray that, when my time has come, I will be allowed to die there”. My brother, your prayer has been answered and you have died in our beloved country.
However, the timing and the way you have been killed raises a lot of questions and brings up different emotions (baffled, disappointed, who is behind the murder? what is the motive?). There are a lot of speculations on who is behind your murder and why, but I don't want to pay too much attention to that. Fortunately, our family is not intent upon revenge or hatred or on more bloodshed. I am positive, Abdulkadir, that you would not have wanted that either. It would go against all your work towards reconciliation and peace.

Yet, I would like to pose a few questions, like you would have done. How is it possible that people can be shot dead, just like that, in our country and especially in Mogadishu ? How is it that nobody will or can prosecute the perpetrators? How long do we have to be bystanders? Where are the saviors of our country? These questions and many more must be answered by the Somalians themselves. Why? Because there is no other alternative than to pursue the search for the solution to this long and senseless war that already has claimed so many precious lives.
Finding the answers to these questions depends on the willingness of all Somalians, particularly the wise, the elders, the spiritual leaders, the mothers, the intellectuals, the young, truly everybody, to strive for collectivity, solidarity, perseverance, confidence, faith and the readiness to take action. The more I think about your murder and the current situation in our country, the more questions arise.

During your recent visit to Geneva , Switzerland , to undergo heart surgery, I asked you again to take things a bit easier and to stay abroad for a while. Your answer was that our people needed you badly, especially at that time. Consequently, you said that peace in Somalia was within reach. You dreamed of a country where people are not separated by their tribe or by the region they come from. But you foresaw a country where the people, be it Reer-Qurac, Reer-Qansax, Reer-Garas, Reer magaal, Reer baaddiye, Xoolaleey, Beeraleey, Kalluumaysato, Taajir iyo faqiir, can live together as valuable citizens of one nation. A country where there is respect for the life of every individual.

When your dream is shared by many it will no longer be just a dream but it will become ( Insha-Allaah ) the beginning of a reality of beautiful people in a beautiful country.

Finally, let me promise you three things:

• Your dear children will grow up in the loving care of their mothers ,all your brothers and all Somali piece loving people and they will get to know you well.

• The torch of peace that you have carried for so long will not remain untouched for long. I and hopefully many others will take it up again. I will follow in your footsteps and carry your message of peace until our country is delivered from this darkness.

• I will cherish your memory.

The past 15 years we have said goodbye to each other at various airports all over the world. It was our ritual to embrace each other. Today you are no longer physically present. That hurts, my legendary brother SHARAFLE. I will miss your wisdom, your courage and your enthusiasm. I will pray for you, Abdulkadir, that you will have a long and peaceful journey in the hands of the merciful Allah,

Aamiin.

The end is endless.
I will always love you.
Farewell,

Your younger brother

Ali Yahya

ayahye@wanadoo.nl

Rotterdam ,

Holland

Ciidamada dawladda Soomaaliya oo qaaday Baaritaano & Dagaalo dhacay degmada Dayniile

Ciidamada dawladda Faderaalka ee Soomaaliya ee ku sugan Magaalada Muqdisho ee Caasumada Soomaalida ,ayaa maanta qaaday Baaritaano balaaran oo ay la beegsadeen Kooxo looga shakisan yahay in qeyb ka yihiin dadka geysanaya falalka amaan daro.

Ciidamada dawladda Soomaaliya ayaa galey Guryo badan oo kuyaala degmada Dayniile ,waxa ayna goobahaasi kala baxeen dad looga shakisan yahay amaan darada ka taagan magaalada Muqdisho ,sida ay sheegayaan Saraakiisha amaanka ee dawladda faderaalka ee Soomaaliya.

Hadal hayeen uhadlay ciidamadii qaaday baaritaanadan ayaa shaaca ka qaaday in dagaal lugu qaaday ciidamada dawladda Soomaaliya markii ay galeen Xaafadaasi ay ku dileen 7 qof oo ay uga shakisan yihiin mucaaradka dawladda faderaalka ee Soomaaliya.

