Dowladda Itobia oo guulo ka sheegatay dagaaladii G/dhexe

Xukuumadda Addis-Ababa ee wadanka Ethiopia, ayaa markii ugu horeysay ka hadashayDagaaladii ugu dambeeyey ee ay Gobalada Bartamaha Somalia kula gashay xoogaga hubaysan ee kula dagaalamaya gudaha dalka Somalia.

Bayaan ay soo saartay Wasaaradda Gaashaandhiga ee Ethiopia ayaa lagu sheegay in 71- Dagaalyahan ay ka dileen Todobaadkan xoogaga hubaysan ee Somalia, ka dib dagaalo fool ka fool ah.

Bayaankan Wasaaradda Difaaca Ethiopia oo ah kii ugu horeeyey ee ay kasoo saarto hawlgalada ay fuliso sidoo kale lagu xusay in kooxaha ay dishay ay ku jiraan saraakiil ka tirsanaa garabka hubaysan ee Midowga Maxaakimta iyo xoogaga Al-Shabaab ee sida daran ula dagaalama ciidamada Ethiopia.

Hase ahaatee bayaankaan Wasaaradda Gaashaandhiga ee Ethiopia laguma xusin tirada ciidamada Ethiopian-ka ee looga dilay dagaaladii ay xoogaga Soomaalida kula galeen deegaana hoos yimaada gobolka Hiiraan ee bartamaha Somalia.

Ethiopia, ayaa Kumanaan askarteeda ah ku daadgureysay Somalia dabayaaqadii sanadkii 2006-da, iyadoo taageereysa Dowladda KMG Somalia oo xilligaas dagaalo qarara kula jirtay Golihii Maxkamadaha Islaamka Somalia ee laga awood roonaaday.

Bayaanka Wasaaradda, ayaa imaanaya xilli Afhayeen u hadlay Maxkamadaha Islaamiga uu sheegay inay goolo wax ku ool ah ka gaareen islamarkaana ay khasaaro xooggan dhabarka u saariyeen Ciidamada Ethiopia dagaaladii ugu dambeeyey ee ay Gobalka Hiiraan.

Banaadir Post.

Somalia.

Ururka Alqacidda oo Ciidan ku aruursanaya meelo ay Somalia kamid tahay.

Sida lagu soo daabacay Jariiradda "The New York Times" ee ka soo baxda dalka Maraykanka, Ururka Al-qaacida ee uu hoggaamiyo Sheekh Usaama Bin Laadin, ayaa isaga soo huleeli doona dalka Afganistan iyo qeybo ka tirsan dalka Ciraaq, kadib, markii ay heleen saddex dal oo ay kaga badbaadi karaan waxyeelladda duqeynta dalalka Reer Galbeedka ee baacsiga ku haya Al-qaacida.

Dagaalyahannadda Ururka Al-qaacida, ayaa la sheegay inay dalalka Somalia, Algeria iyo Pakistan iska soo abaabuli karaan, isla markaana tababar ciiddan ku qaadan karaan, si ay u geystaan falal ka dhan ah danaha Reer Galbeedka ku leeyihiin Mandiqadaasi.

Wargeyska, waxa uu qoray in Warbixintan laga soo xigtay Hay'adaha Difaaca iyo Mukhaabaraadka ee Reer Galbeedka lagu sheegay in xuddunta Ururka Al-qaacida ay tahay Deegaannadda ay ka taliyaan 0dayaasha Dhaqanka ee dalka Pakistan, halkaasi oo aysan joogin Xukuumadda Madaxweyne Musharaf.

Warbixinta, waxaa kaloo lagu xusay in dalalka Somalia iyo Algeria ka jiraan dagaalyahanno loogu yeero "Al-qaacidada Islaamiga ee Maqrib", taasi la unkay sannadkii 2004-tii, kuwaasi oo leh awood aad u ballaaran iyo Moraal ay ku garaacaan Danaha Reer Galbeedka.

Labo hoggaamiye oo ka tirsan Ururka Al-qaacida ayaa lagu dilay dalalka Algeria iyo Somalia horraantii sannadkan.Kooxaha Islaamiyiinta Algeria, ayaa safka hore ka dhigtay waxa loogu yeero Hawlgalka Argagixisadda oo ay ku jiraan isku-qarxinta gawaaridda iyo laynta Dalxiisayaasha Reer Galbeedka.

