Midoowga Ganacsatada Soomaaliyeed oo taageeray heshiiska nabadda JabuutiDjabuutiMidoowga Ganacsatada soomaaliyeed ee dhawaan lagu unkay dalka jabuuti ayaa si hagar la aan ah u taageeray heshiiska nabada ee dhawaan lagu saxiiday dalka jabuuti iyagoona ku booriyey labada dhinac in ay si taxadir ah u dhoowraan heshiiska eyna fuluyaan xabad joojinta .
Masuuliyiintaa oo xaruntooda weyn ay ku taalo wadanka jabuuti ayaa si hagar laaan ah u taageeray heshiiska uu hormodka ka yahay Sheikh Shariif Sheikh Axmed iyagoona Sheikh ku tilmaamay shaqsi ku fiican hogaan wax walbana ay kala weyntahay sharafta Diinta iyo Dalka .
Ganacsatadaan uu Gudoomiye u yahay Axmed Nuur Cali Jimcaale ayaa si weyn u taageeray heshiiskaan Ciidamada Itoobiya looga saaraayo dalka waxeyna xuseen in ay muhiim u tahay dalka Soomaaliyeed oo xiligaan ku jira dhibka iyo rafaadka .
Mid ka mid ah masuuliyiinta ganacsatadaan ayaa ka dhawaajiyey in xiligaan loo baahan yahay nabad iyo dowlad dadka kaafiso madaama qilaaf lagu jiray 18sano wax faaiiida ah oo laga heleyna aysaan jirin.
Shaqsiyaadka taageeray heshiiskaan oo aad u badnaa ayaan ka xusi karaa Axmed Nuur Cali Jimcaale oo ah gudoomiyaha Xaaji Abuuker Cumar Caddaan Cabdi Cali Faarax iyo kuwa kale oo badan oo aan inta ku soo koobi karin.
Soo dhaweynta ay soo dhaweyeen masuuliyiintaan ayaa waxaa uga horeyey Soomaalida inta nabada jecel marka laga reebo shaqsiyaad isaga iyo reer kiisa ay ku nool yihiin wadamada reer galbeedka kuwaas oo ku nool Certa Ilmahoodana ay heystaan Amni iyo nolo aysan heysan ilamaha geedka hoostooda roobka uga daaayo .
Xafiiska war qabadka DayniileGoternburg, .Swedendayniilenews@yahoo.com ,dayniilecom@hotmail.com