Guddoomiyaha Degmada Dayniile Mukhtaar Xasan Caddow oo wax laga weydiiyay eedeynta loo jeediyay Ciidamada Dowladda ayaa sheegay in dadka ay Ciidamada dileen ay ahaayeen kooxaha dagaalka kala soo horjeeda Dowladda Federaalka Soomaaliya, “saaka markii ay Ciidamada galeen Xaafadaha Degmada Dayniile ayay kooxaha nabad-diidka ah rasaas nagu soo rideen, kadibna waxaa toogtay Ciidamada Dowladda”ayuu yiri Guddoomiyaha Degmada Dayniile Mukhtaar Xasan Caddow.

“Waxba kama jiraan in Ciidamada Dowladda ay dad rayid ah dileen, qaata warka aan idiin sheegayo ee ah in dadka la dilay ay ahaayeen kooxaha dagaalka kala soo horjeeda Dowladda Federaalka”ayuu mar kale yiri Guddoomiyaha Degmada Dayniile Mukhtaar Xasan Caddow.


Waxey Hadal hayeenkan wuxuu kaloo sheegay in ay jiraan dad kale oo ay gacanta ku soo dhigeen ,kuwasoo oo uu sheegay in ay qabteen ayagoo wata hubka sida weyn udaadsan Muqdisho ee AK-47 ,oo ay inta badan qaataan Maleeshiyooyinka dalka Soomaaliya.

Afhayeenkan uhadlay dawladda Soomaaliya wuxuu sidoo kale hoosta ka xariiqey in ay dhinacooda soo gaarey Dhaawac qaar ka mid ah ciidamada dawladda Faderaalka ee Soomaaliya ,balse wuxuu ka gaabsaday in ay uu faahfaahin ka bixiyo tirada dhaawacantey.

Dhinaca kalena qeybo ka mid ah Magaalada Muqdisho maanta waxaa ka dhacay dagaalo udhaxeeyey ciidamada Milateriga ee dawladda Soomaaliya & Kooxaha ka soo horjeeda ,waxa ayna dagaaladaasi geysteen khasaare iskugu jira dhimasho & dhaawac.
Ciidamada Itoobiya oo dagaalkan ka qeybgalay ayaa lasheegay in ay isku fidiyeen deegaanadii ay dagaaladan ka dhaceen ,waxaana la adag helida xog buuxda oo ku saabsan dagaaladii ay galeen ciidamada dawladda Itoobiya.

Banaadir Post.
Xamar Cade.

Warbixin ay daabacday Wargeyska Al-xayaat ee ka soo baxa Caasimadda dalka Britain ee London, cadadkiisa maanta ayaa wax ka qoray Warbixin ay Hoggaamiy

Cajallad cusub oo Muuqaal ah oo ay Mu'asasadda Warbaahinta ee Al-saxaab ee taabacsan Ururka Al-qaacida ku soo bandhigtay Website-kooda in Taliyayaal ka tirsan Ururkaasi oo lagu kala magacaabo Abuu Xasan, Mustafa Abuu Al-yaziid (Sheekh Saciid), Khaalid Al-xabiibi iyo Abuu Khaliil Al-maddani ka mid ahaayeen Dagaalyahannaddii Al-qaacida ee ka qeyb galay Hawlgalladdii dagaal ee sannadihii 90-aadkii Ciiddamaddii UNITAF-UNOSOM iyo Dagaalyahanno Soomaali ah ku dhex maray magaalladda Muqdisho.

Cajalladda Muuqaalka ee lagu soo bandhigay Website-ka Al-saxaab iyo kuwo kale ayaa lagu muujiyey inay qaar ka mid ah Taliyayaashaasi ku shahiideen Hawlgallaaddii ka dhacay magaalladda Muqdisho, kuwaasi oo ka qeyb galay Hawlgalkii lagu soo riday labadii Diyaaradaha Qumaatiga U Kaca ee Black Hawk oo ay Dagaalyahannaddu soo rideen sannadkii 1993-kii.Cajalladda, waxaa si gaar ah loogu soo bandhigay burburkii Diyaaradahaasi oo ku soo dhacay Degmadda Wardhiigley iyo maydadkii askartii Maraykanka ee lagu jiidayey Waddooyinka magaalladda Muqdisho.