Warbixinta Jariiradda The New York Times, ayaa sidoo kale lagu xusay inay dagaalyahannadda Wax iska caabinta ee ka dagaalama gudaha dalka Somalia, gaar ahaan Koonfurta ay yihiin kuwo ka soo kicitamay dalka Britain, isla markaana laga cabsi-qabo inay dagal Jihaad ah ku soo qaateen dalka Pakistan, kadibna u soo tallaabay dalka Somalia, waa sida lagu xusay Warbxiinta.

Wargeyska waxa kaloo uu qoray inay Ciiddamo ka kala socda 38-dal ayaa haatan ku sugan dalka Afganistan, kuwaasi oo saldhigyo ku leh, isla markaana Dagaalyahannadda Al-qaacidada kula dagaalamayo si aysan mar dambe abid ugu noqonin degaanno ay ku nabad-galaan.Wargeyska The New York Times, waxa uu qormadiisa ku xusay in Hoggaamiyayaasha Ururka Al-qaacida haatan deggeen dalka Pakistan, iyagoo isaga soo tegay dalka Afganistan.Al-qaacida ayaan haatan u muuqanin mid ka gaabisa khibradaha hawlgelinta ee Hoggaankooda.Mid ka mid ah Saraakiisha Ururkaasi, ayaa la sheegay inuu mas'uul ka ahaa samaynta daraasaad lagu unkayo helitaanka hubka halista ah ee Nukliyeerka iyo kuwa Bayoloojiga, si loo bar-tilmaameedsado Danaha Reer Galbeedka ah, kaasi oo loogu magac daray Himilladda Sare ee Al-qaacida.

Banaadir Post

London.

Madaxweyne C/laahi Yuusuf oo lagu eedeeyay inuu gacan dhaaf ku sameeyay dastuurka dowlada KMG ah ka dib markii uu magacaabay 6 degmo oo cusub

Waxaa soo gaaray shabakadaan Mudugonline eedayn ka timid mid ka mida xildhibaanada baarlamaanka KMG ah oo diiday inaan magaciisa soo xigano. Xubintaas ayaa ku eedeeyay madaxweynaha dolwda KMG ah inuu ku xadgudbay dastuurka u yaal Somaliya ka dib markii uu u magacaabay degmooyin cusub gobolada Mudug iyo Galgaduud.

Madaxweyne Yuusuf ayaa asbuucaan magacaabay degmooyinka kala ah:

Gobolka Galguduud

1. Degmada Baxdo
2. Degmada Xeraale
3. Degmada
Guriceel &
4. Degmada Ceelgaras

Gobolka Mudug

1. Degmada Col-u-gula
2. Degmada Jowla

Xildhibaanka ayaa sheegay inuusan madaxweynaha awood u lahayn inuu wax ka badalo tiradii hore ee degmooyinka Somaliya illaa inta la samaynayo doorasho xor ah iyo tirakoob.

Xildhibaanka ayaa sheegay in uu muuqdo madaxweynuhu inuu talabadaas ku qancinayo kooxaha la dagaalaya dowlada oo degmooyinka la magacaabay ay taageerayaashoodu aad ugu badan yihiin. Xildhibaankaas ayaa intaas ku daray in magacaabida degmooyinkaan ay tahay mid siyaasadeed ee aysan ahayn mid ay si gooniya u mutaysteen tuulooyinka degmooyinka loo magacaabay.

Dhinaca kale wasiirka arimaha gudaha ee dowlada KMG ah ayaa sheegay in aan xafiiskiisa lagala tashan magacaabida degmooyinkaan cusub oo uu sheegay inaysan munaasib ahayn waqtigaan lagu jiro dagaalada dowladuna aysan wali xasilin dalka.

Mudugonline.com

Ciidamada Nabad ilaalinta Itoobiya oo afka u jooga B/Weyne iyo kuwii Maxkamad Beeleedka oo isaga cararay

Wararka naga soo gaaraya gobolka hiiran ayaa waxay sheegayaan in Barqanimadii saakay ay ciidamada Nabad ilaalinta Itoobiya ee ku sugnaa Kala Beyrka oo ka tirsan degmada Baladweyne ay u soo dhaqaaqeen dhinaca magaalada, iyadoo bannaanka magaaladana ay difaac xoogan ugu jireen Maxkamad beeleedyo laga soo amaamuray gobolka Galgaduud, halkaasi oo dagaal xoogan uu ku dhex maray labada dhinac.

