Muuse Caraale "Dagaalka B/weyn waxaa ka dambeeyay Cumar Xaashi oo xilligan dagaal ku baaqaya"

Sheekh Muuse Cabdi Caraale oo ah Afhayeenka Ururka Xisbul Islaam garabka uu hogaamiyo Dr. Cumar Iimaan ayaa ka hadlay dagaalka ka socda Magaalada B/weyn, kaasoo u dhaxeeya ururkooda iyo Maxkamadaha Islaamka ee raacsan Dowladda Soomaaliya.

Muuse Caraale ayaa ku eedeeyay inuu dagaalka ka mas'uul yahay, isla markaana uu ka dambeeyay Wasiirka Amniga Qaranka Col. Cumar Xaashi, sida uu hadalka u dhigay.

"Mas'uuliyada dagaalka B/weyn waxaa is ka leh ninka 70-jirka ah ee Cumar Xaashi la yiraahdo oo xilligan dagaal ku baaqaya"ayuu yiri Muuse Caraale oo intaa ku daray in aan dhankooda dagaalka mas'uul ka aheyn oo weerarka uu ahaa mid lagu soo qaaday sida uu yiri.

Waxaa uu sheegay in Cumar Xaashi uu maalmihii u dambeeyay uu waday isku dayo uu dambi ugu yeelayo Mujaahidiinta iyo inuu guluf colaadeed ku jiray, kaasoo ah buu yiri inuu dagaal ka dhex qarxo Mujaahidiinta sida uu hadalka u dhigay.

Dagaalka u dhaxeeya Maxkamadaha islaamka iyo Xoogaga Xisbul Islaam ayaan la ogeyn sababta ka dambeysa, hase yeeshee maalmihii u dambeeyay ayaa waxaa taagnaa muran ku taagan howlo canshuur uruurin ah oo ay Maxkamaduhu ka bilaabeen Magaalada B/weyn.

Banaadir Post
banaadirpost@gmail.com

Qarax lala beegsaday caawa Axmed Diiriye

Wararka naga soo gaaraya Suuqa Bakaaraha ee magaalada Muqdisho ayaa sheegaya in caawa qarax miino iyo rasaas culus lagula eegtay albaabka hore ee guri uu daganaa afhayeenka Odayaasha Hawiye Axmed Diiriye Cali, kaasoo uu si dirqi ah kaga bad-baaday afhayeenka.

Axmed Diiriye ayaa miinadan loo galiyay meel aan ka fogeyn albaabka gurigiisa, waxaana uu qaraxu dhacay xilli uu ku yimid guriga gaari uu watay oo ilaalo la socotay.

Qaraxa kadib ayaa waxaa goobta la isku weydaarsaday rasaas, taasoo u dhexeysay ilaalada Axmed Diiriye iyo kooxihii miinada u dhigay afhayeenka oo gidaaro ku dhakanaa cabsi weyna ku habsatay.

Axmed Diiriye ayaa caawa mar uu wareysi dhiibay kadib dhacdadan ayaa sheegay in kooxda Al-Shabaab ey dhalinyaro usoo dirtay isaga iyo lix nin oo kale oo ka tirsan golohiisa iyo golaha Abwaanada oo uu ku jiro Abshir Bacadle, wuxuuna intaa ku daray in ragga loosoo diray ey gaarayaan 16-nin oo inta badan ey yiniin dhalinyaro raxanweyn ah iyo qaar mareexaan ah, waa sida uu hadalka u dhigaye.

Wali si rasmi ah uma cada qasaaraha gaaray afhayeenka iyo gaarigiisa, laakiin wararka qaar ayaa sheegaya in uu ka bad-baaday qaraxaasi lagu doonayay in lagu khaarajiyo.

Horay ayaa hanjabaadyo loogu jeediyay odayaashan, waxaana ey sheegeen in ey sii wadi doonaan dadaalada nabadda ee ey ku jiraan islamarkaana eysan u joojin doonin kooxaha u hanjabaya.

Mudo dheer ayay markii oo dhex jirey wax aan Somali weyn dan u ahayn, wuxuu ku lug lahaa dhibaatooyin badan oo Somalia ka dhacey 20-kii sano oo la soo dhaafey.

Banaadir Post.

banaadirpost@gmail.com

Oday Xasan Daahir oo dib ugu laabtey tuulada Asmara iyo Waanwaantii Lagu Dhaxdhaxaadinayey isaga iyo Dowlada Federalka oo Faashil ku Dhamaatay

Oday Xasan Dahir ayaa bartamihii bishii hore wuxuu si qarsoodi ah uga ambabaxay magaalada Asmara isagoo Magaalada Khartuum intii uu ku sugnaa kulamo kula duwan la qaatey maamulayaasha dalkaasi Suudaan oo uu ugu horeeyo Madaxweynaha dalka Suudaan Cumar Xasan Al-Bashiir, waxaana ay ka wadahadleen sidii odaygu uu ugu biiri lahaa qorshaha dib u heshiisinta ee la wado iyo in uu ku laabto magaalada Muqdisho uuna taageero dawlada Somaliya ee uu madaxweynaha ka yahay Sheekh Shariif Sheekh Axmed.
Hadaba nasiib daro Oday Xasan Daahir Aweys ayaa shuruudo adag hordhigay Dhexdhexaadiyayaashii Wakiilka ka ahaa Dowladaha Suudan & Liibiya, wuxuuna Odaygu ku adkeystay inuusan heshiis la geli doonin Sheekh Shariif & xubnaha uu soo dirsaday, inta ay dalka joogaan Ciidamada AMISOM iyo in marka hore liiska dadka ay ku raad joogaan Mareykanka & UN-ka laga saaro, sidoo kale wuxuu shaki geliyay iney Dowladani ay tahay mid sharci ah oo ka wakiil ah Shacbiga Soomaaliyed, isagoo ugu baaqay ergada iney kala diraan oo gogol cusub loo fidiyo dhamaan qeybaha ay ka kooban tahay Soomaaliya si loo dhiso Dowlad loo dhan yahay oo cusub waa siduu hadalka u dhigay.

Dhanka kale Dib u laabashada Oday Xasan Daahir Aweys uu ku tagey tuulada Asmara ee dalka Eritrea oo uu dhawaan ka soo baxsaday ayaa waxaa ka soo baxaya warar sheegaya in uu ku yimid wadahadal dhexmarey dowladaha Suudaan iyo Eritrea, inkastoo ay jiraan warar aan si buuxda loo hubin oo sheegaya in Eritrea ay cadaadis ku saartey dowlada Suudaan inay dib ugu soo celiso dalkeeda Oday Xasan Daahir.

Sikastaba ha ahaatee Arinkaan ayaa waxaa loo arkaa in ay ka danbeysay ka dib markii Madaxweyne Sheekh Shariif uu ku soo hingoobay shirkii Carabta ee ka dhacay dalka Qadar.

Odaygan ma ahan nin nasiib fiican, dhinac walba Sheekh Shariifna waa ogyahay, tan kale qabiilka iyo gooni socodka ayaa ku badan odeyga, ma ahan nin aad loo aamini karo.

Banaadir Post.