Abuu Xasan oo isagu sheegtay inuu hawlgalkaasi ka qeyb galay, ayaa sheegay inay haweenka iyo carruurta ku qoslayeen Ciiddamadda Marykanka ee khasaaraha loo geystay, isla markaana ay Ciiddamadaasi ka codsanayeen dadka rayidka inay badbaadiyaan, waa sida uu hadalka u yiri.

Wargeyska Al-xayaat, waxa kaloo Warbxiintiisa lagu xusay inaysan ahayn markii ugu horreysay oo ay Taliyayaal iyo Dagaalyahanno ka tirsan Ururka Al-qaacida ka hawl-galaan gudaha dalka Somalia, waa sida uu Wargeysku qoray, wuxuuna xusay in Taliyihii geeriyooday ee xubinta ka ahaa Al-qaacida, Abuu Xafsa Al-masri u yimid Somalia si uu u maareeyo Hawlgalladdii ka dhanka ah Ciiddamaddii Maraykanka, wuxuuna tababar siiyey Maleeshiyooyin Soomaali si ay isaga caabiyaan Milliterigii Maraykanka.

Dhinaca kale, Taliyaha lagu magacaabo Abuu Xasan oo ka qeybgalay Hawlgalladdii Milliteriga Maraykanka lagula galay magaalladda Muqdisho, ayaa Wareysiga uu siiyey Website-ka Al-saxaab ku sheegay inuu Hoggaamiyaha Ururka Al-qaacida, Sheekh Usaama Bin Laadin go'aansaday inuu xiligaasi tiro dagaalyahanno ah u diro dalka Somalia , si ay ula dagaalamaan Ciiddamaddii Maraykanka ee dalka Somalia u tegay si ay dhulka u fasahaadiyan, waa sida uu Taliyahaasi yiri.

"Waxaan dhowr jeer u ambabaxnay dalka Somalia, waxaana uga qeyb galnay dhowr jabhadood, siiba dagaallo ka kala dhacay magaallooyinka Muqdisho, Baydhabo iyo gobo kale oo ay xitaa Ogaadeeniyo ku jirto" ayuu yiri Taliyahaasi Abuu Xasan.

Isagoo arrintaasi sii ambaqaadayo, waxa uu shegay inay Dagaalyahannadda Al-qaacida isku qeybiyeen Kooxo, iyadoo ay Kooxo aadeen Koonfurta Somalia ilaa dhulka Ogaadeeniya, halka ay Koox kalena u ambabaxeen Xeebaha Somalia, siiba Magaalladda Muqdisho ilaa Baraawe, halka Koox kalena aaday Xeebta Raas-kambooni ee Koonfurta Somalia.Sidoo kale, Abuu Xasan, waxa uu sheegay inuu doorkooda ahaa sidii dagaalyahannadda Soomaalida loo tababari lahaa, iyo inaan hoggaamino Hawlgalladda ka hanka ahaa Ciiddamadda Maraykanka ee ku sugnaa gudaha dalka Somalia.

Si kastaba Warbixintaan ayaa ah mid ku soo aadaysa xili Xubno saraakiil ah oo ka tirsan Ciidamada Ciraaq dhawaan shaaciyeen in Kooxaha Ururka Al-Qaacida ka soo firxadeen dalka Ciraaq isla markaana soo aadeen wadamo ay ka mid tahay soomaliya si ay dagaaladooda uga sii wadaan.

Banaadir Post

Xamar Cade.

Gudoomiyaha Gobolka Banaadir ahna Duqa Muqdisho Maxamed Cumar Xabeeb [Maxamed dheere] ayaa markii ugu horreysay ka hadlay dilal iyo dagaallo maalmihii

Maxamed Dheere, wuxuu ku eedeeyay dilalka inay ka dambeeyaan kooxda argagaxisada gafuura duubato ee Al-shabaab isagoo sheegay inay damacsan yihiin inay indhaha ka tuuraan shacabka Somaliyed.