Wararka laga helayo Baladweyne ayaa sheegaya in haatan ciidamada nabadilaalinta Itoobiya ay qarka u saaran yihiin afka hore ee magaalada Baladweyne oo ay ka awood roonaadeen Maleesiyaadkii Maxkamad Beeleedyada.

Warku wuxuu intaa ku darayaa in Maleesiyadii Maxkamad Beeleedyada ay isaga soo carareen difaacii ay ku jireen markii ay dhagahooda xamili waa yeeyeen daryanka madaafiicda ku dul hoobaneysay waxayna u soo dhaqaaqeen dhinaca Beer Xano ee xiga Buule Burde ee Gobolka Hiiraan walina waa lagu daba joogaa.

Maleesiyada Mxkamad Beeleedka ayaa isku dayey in ay iska daafacaan ciidamada Nabad ilaalinta Itoobiya ee u soo ruqaansaday magaalada Baladweyne kuwaasi oo doonaya in ay fariisin ka dhigtaan Buurta Janta Kuwindishe balse laga awood roonaaday Maxkamad beeleedkii .

Wariyaha Abaadiroow ee gobolka Hiiraan ayaa wuxuu inoo sheegay in ciidamada Nabadilaalinta Itoobiya ay hadda ku sugan yihiin duleedka magaalada Baladweyne iyadoo ay doonayaan iney gudaha u soo galaan Baladweyne, ugana gudba Janta Kundishe.

Banaadir Post.
Xamar.

Ciidamo xoog badan oo Ruwadees ah oo ku soo fool leh Somaalia.

Kigali :-Waraka laga helayo xarunta wadanka Ruwanda ayaa sheegtay inay Ciidamo Nabad-ilaalin u soo diri doonaan dalka Somalia dabayaaqadda sanadkan, si ay ugu biiraan Hawlgalka Nabad-ilaalinta Afrikaanka AMISOM.

Afhayeenka Ciidamada dalka Rwanda, Jill Rutaremara, ayaa sheegay in go'aanka Ciidamada loogu soo dirayo dalka Somalia tahay sidii Ciidamo loogu biiriyo dadaalka Ururka Afrika ee Nabad-ilaalinta ee dalka Somalia.

"Tiradda Ciidamada loo soo daad-gureynayo dalka Somalia, waxa uu noqonayaa go'aan si heer sare loo soo abaabulay, mana dhici doonto dib-u-dhigis dheeraad inay lagu sameeyo ilaa sannadkan dabayaaqadiisa" ayuu yiri Afhayeenka Milliteriga ee dalka Rwanda.

Sarkaalkaasi, waxa kaloo uu tilmaamay inay weli jiraan dhibaatooyin dhinaca Loojistikadda oo u baahan in la xaliyo.

"Ciidamada dalka Rwanda si buuxda ayey ugu diyaar-garoobeen, loona tababaray sidii ay uga qeyb geli lahaayeen Hawlgalada Nabad-ilaalinta ee laga fulinayo dalalka Afrikaanka ee ay colaadaha ka socdaan iyo qeybaha kale ee Caalamka" ayuu sii raaciyey Afhayeenka Ciidamada dalka Rwanda, Jill Rutaremara
Dhinaca kale, Waa markii ugu horreysay oo Sarkaal Sare oo ka tirsan Milliteriga dalka Rwanda si rasmi u shaaciyo inay Ciidamo u soo dirayaan dalka Somalia ee ay colaadaha ragaadiyeen.

Ururka Midowga Afrika ayaa horey ugu baaqay Dowladaha Afrikaanka inay Ciiddamo ku soo biiriyaan Hawlgalka Nabad-ilaalinta Afrikaanka ee ka hawlgelayo dalka Somalia AMISOM, inkastoo ay inta badan Dowladahaasi ka gaabiyeen inay Ciidamo u soo diraan dalka Somalia, marka laga reebo Dowladaha Ugandha iyo Burundi oo iyagu ku dhawaad 2,600-Askari u soo diray Magaalo-madaxda Somalia ee Muqdisho.

