Warar lagu kalsoon yahay oo laga helay ilo muhiim ah ayaa sheegaya in Saraakiisha Xukuumada Asmara ay ku wargelisay garabka ku harsan dalkooda in ay go’aan cad ka qaataan Gudoomiye yaasha Golayaasha Fulinta & Golaha Dhexe ee Isbaheysiga Qarandiidka Asmara Sheekh Shariif Sheekh Sheekh Axmed & Shariif Xasan Sheekh Aadan, isla markaasna shirka soo afjaraan ugu dambeyn 20-ka bishaan Shirarka la sheegay iney ka socdaan magaalada Asmara.
Xogtaan, ayaa tibaaxeysa in kadib markii ay Saraakiisha sirdoonada Dalkaasi ee ku sugan magaalada Sanca ay ku wargeliyeen Madaxda Dalkaasi in shirka ka socda magaalada Sanca uu u muuqdo mid aan dani ugu jirin Dowlada Eratrea, isla markaasna ay labada ergo iskaga soo dhowaadeen inta badan qodobadii laga doodaayay, waxeyna xogtaan intaasi raacisay in Ergadaasi ay xiriir xagga khadka teleefonka ah la sameeyay Yuusuf Maxamed Siyaad Indhacadde oo isna ku wargeliyay in ay shirarka joojiyaan, isgaoo dhaliilna dusha uga tuuitay hogaanka sare ee isbahaysiga mucaaradka.
Jaale Indahcadde aya aku dooday in ay jiraan ganacsato iyo wax garad kale oo uu ku eedeyay inay lasafteen madaxda isbahsyiga ee kala ah sheekh Shariif iyo Shariif Xasan Sheeekh Aadan.
Xiisaadan uu soo kordhiyay Indhacadde ayaa la sheegay inay timid kadib markii uu ku hungoobay damiciisiiku wajahnaa in shirka Sanca la hakiyo fowdana laga dhexd abuuro xubnaha isbahaysiga ee Sanca Jooga.
Shaqsigaan ayaa la sheegaa inuu xiriir dhow oo wada shaqeyn ah la leeyahay Xukuumada Asmara isla markaasna uu gudaha Soomaaliya ka wado olole balaaran oo uu kaga dhaadhicinaayo Saraakiisha qolooyinka Kacdoonka iney aragtidiisa taageeraan, wuxuuna todobaadkii ugu dambeeyay safro qarsoodi ah ku kala bixiyay Gobolada Bay, Bakool, Sh/hoose Galguduud & Hiiraan oo uu haatan ku sugan yahay, waxaana safarkiisa ku wehliyay Saraakiil ka tirsan Sirdoonka Asmara kuwaasoo bixinaaya balanqaadyo been ah oo ay ku doonayaan iney ku jahwareeriyaan Saraakiisha Xoogaga Kacdoonka ee daacada u ah Gudoomiyeyaasha Isbaheysiga dib u xoreynta Soomaaliya Shariif Sheekh Axmed
Banaadir Post
Xamar cade.