"Dilalkii ka dhacay Muqdisho waa kuwo loo geystay dad aad qiimo ugu leh Shacabka Soomaaliyeed gudihiisa, waxaana dilay kooxda gafuurka duubato ee Al-shabaab, gaar ahaan Al-takfiir oo loo sameeyay inay diinta Islaamka ceebeeyaan; waxayna u adeegaan gaalada"

ayuu yiri Maxamed Dheere.Gudoomiyaha Gobolka Banaadir, wuxuu intaas ku daray inay heleen fariimo arrintaas caddeyn u ah, isagoo daah-rogay in dilalkaas loo geystay ganacsade, gargaare iyo samofale.Muddo bil gudaheed ah ayaa waxaa lagu dilay Muqdisho dad badan oo ay ka mid ahaayeen: Ganacsadayaal kala ahaa Cabbaas Max'ed Ducaale iyo C/kariin Sh. Ibraahim Dhiblaawe; iyadoo laba casho ka hor lagu dilay Muqdisho Madaxii UNDP Marxuum Cusmaan Cali Axmed.

Gudoomiyaha Gobolka Banaadir wuxuu iska fogeeyay inay iyagu lug ku leeyihiin dilalkaas, wuxuuna isku difaacay inaysan iyagu dilin dadka kasoo baxa masaajidda, laguse yaqaan arrintaas Ururka argagaxisada Al-shabaab.

Afhayeenka ururka gafuurka duubato ee Al-shaabab Munaafiq Mukhtar oo la hadlay saxaafadda ayaa sheegay inay cambaareynayaan dilalkaas, iyaguna aysan ka dambeyn, isagoo dusha ka saaray ciidamada Itoobiya iyo kuwa Dowlada Federalka waa siduu hadalka u dhigee.

Dhanka kale, Maxamed Dheere oo ka hadlay dagaallada inta badan ka dhaca caasimada ayaa xusay inay yihiin kuwo jabinaya heshiiskii lagu gaaray Jabuuti, iyaguna ay diyaar u yihiin wixii hadda ka dambeeya inay iska difaacaan muqaawamada.

"Waxaan sugaynaa Ra'iisul wasaaraha inta uu dalka uga soo laabanayo, waxaana u bandhigi doonnaa qorshayaal sir ah oo aan ka haynno kooxaha Dowlada Federalka ka horjeeda, innagoo qaadan doona tallaabo ka duwan midda ay qaateen" ayuu yiri Maxamed dheere oo saxafiyiin ku hadlay Muqdisho.

Banaadir Post

Xamar Cade.

Dhibaatada waa loo adkaystaa markay muuqato dadaal loogu jiro xallinteeda. Soomaaliduse waxay u eg tahay inay ku heshiisay yaan qof inaga harin".

Jahawareerka iyo hoogga iyo ba,a waxaa ka sii daran sida aayuhu u fool xun yihiin. Qofka wanaaggiisa waa loo qiraaye, Raiisul wasaare Nuur Cadde wuxuu muujiyey odaynimo iyo nabad raadin. Wuxuu isku dayey intii awooddiis ah, sida noo muuqata, inuu Soomaalida isu keeno oo wada hadal siiyo. Wuxuu ogaaday inaan Soomaaliya xal kale lahayn in Soomaalidu heshiiso mooyee.

Wuxuu ogaaday in ciidammo shisheeye intay doonaan ha tiro le,ekaadeene aanay demin karin dabka shidan.

Wuxuuse Nuur Cadde noqday nin dhagax la hadlaya. Dowladda uu Raiisul wasaaraha u yahay oo ay ku badan yihiin dagaal-oogeyaal u miciyo lisanaya in dowladdu burburto oo ay hawshoodii laga dhabqiyey meesheedii ka sii wataan, wuxuu kala kulmay eedayn joogta ah oo lagu mija xaabinayo dadaalka uu wado.

Xagga kale kuwa Mucaaradka ee Casmara iyo gudahaba waxay intooda badani toos ugu sheegeen inaysan heshiis rabin. Marmarsiinyahoodu waa waddaninimo iyo diin jaceyl.

Labadaasi waxay noqdeen geed dhiigyocab kastaa ku gabbado si uu u gaaro dantiisa gurracan. Nuur Cadde ma quusan, wuxuuna helay nin Muuritaaniya u dhashay una shaqeeya Qarammada midoobay oo arrinta Soomaalida si walaalnimo u doonaya in la xalliyo.