Banaadir Post.
BanaadirPost@gmail.com

Dhaqdhaqaaqa dib u xureenta gobolka shabeellada hoose

Waxaan digniin buuxda u dirayaa kuwa ku takri faley dheefta xuquuqda gobolka shabeellada hoose, gaar ahaan, maamulka marba magaca la baxa, iskuna qariya magacyada kala duwan, maamulka maxaakiim iyo maamul Al-shabaab, amase magac beeleed . hadba kii la sheego, waxaan , qoraalkeyga ku caddeynayaa:-

1- Dhaqdhaqaaqa dib u xureenta gobolka shabeellada hoose marna uma dul qaadandoono, dhibaatoooyinka ay gobolka ku hayaan mooryaanta uu hoggaamiyo Indha Cadde, iyo kuwa uu ku shaqeysto.

2- Marag ma doonto waxaa ah, dhibaatada lagu gaarsiiyey umadda Soomaaliyeed , magac diimeedna loo adeegsadey, taasi waxaa tusaale u ah, dhibaatad laga dhigey Xudur todobaadkii tegey, oo ay mooryaanta Indha Cadde ay ku qaadeen, dad aan lug ku leheen Dowladda Federaalka iyo Xabashida .

3- Odey dahqameedka rag ay u xilsaarteen inay nabad gelyada Xudur Sugaan ayaa lagu xasuuqey , taasi oo laga dan lahaa keli in hubka laga soo dhaco, laguna gumaado umada Soomaaliyeed kale, taasi oo aad wada aragtaan inay dhibaatadeeda ka taagan tahay GuriCeel. iyo Matabaan.

4- waxaan digniin buuxda u direynaa kuwa takri falka maamulka gobolka isla markaana ka amar qaata maamulkii Indha Cadde , ooo nasiib darrida ay beeshiisu ku taageersantahay, waxaan u caddeyneynaa, inay dhamaatey dul qaadkii iyo walaaltinimadii iyo diintii laga keeney gobollada dhaxe eek u saleysan been af ka sheegga ah.

5- Diinta qabta in la xoogo, beer dadaad , guri dadaad, la kufsado, gabar Bikri ah, iyo isla dhaqmaad baxdey, hooyo carruurteeda dhex fadhida, iyo gabar waalidkeeda la joogto, diintaasi waa mid aan isla leheen.

6- Gadh la deysto iyo camaamad cas madaxa lagu duubto diin ma ahan, dulmiile haddii uu diinta xoos galey waxaa lagaga saarrayaa xabbad iyo xoog, manta waxii ka dambeeyana waxaa inuu bannaan inaan kula dhaqanno sida la inoo keeney, taasi oo ka dhigan fartaad dadka ku taagteen in la idin ka jaro , haddii aadan gaabsaninna in la idin gaabindoono.

7-gobolka dadka u dahshey waxay go'aansadeen in si toos ah , loogu midoobo jihaadka lala gelaayo wax allaale waxii dulmi ka woda gobolka, ha noqdaan kuwa kasoo habaabey gobllada kale, amase kuwa u dhashey gobolka oo daba dhilif u ah kuwa takri falka ka woda gobolka.
Ballankeennu waa jihaad nafta loo huro, xureenta gobolka shabeelalda hoose, loona daadiyo dhiig fara badan, ilaa laga gaaro nabadda la tiigsanaayo eek u saleysan is maamul goboleed, dadka gobolka u dhashey , inay helaan xaqa ay ku leeyihiin gobolka.

Gobolka beelaha ku nool waxay ka mideysanyihiin inuu dulmiga uu gaarey xad ay Soomaalinimada so'aal ka qabaadaan, taasina kalsoonideeda waxay keli kusoo noqonkartaa inay noftooda iyo maalkooda u huraan, sidii ay u garaan tixgelinta ay dadka iyo dalka ku leeyihiin.
Taasi oo ay ka waayeen Soomaalida oo idil, ayada oo uu gobolka yahay meesha keli ugu dheefta badan dalka oo idil isla markaana dheeftiisa ay tahay mid dalka oo dhan deeq, mar haddii taasi loogu garan waayey walaaltinimo iyo Soomaalinimo, waxaa hadda ka dib dhalindoono qoriga iyo fillarta.

Qore : Af-hayeenka Dhaqdhaqaaqa dib u xureenta Gobolka Shabeellada Hoose

Maxamed Cismaan "Yaraas"