Afhayeenka ururka Ahlsuna Waljameeca Sheekh C/laahi C/raxmaan ayaa sheegay in ay ku mashquulsanyihiin in ay saldhigyo Ciidan ka dagaan Magaalada Muqdisho si ay afkaartooda u faafiyaan cida ka hortimaadana ay ulala diriraan.
Waxa uu sheegay in hada ay heystaan Gobolka Galguduud ayna dareemayaan in taagerayaaashoda Muqdisho u baahanyihiin in ay heleen cudud milatari oo ay ku gorgortamaan iskagana difaacaan cid walbaa oo u hawoota.
“Waxaad ogtahay in culima badan nalaga dhibay oo naloo diiday in aan dhigano mowliidki nabiga qabuuro badan nalaga dumiyey oo ay mashaa’ikh badan ku aasneyd , waxaas oo dhan waxey nagu qasbaayan in aan hub fara badan sii sameysana oo aan afkaartena baahino “ Ayu yiri Sheekh C/laahi Abu qaad.
Uruka Ahlusana Waljameeca ayaa hadii ay dhacdo in ay saldhigyo cusub Caasimada ka sameynayaan waxaa ay noqon doonto xaalada Caasimada oo ka sii darta maadama xoogag cusub ay yimaaden .
Sida la wada ogyahay waa dhib soo siyaadey kuwan diimaha sheegta iney yihiin dhib ka jira dalka Somalia, waxaana la wada ogyahay in dagaal lama huraan yahay.
Banaadir Post
Xamar Cade.