Axmed Wild Cabdalla wuxuu isku xiray isbahaysiga Casmara iyo Nuur Cadde isagoon ka daalin inuu toban jeer isaga daba ka laabto si uu isugu soo dhaweeyo Soomaalidaas qarriban. Sidaan qabo, nin kale waa ka daali lahaa, laakiin Wild Cabdalla waa lafo diriray. Dadaalkii Wild Cabdalla iyo Nuur Cadde waxaa ka dhashay heshiiskii Jabuuti.

KALA QAYBSANKA ISBAHAYSIGA

Isbahaysiga Casmara way ku qaybsameen heshiis raadinta, kala qaybsankaasina wuxuu salka ku hayaa siday markoodii hore u kala duwanaayeen. Dhammaantod waxay ku midaysnaayeen ka soo horjeedka dowladda ku meelgaarka ah, laakiin wax kasta oo kale way ku kala duwanaayeen.Qaarkood waa niman aaminsan Soomaalidu inay gaalo yihiin oo hadda la baro diinta, si taas loo helana waa inay iyagu talada dalka xoog kula wareegaan.

Qof kasta oo taas hadal ka keena dhiiggiisu waa bannaan yahay.

Itoobiya waa ku gabanayaane, wadahadal marna ma oggola xataa hadday Itoobiya baxdo.

Qaarkood waxay ka socdaan ganacsatada ku naaxday dowlad la,aanta, marna aan oggolaaneyn in dalka dowladi ka dhalato noocay doonto ha ahaatee. Qaarna waa dad dano qabiil wata, kuna hoos gabbanaya diin iyo dal jaceyl. In yar oo isbahaysiga ka mid ah ayaa la oran karaa waa dad Soomaalinnimada iyo muslimnimadu ka dhab tahay, sidaan qabana waa kuwa maanta go,aansaday inay ka qayb galaan wadahadalka oo uu hoggaaminayo Sheekh Shariif Sheekh Axmed.

Itoobiya sidii ay rabtay ayaa wax u socdaan, Zenawina ma kala jecla haddii askartiisa oo dhan la laayo. Awalba wuu soo qafaalay, kharashkana Maraykan baa bixinaya. Waa inaan ogaannaa in Itoobiya ay weligeed na xukumayso inta ay Soomaalidu qaybsan tahay xataa haddii ciidammadeedu dalka ka baxaan. Maanta Itoobiya iyada ayaa xukunta Somaliland iyo Puntland, ninkasta oo madax ka ah gobolladaasna markay rabto ayey xirtaa. Sidaa awgeed, haddii itoobiyaaku maanta ciidammadiisa ka saaro dalka weli Soomaaliya Addis abba ayaa laga xukumayaa haddaynaan heshiin.

Dadka marmarsiinyaha ka dhiganaya Itoobiyaan dalka ka saaraynaa taas waa ogyihiin, laakiin dan kale ayey leeyihiin. Haddii Soomaalidu heshiiso Itoobiya maalin dalka ma joogi karto. Weligaa ka maqli meysid dadkaas dagaallamaya waxa ay sameyn doonaan haddii dalka itoobiya laga saaro Waxay oranayaan " taas hadda looma joogo" Waa runtood oo iyagu waxay aaminsan yihiin in marka Soomaalidu isu soo harto in iyagu gacanta sare leeyihiin.

Waxay u dagaallamayaan intooda badani in ay boobaan hantida, daadiyaan dhiigga, degaan dhulkii iyo guryihii ay ka boobeen dadka. Waxay rabaan inay isbaaro dhigtaan jid kasta, kufsadaan gabar kasta, dhoofiyan soona dejiyaan waxay rabaan xataa dadka nool. Qofka qorshahaas wataa wax kasta oo nidaam iyo dowlad la yiraahdo ma oggola.Kaba soo qaad in Itoobiya maanta ciidammadeeda gurato.

Maxaa xiga? Waxaa xiga in Soomaalidu meesheedii ka sii waddo dagaalka sokeeye, qof kasta oo muuqda la dilo, maatadu baaba,do,jid kasta isbaaro la dhigo, dalkuna noqdo meel dadka lagu qasho. Intaas oo ay siidheertahay in Itoobiya weli na xukunto. War Ilaah baan idinku dhaarshaye waxaasi xornimaa Soomalidu waa inay ogaataa qodobbadan aan kusoo koobay maqaalkan;

1) Ka xoroobi maynno Itoobiya inta aan innagu is-haysanno xataa haday ciidammadeeda la baxdo

2) Itoobiya naga adag intaan qaybsannahay

3) Ma jiro urur, qabiil ama koox inta kale xoog ku muquunin karta

4) Ka bixi maynno hooggan jeeraan yeelanno dowlad

5) Si dowlad loo dhiso waa in dabac iyo tanaasul la sameeyaa

6) Qof kasta oo Soomaali ah xaq buu u leeyahay inuu ka qaybqaato talada dalka Sidaa awgeed waa inaynnu adeegsannaa caqliga Ilaah ina siiyey illeyn xoolo ma nihine.

Diinta iIslaamkana yaan la wasakheyn oo lagu bannaysan dhiigga dadka waana in la ogaadaa dad baa la siraaye Ilaah lama siro Wuxuu ogyahay waxa qarsoon iyo waxa muuqda.Dagaal in noogu filan waa aragnaye bal aan eegno waxa dhaca haddii la wada hadlo. Waa bilow wanaagsane aynu taageerno heshiiskii Jabuuti. Waxaa laga yaabaa in Ilaah inaga siiyo dowlad dabka demisa, dalkana u diyaarisa nabad, heshiis, walaanimo iyo dowlad lagu negaado.

WA BILLAAHI TAWFIIQ.

Cabdiraxmaan Cilmi Xaashi

Kala xiriir:

Abdirahman.Elmi.Hashi@sshf.no

Geeridii Marxuum C/qaadir Yaxye, weli xusuus ayay nagu tahay dhamaanteen ama inta wanaagsan

Seddex sano ka hor xalay oo kale ayay ahayd markii ay kooxo hubeysan gurigiisa ku dileen marxuum C/qaadir Yaxye Shiikh Cali oo ka mid ahaa Mas’uuliyiinta sare ee Hay’adda Cilmi baarista iyo wadatashiga CRD.

Marxuum C/qaadir Yaxye waxaa uu ka tegay xusuus aysan hilmaamin Dadka Soomaaliyeed, taasi oo ah kaalintii uu ku lahaa u ololeynta nabadda, dib u heshiisiinta, horumarinta dhaqaalaha Soomaaliya, wuxuuna si weyn uga shaqeyn jiray sidii loo soo celin lahaa Nabaddii iyo kala dambeyntii Soomaaliya.

Hadallo uu ka jeediyay Shirar badan oo uu ka qeybgalay ayuu ka sheegay hadallo weli taagan oo ku aadan Dhibatada Soomaaliya ka jirta haddii ay ahaan lahayd dilalka, xaalufinta lagu hayo kheyraadka dalka iyo weliba sida uu dalka Soomaaliya dhul, cir iyo bad uu u noqday mid laga isaga tallaabiyo waxyaabo sharci darro ah.

Dalalka Kenya iyo Ethiopia ayuu sheegay in ay lacag aad u badan Qaad uga bedeshaan Dadka Soomaaliyeed, sidoo kalena ay Dowladda Itoobiya lacag aad u badan ugu bedesho dadka Soomaaliyeed hub, wuxuuna intaas ku daray in uu dalka Soomaaliya noqday meel la isaga gudbiyo waxyaabo sharci darro ah oo ay daroogada ka mid tahay.

Runtii C/qaadir Yaxye waxaa uu ahaa Nin wax badan ku baraarujin jiray Dadka Soomaaliyeed inay aayahooda ka tashadaan, isla markaana ay ogaadaan wixii dhibaato ugu jirto iyo wixii u faa’iido ah, wanaaggaas uu Umadda u sheegayay dartiis ayaana loo dilay, sida ay sheegeen Dad badan oo ka qeybgalay aaskiisii oo dhacay 11-kii July 2005.

“Magaalada hadda aan joogno ee Muqdisho dadka ayaa la dilayaa, Soomaalida dhaqan iyo caado uma lahayn in ninka wax dila uu dadka iska dhexmaro qof la hadlana aysan jirin, dadkiina dad nool oo sharaf, diin, dhaqan iyo caado leh waaye, waxba kama duwana marka dhurwaa intuu Ri’ iska qabsado iska dilo oo halkaas iska maro, Dadka waa ka sheekeynayaan dhibaatadaas waxba kama qabanayaan, dadkaas annaga ayaa ka mid ah, idinka ayaa ka mid ah, kuwa naga maqan ayaa ka mid ah, Dad badan oo Diinta iiga fiican ayaa idinku jira, Soomaaliya xaaladdeeda waxay taagan tahay Aleysa Minkun Rajulun Rashiidun, mala waayay hal nin oo fiican oo idinka mid ah”

ayuu ka yiri C/qaadir Yaxye Dood wadaag looga hadlayay Xal-u-helidda Mushkiladda Soomaaliya, taasi oo ay soo qaban-qaabisay Hay’adda CRD.Waxaa xusid mudan in ay sii socdaan waxyaabihii uu marxuum C/qaadir Yaxye ka digi jiray ee ay ugu horeeyeen dilalka dadka aan waxba galabsan loo geysanayo, kuwaasi oo kuwii ugu dambeeyay loo geystay Afhayeenkii Ganacsatada Gobolka Banaadir Cabaas Maxamed Ducaale,

Guddoomiyihii Guddiga Taakuleynta Agoonta C/kariin Shiikh Ibraahim Dhiblaawe oo isaguna ganacsade ahaa iyo Cusmaan Cali Axmed oo ahaa MAdaxii Xafiiska Muqdisho ee Hay'adda UNDP, kumaan kale oo Somali nah 17 sano si ugaarsi ah loogu diley. iyo kuwa ka baxsadey oo dhaawacyo la gaarsiiyay.

Wuxuu ka hadlay C/qaadir Yaxye waxyaabo haddii ay sameyso ay ku guuleysan karto Dowladda Federaalka Soomaaliya oo xiligaas xubnaheeda ay Muqdisho iyo Jowhar kala deganaayeen, wuxuuna sheegay in ay Dowladda guuleysan karto haddii ay la timaado cod dib u heshiisiineed, wuxuuna sheegay in haddii ay cod dib u heshiisiineed oo ka qaldamay Dowladdii Carta ay la timaado ay guuleysan karto, haddii ay la imaan weysana ay guul-darreysaneyso.

sidaas waxaa intii uu noolaa yiri C/qaadir Yaxye oo intaas ku daray in Soomaaliya ay u eedeysan tahay Shacabkeeda, Shacabkeedana ay u eedeysan yihiin amuur aysan iyagu ka arimin.

Marxuum C/qaadir Yaxye Shiikh Cali isagoo dhibaatada Soomaaliya ka fogaan karay ayuu go’aansaday in uu dhibataada la qeybsado dadka Soomaaliyeed, isagoo uu dhibkii la qeybsanaya ayaana la dilay.

Magaalooyin badan oo ka tirsan Caalamka ayaa maanta waxaa lagu qabanayaa xusas loogu baroor-diiqayo marxuum C/qaadir Yaxye Shiikh Cali oo u ololeyn jiray Nabadda iyo Xuquuqda Aadanaha.

Ugu dambeyntii, Marxuum C/qaadir Yaxye waxaa uu ku dhashay Magaalada Muqdisho sanadkii 1957, wuxuuna wax ku bartay isla Muqdisho, wuxuu ka soo shaqeeyay Wasaaraddii Beeraha xiligii Dowladdii hore, Safaaraddii Mareykanka ee Soomaaliya ayuu ka soo shaqeeyay, sidoo kale wuxuu ka soo shaqeeyay howlgalkii rajo soo celinta ahaa ee UNOSOM II ay Soomaaliya ka waday, wuxuu la soo shaqeeyay Midowga Yurub, wuxuu xubin ka ahaa Bahda Isboortiga Soomaaliyeed, wuxuu la soo shaqeeyay Hay’adda Daryeel Bulsho Guud (DBG), markii ugu dambeysayna wuxuu ka tirsanaa madaxda Hay’adda Cilmi Baarista iyo Wada-tashiga CRD>

Banaadir Post.